## فتى البزابيز تحت المجهر ##

[™ عبد الله ™]

المشاركة الأصلية كتبت بواسطة New Born

السلام عليكم ورحمة الله وبركاته

وعليكم السلام والرحمه ،،،

اشكر (( الباشا )) على حسن الاختيار للرائع (( فتى البزابيز ))

وانا بعد اشكـــره بعد على اختياره لي ههههههههههههههه

الاخ / فتى البزابيز

احب ارحب فيك تحت المجهر وان شاء الله ماراح اتعبك بكثر الاسئله << بس 30

وانا يســعــدني مــرورك العطــر <<سارق ذالكلمه من قسم الشعر العام


نبدأ بالاسئله

1- موقف صارلك بطفولتك لحد الحين في ذاكرتك ؟؟

- والله يا تايه المواقف كثيره وبعضهم لا يمكن اني انســاه ابد .. على سبيل المثال : دعمتـني سيـّـاره

وانا امشي على رجيلي رايح للبقاله وربـّي فكّ لي ومنها بعد طحت من فوق السطح كنت اسويّ الاريل

عشان مباراه وزلقت ولكن الحمدلله على كل حال

لكن الشيء اللي مقدر انساه .. اني غرقت في بــيــر في احد مزارع الوادي وشربت من الماء لين طلع

مع خشمي .. صدق صدق شفت الموت لكن الحمدلله ان خويي اللي كان يسبح معي

في ذالوقت هذا كان رايح يلقط (دوم) .. "كنـار" يوم جاء ما لقا الا فقاعات الهواء تطلع وخويـّه

يرافس تحت وطلعني .. وهذا سبـّـب عندي (فوبـيــا) من السباحه والبحر والماء بشكل عام

2-شي سويته وبعدين تندمة ؟؟

-الحمدلله ما اذكر اني سوّيت شيء وندمت عليه ... الا شيء واحد خاص وسويته وانا في الثانويه

وندمت عليه حييييييييييل .. وكيف حالك انت

3- في لحظة حزنك إلى اي مكان تلجاً ؟؟

- الجأ الى الله سبحانه .. لكن اذا قصدك عن المكان فـ مادري بالضبط .. يعني مافيه مكان معيـّن الجأ

له لأني وقتها طبيعي بكون متواجد مع العالم بس اكيد انك شايل حزنك

وتذكـّـرت بيت لــ مسـاعد الــرشـيــدي يقول فيه :
انــقـــل الحــزن وامشــي منـتــصــب قـــامه . . . قــاسي الــوقت لكنــّـي بعد قـــاسي


الحين ادخل في مجالي الرياضي

<< راح يلبس شــورت

1- ماذا تعني لك الرياضه وهل انت من متابعين لكرة القدم ؟؟

- الريــاضه شيء اســاسي في حيــاة الانسان وان لم تكن كذلك فلابد ان تكون (اتعب عالجمله )

فالرياضه كانت تمارس من العصور القديمه واوصى بها الرسول صلى الله عليه وسلـّـم ومن خلالها

يشعر الانسان بالحيويـّـه وهي مصدر رئيسي لتجديد النشاط وصفاء الذهــن ..

نعم انا من متابعين كرة القدم وامارسها والدليل اني قد انكسرت رجلي اليمنى وايديني الثنتين وهي

السبب حفظها الله

2- من تتوقع ان يحصل على كأس الخليج القادم (( بغض النطر عن الوطنيه )) ؟؟

-اتوقـّــع وبعيدا عن الامنيــات .. احد هذه المنتخبات بالترتيب ( السعوديه اولا .. الكويت ثانيا .. العراق ثالثا ).

3- ناديك المفضل (( محلي - عالمي )) ؟؟

- النصــّــر السعــودي ... ريــال مدريــد


بما انك من رواد القسم الترفيهي لازم كم سؤال عن الترفيهي

الحين صرت مراقب لا عاد تقول رواد .. هذاك انتم

1- علل : كثرة تواجدك في القسم الترفيهي بالذات ؟؟

- انا بصراحه في اغلب المنتديات اللي شاركت فيها .. كنت احــبّ اشارك

في مثل هالقســم .. احــسّ انه قســم حيــوي ..فيه حــركه .. يعطيك نوع من علاقة الــودّ بين

اعضائه .. يكفي انه قسم يرسم الابتسامه في الوجــه العابـــس

2- برأيك لو اختفى القسم الترفيهي لشهر كامل ماذا سيحدث ؟؟

- اعتقد ان حنا راح نفقد الابتســامه لذات الفـتــره ... (وفالك ما قبلناه)

3- موقف طريف صار معاك

- والله ياخوك المواقف واااجد بعضها مال امـّـه داعي وبعضها محرج ما ينقال وبعضها ان قلته فقدت بريق اللون الازرق في بشتي

بس راح اقــولك موقف طريف وبايخ نوعا مّــا .. اذكر قبل كم سنه كنـّـا رايحين نعتمر في رمضان ..

