معركة سناف الطراد والبديعه

[محمد العتيبي]

أشكرك اخوي راكان على الموضوع الطيب
لاهنت

المشاركة الأصلية كتبت بواسطة فكاك^النشايب

مرحبا اخي راكان
عندي مداخله ارجو انها تحوز على رضاكم وهي بعد ماخرج تركي بن حميد من محمد ابن هادي ابن قرمله زبن عند قبيلة سبيع ونزل الهضب وقصد القصيدة المذكوره
//////////
يقول الشيخ تركي بن حميد مستفزع بسبيع بعد ان تفرقوا ربعه ..ووجه هذه القصيده الى الشيخ سعد بن قطنان الذي خاله هاادي بن قرمله شيخ قبيلة قحطان ..والقصيده هي :

يالله ياللـي مـاش حالـن يـكـوده "" رب لطيف يصرف الريح تصريـف
ان ترحم اللـي وحدوبـه جنـدوده "" احدن صلح واحدن تحدر على السيف
حنـا اليـاا كلـن تمصلـح بـكـوده"" نصلـح بقبـن كنهـن الشواحيـف
طريحنا سحـم الـضـواري تــروده"" الا ركبـنـا ليـنـات المحـااريـف
نزلت يـم الهضـب بأوسـط نفـوده"" واصيح للغلبااء بروس المشااريـف
اهـل ديـارن موسعـيـن حــدوده"" واهل مهـارن يلعبـن الغطااريـف
من حـدة البرقـا بشـرق نفـووده"" حامينها الغلبااء بروس المشاريـف
وانشد سعد من صااحبه ويش فـوده"" اللي يصرفله من الحكـي تصريـف
يوم الحويـاء مـا امنتهـم عهـوده"" انسى وصبحهـم بجنـدن مراديـف
ماجـااب طهطامـن حصـان يقـوده"" ولا مهرتن تبراء لجيش المنااكيـف
ان خااف قرب جدهـم مـن جـدوده"" وهم على عاامر عصااتـن مواليـف


وسلامتكم

(( ان ترحم اللـي وحدوبـه جنـدوده "" احدن صلح واحدن تحدر على السيف ))

وهو يقصد بالبيت هذا يذكر شيوخ عتيبه انهم ذهبو للمراعي ولاهو بيمه يعني بعيد عنه


(( وانشد سعد من صااحبه ويش فـوده"" اللي يصرفله من الحكـي تصريـف ))

وهو فالبيت هذا يذكر سعد ابن قطنان عندما ذهب يخطب من خاله فقال له حنا زوجنا ابوك وجيتنا انت اتعبت قحطان ومانبي نزوجك يجي واحدن مثلك ...

(( يوم الحويـاء مـا امنتهـم عهـوده"" انسى وصبحهـم بجنـدن مراديـف ))

وبالبيت هذا يذكرهم بمعركة الحويا وهو ان كان بينهم وبين قحطان عهد ولكنهم خانو قحطان والحمدالله كان النصر لقبيلة سبيع ..


(( ولكن في شطر بيت وهو // واهل مهـارن يلعبـن الغطااريـف //

ردو عليه لانهم فهمو من البيت هذا انه خيل سبيع ليست ضاريه على القتال وانما للعب وانها وقت القتال ترجع وتتركهم فرد عليه شخص من قبيلة سبيع يبين له خيل سبيع

والشاعر اللي رد على ابن حميد شاعر القريشات ان ذاك خالد بن هرسان
احفظ منها:




انــا حربـنـا تسعـيـن عــام حـــدوده
ومن بيننا خطلان الأيادي مصاريف
واللـي انـت تيـتـم ميتمـيـنِ جــدوده
بشلفِ مضاربها حوالي السراجيـف
انـــا لـيــا كـلــن تمـصـلـح بــقــوده
نصلـح بشلـفِ فـوق قـب شواحيـف
طريحـنـا سـحـم الـضـرايـا تـــروده
لامــن ركـبـنـا لـيـنـات المـحـاريـف

والقصيده اطول من ذلك

وبعدها اعتذر تركي بن حميد وبين لهم انه لايقصد ذلك و انما يقصد العكس فرحبو فيه وانزلوه الهضب واكرموه


وبعد القصيدة هذي حصلت معركة البديعه وشاركو سبيع فيها وكان النصر حليف عتيبه وسبيع


تحياتي لكم

ولنا رجعه على الموضوع


اخوك / فكاك^ النشايب

أخوي فكاك النشايب
اولا ونعم والله بسبيع الغلبا وماهي غريبه عليهم هم اهل العاني ومزبنت الدخيل

لكن الامير تركي بن حميد لم يزبن على سبيع أبدا ومن يتمعن بالقصيدة يعرف ذلك
ويعرف ماسبب القصيدة أو لماذا قيلت؟

اولا لم يقل الامير تركي القصيدة عند خروجه من عند ابن هادي كما ذكرت

ثانيا عندما قال القصيدة اراد بها
اما جعل سبيع على حياد بالصراع القائم بينه وبين ابن هادي
او كسبها كحليف له
وهذا ماحدث في معركة البديعه حيث شارك فيها من سبيع تقريبا 25 او 30 فارس من القريشات

[بن هوازن]

ماعليكم زود يالعجمان (صبيان يام )

[محمد العتيبي]

شكرا للجميع

[هـــادي]

لاهنت اخوي راكان

وعتيبه وقحطان من القبايل اللي مايكفيهم موضوع ولا ميه

ولا نقول الا ومليون نعم فيهم

وهي من القبايل اللي لها تاريخ مشرف ويستحق البحث والنشر

تحياتي لك على مجهودك الرئع

[الطائر]

لبن بليهد رحمه الله مثقف جغرافي من سكان الدوادمي جلب قصص من افواه عتيبة وهي وااااهية غاااية الضغف والتناقض .. اما الكلام التاريخي فهو لدى ابن بشر والغنام وامثالهم ..

والله حيرتونا يا عتيبة شيخكم يقول كلام وتخالفونه ..

الشيخ ابن حميد (( يهدي ويشكي و يستفزع )) وهو شجاااااع والا ماقدر يجادل ابن هادي

بالرغم من ان الشيخ ابن قرملة يقول

ياتركي ابن حميد وان كنت صادق

فارجع بقومك لاتولّي دبورهـا


فلم يستطع ابن حميد مواجهة قحطان و تفرقوا ربعه عنه والتاريخ واضح والقصائد واضحة ..

فارجوكم لا تظلموا هذا الشيخ وتحملوه مالم يحتمل فهو يعترف بأن قحطان هي القبيلة الأولى بنجد وفي اكثر من قصيدة وان من شجاعته العارمة اصراره على مواجهة قحطان ..

بعدين ابن قرملة شيخ نجد وكان ملفى الشيوخ من جميع القبائل التي تحاول تكسب رضاه كما
قال المؤرخون وان محاولة وضع ابن حميد او غيره ند لابن هااااادي هي محاولة وااااااااااضحة لتمجيد الطرف الآخر وكأن المجد متعلق بخصومة ابن هااادي !!!