مستقبلك رتبه ../ لو هو عشاني ..! للـتواصل

[موادعك خيره..!]

.

.



بسم الله الرحمن الرحيم



السلام عليكم ورحمة الله وبركاته



عـوده لهـذا القسم بهـذه الرائـعه .. أتمنى أن تلامس مشاعركـمـ




بدينـا ..صلو عالنبي





كان الصبر بإنتظارك .. وأنت مفقود
ياللي وجودك .. مثل طبعك أناني

رحلت محدود؟ ولا منت محدود؟
مدري .. وبس الأكيد أني أعاني

تقول وقتك خذاك؟ .. وعندك شهود؟
أنا شهودي / عيوني والمحاني

لو كان وقتي ووقتك .. يعرف الجود
كان الأمل .. ما جفاك وما جفاني

والشوق ماله دخل بالنقص والزود
أخذه وأنا اليوم .. حرماني كفاني

من حيث ما جيت .. روح وحدد حدود
بيني وبينك .. وأنا حزني مكاني

هذا مقدّر .. ولاهو عنـك مـردود
مدام ربي كتب موت الأماني

واللي فتن خافقي .. بعيونك السود
أصبحت أشوفك بقلبي .. شخص ثاني

من رحت من خاطري .. والباب موصود
ماهو وفا بس أبي أحمي .. كياني

أنسى .. وطالع وش اللي صار موجود
صب أهتمامك عليه .. ولا تراني

ماضيك لا تتبعه .. وتصير موعود
مستقبلك رتبه ../ لو هو عشاني

وإذا ذكرت الغرام .. وحركك نود
في خاطرك قول / ماهو الأولاني



للشــاعـر : مطـلق الجبعـاء


.


.