المجال للشعااااارمفتوح

[راشـــد العـــرجاني]

حياك الله يــامشعل العرجاني


واســتلم يأأمفراص واسمحلى انشغلة شوي

العزوه الي تعتزيها ناقص(ن) فيها فعل = اما تجيب الغايبه ولانهيت المسئله

حاكم واجادلي دول وانته تعد من دول = اما تفك شدادها ولارميت القنبله

[محمد بن عرار]

مرحبا بالجميع .... وحياك الله يا راشد...

العزوه اللي نعتزيها من فصيحات الجمل=لكن شل الثانيه من فوق حمل الاوله.
مافيك حيله غار حصلنا لكم بعض الحيل=شوفو قنابلكم تراها يالذهين مبطله.

[موسع الحدان]

مساكم الله بالخير جميعا....
الله الله
محاوره من الطراز الثقيل،فتل ونقض من اروع ما قريت.
ارجو من الشعار المواصله والاستمرار بالابداع.

[زعلان]

ودي اتدخل بالكلام ان كان لي معكم محل

أقولها وعندي ثقه يأهل الفعول المذهله

اخوان مافيها جدل لاشك مافيكم خبل

تشهدلكم فعل السيوف من قبل فعل القنبله

[راشـــد العـــرجاني]

حياك الله ياموسع الحدان

حياك يالزعلان


اســتلم يامفراص

لو تعتزي منته بحلال الصعيبه والسهل = وحمولنا لوهي على ضهر الجمال مثقله

الي يعقد المحبله يعرف شرابيك الحبل = والليله الي تغتنم يالله عساها مقبله

[محمد بن عرار]

مشعل,, موسع الحدان,, زعلان.......... حياكم الله جميعا واشكركم على المرور.

كثرت علومك يا رفيقي لين شعبت الجدل= لكن على ماقيل كل(ن) لا يخالف مجدله.
احد(ن) نهل من مارد الغبات و احد(ن) ما نهل= وان طاح حظك فاقر يا راشد عليه البسمله.

[راشـــد العـــرجاني]

الله الله

ابــشر ترى يــاصاحبي عند اللوازم نشتغل = ماهي عوايدنا نقد الضيف ثمٍ ٍ نجهله

ان طــاح ســوقك يالريال ابشر نفكك بالهلل=ان كان تقرا البسمله ابشر بعد الزلزله

[محمد بن عرار]

مرحبا بك يا راشد,, واسعدني اللعب معك.
نتوقف هنا،،،،،،، ولكن نرجو انك ما تغايب المنتدى.
واشكر الجميع على المرور جزيل الشكر.