الجفــا ما هــو سنــافـــي ولا فيـــه ثمـــرة..!!

[وردة العجمـان]

صباح /مساء الخيــر,,





أتمنى أن ترضي ذائقتكم..

القناعة كنز ..والعقل فانوس الضرير=والتغابي حيلة اللي زمانه يحقره


والرجل لا صار عاصي ترى ما فيه خير=ان حكابي بحقره وان نفعني بشكره


والخيال اكبر من الحلم والواقع مرير=يا بري حال المعنا وحزنه وقهره


ودي أكابر على الجرح والحزن الكبير=اللي لو استصغره طيش حزني كبره


كبر حزني عقب توديعة الليل الأخير=كبر دمعات اليتيم فـ زوايا المقبرة !!


أتقوى بالصبر والحزن سيف شطير=والجفا ما هو سنافي ولا فيه ثمرة


ليتني ما كنت أحب بقناعات الفقير=وابتسامات الحياوي وضحك المبزرة


وليت ما عندي أحاسيس وشعور وضمير != وليتني مبكي على الماضي ولا اتذكره


الحنين يكبّر الحب لو انه صغير=والخيانة تقتل الحب وتقص ظهره ..!


صاحبي ما نيب ميت من الأحزان..مير=رتب اجروحي غلا وبعثر اللي تبعثره


واقتل إحساس القصاد وغلفها بحرير=واجبر أحلامي قبل جور دمعك يكسره



الغني اللي من اجروح خلانه فقير=والفقير اللي ما عنده عيال ولا مره ..!

الشــاعر....
.
.
.

فهــد بن شويمــي