ناصر القصبي في دور سوزان.. صمت دهراً فنطق عهراً

[فلاح بن جمل]

لا هنت على الموضوع يابو حسن ...

وانا الصراحه اشوف ممثلين واجد قامو بدوور نساء..

بس ليه يعني بذات حددتو على القصبي ..

ولك جزيل الشكر

[@الشيــــــــــــنه@]

بالعكس ماهاجمنااا بس قويه يمثل دور حررمه ولا صار كل شي عادي عندكم


استغفرالله وين الرجووله بالعكسس دورة ماكان يضحك كان يحزن الواحد عليه


عادي صار الرجال يمثل دور الحررمه ولا الحرمه تمثل دور الرجال


واتمنى انه مايعيدهاااا



يسـلمو

[كلاش]

لاهنت يابو حسن

ولاكن دورره لايضحك بل كان يحزن لان لايمثل دور النساء الى النساء


وبعدين قويه انه يمثل دور حررمه


ولعن الله المتشبهين من النساء بالرجال والمتشبهين من الرجال بالنساء

[راعي البلجيك]

المشاركة الأصلية كتبت بواسطة @الشيــــــــــــنه@

بالعكس ماهاجمنااا بس قويه يمثل دور حررمه ولا صار كل شي عادي عندكم


استغفرالله وين الرجووله بالعكسس دورة ماكان يضحك كان يحزن الواحد عليه


عادي صار الرجال يمثل دور الحررمه ولا الحرمه تمثل دور الرجال


واتمنى انه مايعيدهاااا



يسـلمو

انا اؤيدك انه يحزن اكثر من انه يضحك

حتى اني يوم شفته والله ماصدقت

وان بدفاعي عنه ما ابرر له هالشي اللي سواه

بس اقول هنا ان القصبي كانت نيته يضحك المشاهدين بس ما توفق بهالشي وجاب العيد

وانا متأكد بأنه عرف خطأئه و ما بيعاودها

بس لو نشوف اللي يتمادوا بالخطئ ويكررونه كل سنه ويضربون بالانتقادات عرض الحائط مثل داوود حسين وحسن البلام يهون عندهم القصبي

والخطأ في الاول والتالي اشوف انه يلحق المخرج عبدالخالق الغانم لانه هو اللي يوزع الادوار

[@الشيــــــــــــنه@]

اصلا ماينشره على داوود حسين ولا البلام ولا طقتهم

[فزاع]

قال الرسول صلى الله عليه وسلم :


( لعن الله المخنّثين من الرجال والمترجلات من النّساء


جزاك الله خير
وماقصرت

[متبقط]

المشاركة الأصلية كتبت بواسطة @الشيــــــــــــنه@

اصلا ماينشره على داوود حسين ولا البلام ولا طقتهم

ألحين ماتشرهين على هذولا وعلى ناصر تشرهين
وناصر ماهوب بعيد منهم
اللي يشوفش يقول ناصر ألحين من أحفاد اللي شقوا بالكام << فهمتي الكمام
ناصر أخاف أنه من عوال القبايل المحسوبين قروي من ظهر قروي مثل مثل ناصر درويش وداود والبلام .

وشعلينا منه مثل مره ولا رجال حنا بنحشر معه في القبر له رب يحاسبه .... والصدق أنه ونسنا وضحكنا يوم تقرف من عبدالله السدحان .


وخلوا منكم الخرابيط اللي مالها داعي ...والمهاترات في الأسلام اللي يشوفكم يقول الأخوان معتكفين في الحرم << وهم طايحين نت وفله


متبقط صح

[الليدي مزنه]

الأحاديث النبوية التي ذكرت في بداية الموضوع تتحدث عن الأشخاص اللي ينتهجون صفات الجنس الآخر في حياتهم الواقعية .. ويعيشونها بتفاصيلها كل ساعة ويوم .

أما القصبي فهو مجرد ممثل كوميدي .. وأي دور يقوم فيه هو مجرد دور لمدة معينة وينتهي .. لزوم الاحداث في حوار القصة .. وغيره كثير من الممثلين الرجال قاموا باداء دور النساء والعكس صحيح .. لكن بعد خروجهم من التصوير يرجعون لحالتهم الطبيعية .. مجرد بزنس يعني

فماله داعي تكبير الموضوع واعطائه حجم أكبر من حقه .. خصوصاً أن المسلسل عليه قفلات حلوه

.

[PINK]

عدل كلامك
بس صراحه الحلقه كانت عجيييييييييبه مت من الضحك عليه

يسلموووو ويعطيك العافيه

[فزاع]

المشاركة الأصلية كتبت بواسطة الليدي مزنه

الأحاديث النبوية التي ذكرت في بداية الموضوع تتحدث عن الأشخاص اللي ينتهجون صفات الجنس الآخر في حياتهم الواقعية .. ويعيشونها بتفاصيلها كل ساعة ويوم .

أما القصبي فهو مجرد ممثل كوميدي .. وأي دور يقوم فيه هو مجرد دور لمدة معينة وينتهي .. لزوم الاحداث في حوار القصة .. وغيره كثير من الممثلين الرجال قاموا باداء دور النساء والعكس صحيح .. لكن بعد خروجهم من التصوير يرجعون لحالتهم الطبيعية .. مجرد بزنس يعني

فماله داعي تكبير الموضوع واعطائه حجم أكبر من حقه .. خصوصاً أن المسلسل عليه قفلات حلوه

.

لا نعطيه اكبر من حجمه لانه ممثل سعودي خليجي
ويكفي ان حلقات طاش رمضان هذا كان 80 بالميه منها
تبي الوضع يكون فري عندنا في المملكه والعلمانين اللي ورى الحركات هذي
بس ماراح الواحد ينتبه لهم الا اللي عنده بنات واهل يخاف عليهم
واظن القصبي خالف الشريعه ومن ايده ودافع عنه فالعياذ بالله