مرحوم ياقصر السناعيس برزان=غـدا محطـه للسوافـي ترابـه
من يوم شفت العث يسعى بدمران=بكيت يوم ان( الدركتـر) مشابـه
ماهو غلا مار للنفس ميزان=راحو هله اغلا منـه هـو قرابـه
ياما شبع به من هفي ٍ وجيعان=والله مـن شيـخ عزيـز لفـا بـه
مضيف اخو نوره تولّوه قصمان=يحتّس لامـن القصيمـى وطابـه
ياويلكم لو يظهر اليوم سرحان=وينجال عن ذيك النصايـب ترابـه
والله ان تلقى بكم تقل خيفان=لاجاه من وبـل السمـاء لـه سحابـه
ياعين لا تبكين فـي هـد برزان=ابكـي حـرار بالملاقـا ذ يابـه
تر ضدهم مايرقد الليل حيران=مثل السبـاع ليـا تعـاوت بغابـه
دنياك مادامت لكسرى وعدنان=صيّور ماتضفـي عليكـم ترابـه
الله اكبر
الله اكبر
الله اكبر
لآهنت ياخوي على هالقصه والقصيده
وسيبقى قصر برزان في ذاكرت جميع ابناء شمر
وللمعلوميه يوجد الكثير من الشمامره سمّوا ابنائهم على اسم هالقصر
لكي لا ينسوا ابداً مابناه أجدادهم من تراث عظيم
وقيّم راسخه في الأذهان
لم ولن تنمسح مهما فعلوا الأنذال
..
عموماً لله دركـ ياخوي على هالقصيده وصح لسانك ولسان الدعيّع
شكراً
__________________
طنايـا وانشــــــــــــــدوا كـل الأجيـال
,,,,,,,,,,,,,,,,,,,,,تاريـخ ربعـــــي كاسبيـنـه بالافـعـال
ياعيال نبغى مجـد الأجـداد ياعيـال
،،،،،،،،،،،،،،،،،،،،بسيوفهـم كـــم روضـوا كـل خـايـب
|
29-06-2006, 03:48 AM
العرض العادي
