معركة دلقان بين الشيابين والغييثات

[المحق]

المشاركة الأصلية كتبت بواسطة المطلع

يقول محمد العلي العبيد من اهل عنيزة في مخطوطت النجم اللامع للنوادر جامع ص 131 وهو كان ملازم للشيخ هذال بن فهيد والكاتب له يقول:

والله ونعم بالشيابين وعتيبة كلها تاريخ موثق ومشرف والدليل الاستشهاد بالمصادر والكتب والله ونعم بكم ياعتيبة الهيلا



وللجميع قراء هذا الموضوع شفتم كيف بعض الناس يقلب التاريخ لصالحة وهو موثق انه عليه

ولفوا على مطير بمعركة الشيوخ وولفوا على قحطان وطلعوهم من معركة تين حتى كشفهم ابوقحط وحجهم بالكتب
وولفوا على يام المرة خص ويام عامة وولفوا على عتيبة والله الحمد تم كشفهم بالكتب القديمة في هذا الموضوع

نسخة للجميع في هذا الموضوع كيف يتم تحريف التاريخ بالزور والبهتان وكيف تم كشفهم في هذا الموضوع وفي موضوع معركة تين الكذب حبله قصير

هل بعد هالتزوير ينتصدقون في معركة الشيوخ وتين وغيرها من المعارك


بالله عليكم شوفوا كيف قلبوا ذا التاريخ الموثق لصالحهم

[اخو من طاع الله]

السلام عليكم ورحمة الله وبركاته


انا بذكر السالفه الحقيقيه اللي اخطؤ في روايتها بعض الاخوان في منتدى الدواسر وهي بروايتنا



يقول الراوي غزوا الغييثات الدواسر بقيادة الشيخ بداح الحطيم غرب ويوم جاؤا ديار عتيبه لين الشيابين هم الموالين على (دلقان) احد الموارد في نجد .

شرفوا السبور وقالوا البل ياهل البل ويوم كدوا على البل وصفقوها (أخذوها)
لين عليها وسم الشيابين من عتيبه.

قال الحطيم: وطوهاا ، الماء خالي من العرب الحين ،وخلونا نشرب قبل تلحق الفزاع البل ذي بيجي لها طلبٍ عجل(يقصد الابل الماخذوه سيأتي أهلها فازعين).



ويقول الراوي انا الغييثات اخذو البل وقفوا



المهم انا انتوا يالشيابين يجي منهم واحد اسمه جهز شجاع ماينشق له اغبار حسب قول الراوي


ويصوبه ابن صليل الغييثي ومخطاه حيث الغييثات مايخطون الضريبه


وبعدها يجي احسب الراوي قال اخو هملا والمعروف انا اللي ماخذ البل اقل حماسه من اللي جاي يرجعها



المهم يرجعله واحن من المناديع ويقول الراوي انه زابن المنداع الغيييثي



ويعقر افرسه وتجي مره ثانيه وثالثه

بعدها قال زابن لخو هملا (( ثلاثي اركب خشبةٍ ونا بن غياث ولله لولا شحي بك ان تلحق ولدك)) زابن يظن انا شبنان قتل جهز بس جهز تصوب ومانقتل


المهم بعدها اللحقو الشيابين الغييثات واكثرت عقايرهم اي الشيابين الغييثات مانعقر منهم شي


وكان واحد من الغييثات اسمه (عايض ابن سلمان ابن جعمل المزروعي الغييثي )) حاطن


عينه على ناقه لخو هملا واسمها البويضا والبويضا هي الوحيده اللي الشيابين ماقدرو يردونها من الغييثات



وهي كانت اطيب انياق الشيابين ووسمها لذا الحين عند الغييثات المهم الشيابين ردو البل


بس ما اقدرو ياسرون واحد من الغييثات اللي اقدروا عليه هو فك البل


ويقول ابن صليل :
لحقوا هل البل مثـل وردٍ محيميـن
يومـن ولـد الاش طـارت ريايـاه
اختف جوفه يوم لحقـوا الشيابيـن
مايـدري ان خـلاق الأرواح ياقـاه
لحقو هل البل مثل دولـة سلاطيـن
من فـوق قـبٍ بالملاقـا مضـرّاه
وكثرة عقايرهم وكثـرو المثاريـن
ومنهم (جهز )شرقي( اذقانٍ )طرحناه



ويقول الشيخ الحطيم في الوقعه :


يالله يالمعبـود ياعـالـي الـشـان
تجعـل لنـا حظـاً نهـار الطـرادي
انا احمد الله يوم طيـر السعـد بـان
رحنـا بطرعـات العشايـر عنـادي
يشهد بها يومٍ على جـال ((دلقـان))
يوم (اخو هملا) جنب البـل وحـادي
و(جهز) طريحٍ من مضاريب (شبنان)
وعاداتنا بالهـوش جـدع العـوادي
وخمسة عشر منهن جواد( بن قطنان)
يقطعـك ياهـرجٍ بلـيـا وكــادي
((غييثيةٍ)) لامن عـلا الجـو دخـان
نرمـي وتالـي رمينـا بالـوكـادي




ماقول اخر شي بس انا الشيابين فكوا ابلهم من الغييثات بس ماقدرو الشيابين قتل احد الغييثات



وهذه الروايه اخذتها من المزاريع امس بالليل واتصلنا بشياب الغييثات الله يعطيهم العافيه ماقصر

وقالوا الحق الشيابين فكوا البل


تقبل تحياتي



ابو زيد الغييثي

[المطلع]

جميع الاخوان المشاركين الله يعطيكم العافية

ومثل ماتشوفون ذكرنا اسم الكتاب واسم المