اقتباس:
المشاركة الأصلية كتبت بواسطة كويتيه78
لاهنت عالصور النادر
لكن في صوره فتقت نياق قلبي
وألمتني لرؤيتي قاتل ضيدان
قصيدة في بني عمي طويله
على الصخري أحاول وأرتكي له
بني عمي سلاطين المجالس
شياطيـــــن الوغا عــــــــز القبيله
نزلنا والطويل يقود جمعه
رجال(ن) من ســــلالات نبيــلــــه
سكنا في رحى وادي يهول
وكل(ن) بالشدايـــــد يحتمـــــي له
وفي ليل العيينه والبنادق
بطشنــــــا في فهـــد ويا عميلـــــه
خذينا ثار ضيدان بن خالد
ومن يغــــــدر بنـــا يا عزتيــــــــله
تشوف الجمع يمناك ويسارك
مع خيــــــل تعلى فــــي صهيلـــــه
تفج نحورن فرسان ومشايخ
وكل(ن) بالوغـا (( خلى خليلــــــه ))
وفي جوده مع كنزان نفخر
وبالهيجـــــا فعايلنــــــــا جزيلــــــه
(محافيظ) المراجل والكرامه
هل الطولـــــه فعايلهم جميلـــــه
(نواجع) للزمن عز وشكاله
مكانتهم على راس الطويلــــــه
(بني هادي) طحاطيح المجالس
رجالن ماتعرف المستحيلـــــــه
(وآل سلبه) زيازيم الحرايب
رجال(ن) مايعرفون الهزيلــــــه
(آل مصرا ) صناديد الفعايل
رجالن مايعرفون الثقيله
(وآل ريمه) مشاكيل ودواهيل
ليا ركبو على سرج الكحيــــــله
(صوالح) ياسعد منهم سناده
رجال(ن) ما تعذربهم فشيلــــــه
مع (آل لزيز) نفخر في نسبنا
ليا ثار الفشـق قــــــدح الفتيلــــه
(شوامر) لا اعتلى صوت البنادق
كبوووود إللي تحاربهم عليلــــه
(هتالين) الحرايب والمعزه
ومن يغزي عليهم طاح حيلـــــه
(سفارين) الكرم والجود فيهم
ومدحي في فعايلهم قليلــــه
(ضواعن) هم بعيدين المغازي
سمات المرجله فيهم خصيله
(وآل حبيش) ذربين المعاني
وكم شيخ تعجل في رحيله
(وآل خويطر) رجال الملاقا
وكم شيخن رجيله ماتشيله
(وآل سليمان) ربن المجرمينا
سيوف للعدا دايم صقيله
(وآل وبير) فرسان الصعايب
كما ويل تحدر من مخيله
(وآل مفلح) مصاعيط المجنن
يعاون صاحبه دايم عليله
(وآل عرجا) أجاويد وأكارم
ألا ياويل غازيهم ياويله
مرازيق محزمه القنازع
وياميه خناجرهم سليله
سلام الله على يام العريضه
سلام يعتني لي وأعتني له
|
كويتيه
أرحبي
صح الله لســــان قائل القصيـــــده وناقلها
أبيات جزله وطيــّـــبه ستتوارثها الأجيال جيل بعد جيل
رحم الله الشـــيخ : ضيدان بن خالد بن حثلين
وجميع أموات المسلمين
القصائد في العييـــنه كثيره ومنها على سبيل المثال لا الحصر
قال أحد شعراء العجمان :
يوم جينا مع الصوان جرداني=يا زين ضرب النمش في قوم عبدالله
وبندق(ن ) في العيينه حج راعيها=صوبت من فهد لكبد عبدالله
وقال الشاعر : سالم بن حوشان
( الذي حضر العيينه , وشاهد أحداثها عن قرب )
لاكن ما سِرنا عليهم مساليخ=ما كِنْ حِنَّا نافلين القبايل
سِرنا بجمع(ن) يشلخ الجمع تشليخ=عجمان لَمَنَّه عصى كل عايل
الدم يزعج في نِحير الصَّلاليخ=في الليل مِنا كَنَّهم في القوايل
سِدْحانهم مثل الطروح المداليخ=مِتْراوِّسين فوق روس النثايل
ابن شافي يعتِرض كنه الذِّيخ=ما يدري يتحقق وين وجه الدبايل
من جوخهم والصبح ربعي مجاويخ=إمحذفينه ذاهبين الحمايل
من ضرب ربع(ن) قادمين على الشيخ=إمصقلات يوردن الغلايل
يازين وسط إخيامهم دقَّت السيخ=يا ليت ضيدان إبعينه يخايل
وقال شاعر آخر :
اللعب والله فـي العيينـه لعبنـاه=ياللـي مـع نسوانكـم تلعبونـي
جمعن لعيبه فالملاعـب تمثنـاه=بمشوكاتـن يلهـبـن المتـونـي
يوم اعترض جمعه علينا دمرنـاه=ماعاد تنينا اللي بعيـدن يجونـي
طقيقهـم مازيـد تمحـا جدايـاه=والشيخ منهم شاعفتـه الجنونـي
احدن شعفه الجن واحـدن قتلنـاه=واحدن هلك بين الغضا والعيوني
طرحانهم مثل الخشيـب المدانـاه=ربعي للـي ماحنـن يمحنونـي