انا ومعي ثلاثه من الشباب .. ورايحين بسيـّـاره .. المهم اعتمرنا ورحنا لجــدّه .. واحد من الشباب

اللي معنا .. مزحه ثقـيــل ويطش الكبد .. فــ كنت كل ما جاء وقت صلاه وحنا في الفندق وهو معي في

نفس الغرفه لا جيت اصلـّـي .. جاء قــدّامي وقعد يسوي لي حركات .. يعني بالعربي يخرّب علي

الصلاه .. فــ اضطـرّيت انـّـي اروح اصلــّي في الممــرّ برا الغرفه .. يوم رحت هناك الا خوينا هذا يوم

شافني كبـّـرت ويروح ويضرب باب الغرفه اللي جنبنا بقوووووووووه .. ويفرك لها ويدخل الغرفه

ويقفــّـل على نفسه .. وانا ابتلشت مدري انا اقطع الصلاه والا اكمل .. ماخذيت الا ذاك الافريقي طالع

لي وانا اصلـّـي .. طبعا ما فهمت على كلامه لكن الوكاد انه يخانقني وانا اصلي .. ومن بيــاخة

الموقف .. بخــّــيتها ضحكه في وجهه وانا اصلــّي وخذيت سجـّـادتي وفركت لها


انتهى

اتمنى تكون الاسئله خفيفه عليك

ولي عوده باذن الله

ابد من ناحية خفيفه فــ هي خذت ربع ساعه وانا قاعد ارد عليها
حيـّـاك الله اخـــــــوي الغالي "تايــه الغــربـــه" وسعــدت بـتــواجــدك وبأســئــلــتــك
كل الشكــر لك طال عمرك

[محمد بن جنيد]

فتى البزابيز الظاهر قفلت الاتصال
عشان ترد على الاسئله
هههههههههههههههههههه
يالله نمشيها لك انا وتايه واحد

[™ عبد الله ™]

المشاركة الأصلية كتبت بواسطة عنايد

الأخوان الأفاضل : فيصل بن حجرف و الباشا

كل الشكر لكم ويعطيكم العافية على الاختيار الموفق للأخ الكريم : فتى البزابيز

ومنـّــي لهم كذلك




نور المجهر

بفتى البـــــزابيز

بـتــواجدك زاد نــوره طال عمرك

والله أنك من الأخوان اللي احترمهم وأقدرهم في هذا المنتدى واستانس حيل لما ادخل قسم الترفية
واشوفك موجود

شكــرا على الاطراء وانتي من الاعضاء اللي لهم حـضــور مميـّـز سواء في المواضيــع او الــردود

وبما انك تحت المجهر

اخذ هذه البطاقة من أختك عنايد فيها اسئلتي والله يعينك عليها :

انشالله ما أكون ثقلت عليك باسئلتي

وتقبل

بما ان الصوره ما تطلع في الاقتبــاس .. فـ راح اردّ على الأســئــله هنــا ..

1- اولا .. الحمدلله انا ما اتصــنـّـع واستخدم اساليب غير موجوده في شخصيـّتــي او بطبـيـعتــي ..

وان كنت اجيـد ذلك .. لكن يمكن هذا هو الجانب البارز في فتى البزابيز .. وطبيعي فيه جوانب اخرى

يمكن تكون غير واضحه يعرفها من يعرفني برا النت

2- النور من صفات الله عز وجلّ .. لذلك فـ انا اجده عند التقـرّب الى الله عن طريق الفروض

والواجبات .. او عند القيــام بعـمل انسـاني خالص لوجه الله ..

وبالنسبه للظلام فـ لا اشعر بوجوده الا عندما اكون مقـصـّـرا في اي عمــل واجب علي اتمامه .

3- وما استعصى على قوم ٍ منالا ً. . . إذا الإقدامُ كان لهم رِكابا

4- الماضي : ذاكــرة الحـاضــر

المسـتـقـبل : الأمــل والمجهــول

الغــدر : صفة المنافق .. و وسيــلة الخـبـيــث

الـ حــبّ : حرفين فيهما بحور ليس لهما ساحل ولا مرفأ .. عجز الواصفين ان يصفه

فكيف بـ فتى << استريح بس

الفــراق : هو سبب ولادة الشـوق عند الأنســان ولولاه لما شعرنا بالشوق .. ولا شـكّ انه مــؤلــم

للأنسان

<< وش عنده مروان المطوع


5- طمـوحي عند تسجيلي في المنتدى وحتى بعد الحصول على الاشراف واحد .. وهو العمل الجماعي

للـرقـيّ بهذا المنتدى والحفاظ على توحيـد مواقف وكلمة ابناء هذه القبيـله


بالنسبه للاغنيه .. فـ اهدي لكم "شكـنـكـري" للراحله .. عتـاب مشـعـلاني


6- عندي كلمه لجمهوري ومتابعيني ! << توم كروز على غفــله

بصراحه هي امنيـه وليست كلمة أمـر .. اتمنـّى ان نكون كـ ابناء البيت الواحد

وان لا تفسـد آرائنا قضـايـانا وان تكون نقاشاتنا للوصــول الى اهدافنا .. لا ان تكون

عن طريق البروز على اعناق الاخرين



وفي النهــاية .. شكــرا لك اختـي المحتـرمه. . "عنـايـد" وشاكر تواجــدك .. ولك اجمـل تحيـّـه

[™ عبد الله ™]

. . . " نيــــو بـــورن " . . .

