ღ♥ღ قلـوب الجالكسـي والفراولـة ღ♥ღ

[مهرةٍ اصيلة]

السلام عليكم ورحمة الله وبركاته ..


كيـف الحاآآل ؟؟

أول موضوع لي في هالقسم ..
وإن شاء الله مايكون الأخير ..

.,.,.,.,.


تعرفون صيف .. وكورس صيفي .. ومافي سفر ذالسنة ..

يعني تأزيم من جميع النواحي ..

من كذا دخلت المطبخ وسويت لي حلا ..

وإن شاء الله يعجبكم ..



ღ♥ღ قلـوب الجالكسـي والفراولـة ღ♥ღ



المقاديـر :

- (1) كريم سائلة (ويب كريم ) 250 مل

- (3) علب قيمر

- (3) حبـات جبن كيـري

- (3) ملاعق سكر بودرة

- (10) حبـات جالكسي ساده مذوبينهم بحمام مائي

- مربى كرز

- كيك سارالي أو أمريكانا كاكاو مقطعه شرايح

- كيك سارالي أو امريكانا فانيليا مقطعه شرايح

- فراولة طازجه أو الفراولة المعلبة مالت الشيز كيك





الطريقـه :

- الخليط : نخفق الويب كريم ليـن يتضاعف حجمها , نضيـف عليهـا السكر البودر والقيمر والـكيري .. ثم الجالكسي .

- نصف شرايح كيك الكاكاو في الطبق , بعدين ندهنها بشوي من المربى , بعدين نحط جزء من الخليـط .

- نكرر نفس الطريقة بس بإستخدام شرايج كيك الفانيليـا إلى أن ينتهي الخليـط .

- نزينه بالفراوله والكاكاو البودرة , ونحطه بالثلاجه .


وهذا شكلها النهائـي



وهذا شكلها الجانبـي




واتمنـى تعجبكـم ..



<< إتقبـل النقـد بصدر رحـب .. عادي ترا



إختكـم .. مهرةٍ اصيله