وين زمان وحريم قبل؛

[مدهال^الموت]

السلام عليكم ورحمة الله وبركاته
اخواني واخواتي جزاكم الله خير على المنتدى الجميل وعلى هالعبر والقصص

حبيت اشارك معاكم بقصه قديمه من ايام قبل والقصه تبين جيد المرأه قبل مو الحيييييييييين

القصه تقول:

كان هناك مرأه سافر زوجها لبلد بعيد وضلت هي واولادها الصغاااااااار بالبيت وبعد فتره وفي احد الليالي

لما المرأه بغت تنوم اولادها اخذتهم لغرفتهم وبدت تهادي كل واحد علشان ينام واثناء ماهي تنومهم حست

بصوت خرفشه بالبيت وكان عندها احساس قوي انه حرامي وتاكدت من هالشي لكن فكرت انها ماتقدر تصيح

علشان اولادها مايخافون وعشان الحرامي مايسوي فيهم شي ففكرت بفكره وفي هاللحظه لقت لها خطه

علشان تحل الموضوع وقامت تنادي اولادها وهي رافعه نبرة صوتها عشان الحرامي يسمع كلامها قالت

تعالوا ياعيالي تعالوا انا بقولكم قصتي يوم رحت انا وابوي واخوي الصغير واخذت عيالها بحضنها عاد الاولاد

استانسوا وقربوا في حضن امهم قالوا اي قولينا القصه وهي تتكلم الحرامي يسمع صوتها وبدت تسرد القصه بنوع من التشويق وقالت:

انا يوم كنت صغيره كنت رايحه مع ابوي واخوي لابلنا(بعارينهم) في البر وكنا نمشي ونمشي وبدت تسرد السالفه الحرامي اندمج بالسالفه وقرب من عند الباب يستمع للمرأه وهي تقص لاولادها وكملت السالفه وقال واحنا نمشي ضيعنا ابوي ولا يلحقنا حرامي انا واخوي وحنا نركض نركض وانا اقوم واصيح (يااااااااااااناااااااس الحقوني حراااااااااااااااامي)

وهي فعلا تصيح والحرامي مندمج مع السالفه والجيران يسمعونها
وهي تعيد وتقول قرب مننا الحرامي وانا اصيح(ياناااااس الحقوني حراااااااااااااااااااااامي)المهم صحوا الجيران على صوتها واول ما افتحوا الباب لقوا الحرامي المغفل مندمج يبي يسمع نهاية السالفه.


صراحه مرأه جيده ولا عشريييييييييييين راجل

واتمنى استمتعوا بالقصه

تحياتي
مدهال^الموت