بري حالي لاأنتهي العصر واعلن الانسحاب=وخلت الشمس الصدارة ومالت للغروب
وأذن المغرب وساد السما مثل الضباب=وانتهى والليل لبس الاماكن لبس ثوب
وردة همومي على قلبي الصلب الخراب=وردة حيام الضوامي على عدت جذوب
كلها هانت ولاهنت ياهم الغياب=من محبة صاحبك صرت ياهم محبوب
اخذ ليلك باوله وأكل وأشرب في رحاب=قلب من شدة طهارته تجفاه الذنوب
ايه والدنيا مساكن ورحلة واغتراب=والغلا في الوقت هذا مميز بالعيوب
اشمل بجسمي واعدي على روس الهضاب=وكل ماضيعت وجهي دريت انه جنوب
ويش اسوي فيك ياعم تلعات الرقاب=وانت واقع والتمعان في عيونك هروب
أنت مجرم حب لاااا ويش جاب لويش جاب=انت عذبٍ عذّب رجيلي بشوك الدروب
صرت أهاب من التزاحم وانا ماكنت أهاب=وامشي بكيفك لو اني على المشي مغصوب
صرت أجمع من جروحك وكلماتك عتاب=وقبل اقول شفيك تجرحني أستغفر واتوب
صرت احسب لناس ماكنت أحسب لها حساب=وصرت أكذّب لجل ترضى وانا مانى كذوب
شوف مهما صار بي انحنائي انتصاب=العب بعمري وبعثره بيدك ياللعوب
(أدري ان الجاذبيه تسبب الإنسكاب=وادري اني منسكب وادري ان يديك كوب) !
سلت فرضك وارتوت بي وفاضت بي عذاب=لين حبتني قلوب وتعادت لي قلوب
فاعرف ان زولي غدير وحكاياهم سراب=والمقادير الايادي وشين الحظ طوب
يعني اليا من رموني حقيرين الجناب =صار زولي عشرة ازوال وعيوني قروب
اتعدد لجل اداريك عن طيش الشباب =واتوحد لين يطغى على وجهي شحوب
ماني استاهل كذا منك ياوبل السحاب=لاتبللني وانا ودي انك ما شروب
ايتني وادخل بقلبي ياقلبي باب باب=واخطر عروقي برجليك يااسمر دوب دوب
جل من عروقي بقنينة تراب=نوب تضحك من عذابي وتبكي منه نوب
لو لي دعوة وحيدة وهي بتستجاب=قلت ياربي ليا مر خالفه الهبوب
زوي قلبي كل ماازويت خصرك بانسياب =وقف العالم يرد البحر من كل صوب
ياخلاصة شهد وعذوق مالذّ وطاب=يامغلبني وانا مابعد صرت مغلوب
يامسفرني لوجهك ذهاب بلا إياب=يامعزز بالغلا يامقدر يامحسوب
ايتني واذهب بي بعيد يامال الذهاب=وضمني بيديك بجمد على صدرك واروب
أنت .. لو ضميت تمثال من ضمتك ذاب=كيييف لو ضميت صدرٍ على ذكرك يذوب
للمبدع سعد بن علوش
وصح لسان الشاعر واتمنا انها حازت على رضاكم
العرض الشجري