لا زعزعوا مرزوق عقب المثاراه=ماعادهم للـي دعـوا يسمعونـي
سمن الغنم ينثر على كف يمنـاه=اللي قصر من ماقفه كـل دونـي
خيامهـم علـى المبانـي مبنـاه=وعوالنـا بفعولهـم يكبـرونـي
ليلن عليهم ما احدن قبـل سـواه=ليلن تواصيفه علـى كـل لونـي
ان قلت براق الحيـا كنـه ايـاه=مثل الرعد من راسيات المزونـي
جون على الجدان من جاه جينـاه=ولا حصل للـي قديمـن بهونـي
نحتدهم حـد الضمايـا لمضمـاه=حتى انهم من عقبنـا يسمحونـي
يا من يرد العلـم للشيـخ لاجـاه=ياويش عادهم من ورانا يبونـي
عوالنا فرسـان الخيـل مطغـاه=ولا مر عليها بالنمـش يلحقونـي
كم واحدن منهم على القاع دسنـاه=عليه تكفـخ جوختـه والزبونـي
يستاهل اللي فالصيانـي مجفـاه=غصبن على اللي عندهم يرملوني
حريبنا ما ياكـل الـزاد لاجـاه=مثل الرمد لاما وقـع فالعيونـي
حريبنا لامـن حربنـا حربنـاه=بمصقلاتـن يشلخـن المتـونـي
العـو لامنـه برانـا بريـنـاه=بشلفن مضاربها تفـج الزغونـي
والعد لامن جا المزاحـم مردنـاه=بجموعنا اللي ضافيات الركونـي
يفدانا اللي ما يعـرف المجـازاه=عليه دايـم لا بغـوا يخمرونـي
لعيون شقحا مقدم الـزود تبـراه=هجاجتـن لا طرقـوا باللحونـي
ننزل لها فاللـي تـوده وتشهـاه=بعوالنا اللـي ينزعـون الديونـي
ومهارنا اللـي للحرايـب مغـذاه=في دارها الاجناب ما يرتعونـي
ومن شعراء الوقت الحاضر
الشاعر : سالم بن جخيــر العرجاني
لاغنيت ياابن جخير يامروض القيفان=تحزم بربعك وارفع الصوت بلعاني
تحن الرعود ويلتعج بارق الهتان=وتمطر مزون الشعر وتفيض قيفاني
اعرف القصايد قاف معنى بحر ووزان=والى جبتها من بدع راسي ووجداني
اغني وانا شفقان واكتب وانا شفقان=وراسي لصلفات الطواريق يحداني
الى جيت ابركد واتعوذ من الشيطان=تعزوابي الجن المسمى وناداني
اسمي وارتل ماتيسر من القران= وبلاي ان معاي جنون وتزود اجناني
سلامي على العجمان في وادي العجمان=سلامٍ ينومس كل عجمي وعرجاني
هل الوقفه اللي فالعيينه وفي كنزان=يسولف بها القاصي ويفخر بها الداني
على ذكرهم ركبت صوتي على الالحان=والى من سمعني طيب الراس لاحاني
وكذلك الشاعر : مناحي الصميل آل سفران العجمي
قم يا قصيدي حان وقـت الفخـر حـان=وأبنتقـي مِـنـك البـيـوت الجـزايـل
أبغيك شاهد حقّ وثابـت وبرهـان=واحضّـرك لا قيـل ( ويـن الدلايـل ؟ )
لـي لابـةٍ حلّـت علـى كــل مـيـدان=اليـوم والا بالسنـيـن الأوايــل
يابوك حن ( عجمان ) والا قيل عجمان ؟=يحضر لـك التاريـخ صايـل وجايـل
سيـفٍ مجـرّب لا حضـر كـل شيـطـان=اليـا ضربنـا يعتـدل كـل مـايـل
ربعـي هـل الـوادي مواريـث فرسـان=اهـل المراجـل متعبـيـن الأصـايـل
حتى انشد ( التركي ) الى عهـدك الآن=يضرب لك أفعـال ( المعيضـي ) مثايـل
انشد وتلقى علوم وأفعـال .. (( راكـان ))=حـرٍ تفـاخـر بــه كـبـار القبـايـل
مـن وادي العجمـان لحـدود نـجـران=الـى الحـسـا وديــار نـجـدٍ وحـايـل
لا جـاء نهـارٍ وإعتلـى فيـه .. دخّـان ؟=ويشـاف فعـل الرجـل بيـن الفعايـل
أبشـر بقـومٍ لأعتـزوا .. ( ثـار بركـان )=حـتـى معاديـهـم اركـبّــه تـهـايـل
وفعول ربعي يوم ( جـوده) و ( كنـزان )=ويـوم (العيينـه) وقعنـا لـه هـوايـل
يوم اغدروا في ذبحـة .. الشيـخ ضيـدان=جينـا بطشنـا بكـل خايـن وعايـل
اليـن صـاروا عـبـره لـكـل خــوّان=ولكـل مـن نفسـه تبـيـه إيتحـايـل
وفينا الجبان .. اللي عـن الهـوش عجـزان=اليـا اعتـزت بنتـه يسـوّي هـوايـل
( اهـل القنـازع ) بالملاقـا لنـا شـان=لا ثـارت الهيـجـا وجيـنـا فصـايـل
هـذا كـلام الصـدق .. ومانـي بغلطـان=( وبأعيدها لا قيل ويـش انـت .. قايـل ؟ )
مشكوره على مرورش الــــــرائع
تحياتي
08-01-2010, 06:02 PM
العرض العادي
