ما مر يومٍ جديد الا انت فـي بالـي ،، زايد بن كروز

[@الشيــــــــــــنه@]

السلام عـليـكم

وحياة رمش الغلا وعيونـك الحلـوه =ومداعبات النسيـم لوجهـك الغالـي

وقلبٍ من العطف مد الكف لك ملـوه= وروح الكرامـه ودلتهـا وفنجالـي

وطيفٍ يداعبك في الجمعه وفي الخلوه = والمبسم اللي حظى به ريقك الحالـي

وكوكب وفاءٍ ما فرغ حوضه ولا دلوه = وصدراً يصكه غلاك الصلف من تالي

ماصار لي منك لا فرغه ولا سلـوه = ما مر يومٍ جديد الا انت فـي بالـي

يافارع الطول والحـب اخـره بلـوه =تخيل اني اعشقـك وانـت سلالـي

اجيك ماهمنـي يومـي ..ولا تلـوه =واتشوفيني مستميت وعادك اتمالي؟؟

مادمت اجلوي فراقك هاجسي جلـوه = عساه ينسى غلاك اللي برى حالـي

ماعاد لي قلب يقدر بعـدك وصلـوه =سويـت فينـي سـواةٍ مالهـا تالـي

للشاعر : زايـد بن كروز