ســـــــــــــــــ sorry ــــــــــــوري على اللخطبــه اللي صارت

انا حطـّـيت تايه الغربه .. لانكم كلكم في المنطقه الشرقيـّـه .. واحد الخفجي والثاني الخبر

عشان كذا التبـس عندي الموضوع

<< امحق عـــذر

والسـّـمووووووحه طال عمرك

[@الشيــــــــــــنه@]

ياهلا ومرحباااا والله


اقوول



شريت شي للعيد ولا لأ

[تايه الغربه]

السلام عليكم ورحمة الله وبركاته ..

أخي الغالي ( فتى البزابيز )
أسعد الله اوقاتك بكل خير .. ومن العايدين طال عمرك وكل عام وانت بخير وعافيه ..

اول شئ انت من حطوك مشرف وانت منت مضبوط
واسئلة " نيــــو بـــورن " ابد ولا يهمك اعتبرها اسئلة تايه الغربه
<< اموون عليه وسد اللزوم راعي الخفجي وابن الاهلي وهو كفو

ثاينا ً

بما انك من جمهور نادي النصر السعودي
فعندي لك سؤال ..

ما تحس ان النصر( تدهور ) بعد وفاة الامير عبد الرحمن بن سعود ؟

في الختام ارجوو ان تتقبل مروري السريع هذا
وتقبل كل الحب التقدير لشخصك الكريم ..!!
سلالالالالالالام ..!!

[™ عبد الله ™]

المشاركة الأصلية كتبت بواسطة تايه الغربه

السلام عليكم ورحمة الله وبركاته ..

عليكم السلام ورحمه الله وبركاته ..
مرحبا ومسهلا ..

أخي الغالي ( فتى البزابيز )
أسعد الله اوقاتك بكل خير .. ومن العايدين طال عمرك وكل عام وانت بخير وعافيه ..

واسعدني تواجدك طال عمرك .. وعساك من العايدين وكل عام وحنا نشوف تايه

اول شئ انت من حطوك مشرف وانت منت مضبوط

ههههههههههههه
عاد تصــدّق انت الوحيد اللي تشوف العكس

واسئلة " نيــــو بـــورن " ابد ولا يهمك اعتبرها اسئلة تايه الغربه

<< اموون عليه وسد اللزوم راعي الخفجي وابن الاهلي وهو كفو

انا التمست منه العــذر لأني ضيـّعت بين الخفجي والخبر .. مثلك عارف مابعد طلعت من بطنها

<< هـهـا بس .. حافظ اشارات الخفجي للطريق المؤدّي الى الوادي

الله لا يفرقكم

ثاينا ً

بما انك من جمهور نادي النصر السعودي
فعندي لك سؤال ..

ما تحس ان النصر( تدهور ) بعد وفاة الامير عبد الرحمن بن سعود ؟

شوف طال عمرك نادي النصر تدهور من سنة 1998 يعني له ثمان سنين تقريبا ما شفنا ولا

بطــوله .. وكان ذلك على وقت الراحل (ابو خالد) وهذا يعني ان الانتكاسه والانحدار في المستوى

العام للنادي من وقت عبدالرحمن ابن سعود الله يرحمه .. لكن اعتقد ان السبب الرئيسي هو وجود

نفس السلطه على هذا النادي .. واتمنى يقـرّون تخصيص الانديــه بأسرع وقت

في الختام ارجوو ان تتقبل مروري السريع هذا
وتقبل كل الحب التقدير لشخصك الكريم ..!!
سلالالالالالالام ..!!

حيـّـاك الله أخــوي الغالي " تايــه الغربــه " .. واسعدني مــرورك وخفــّـه وجـوودك
تقبـّـل تحياتي

[™ عبد الله ™]

المشاركة الأصلية كتبت بواسطة @الشيــــــــــــنه@

ياهلا ومرحباااا والله


اقوول



شريت شي للعيد ولا لأ

والبقــى .. هلا بالشـّــيــنه ..

أقــول متــى خبــرش بـ مقابل طــوفّ الحبــس !؟؟

[@الشيــــــــــــنه@]

هههههههههههههههههههههههههههههههه ياااي من ذو مبطي

[فزاع]

هلا بأخونا الغالي
فتى البزابيز وحياك بينا تحت المجهر

وبخاطري كذا سؤال اذا سمحت

س1-انتا تقول النصر انتهى بعد ابوخالد وهذا خطأ لانه في عصر ابنه فيصل شهد النصر
بطولات كثيره ووصوله للعالميه ,,ما رأيك؟

س2-هل ترى في نادي الهلال انه فريق مدلل من الحكام مثل مايردده البعض؟
س3-هل انحصرت الاثاره والقوه والاعلام بين الهلال والاتحاد ..مارايك؟


هذا ماعندي وراجع لك ان اراد الله ذالك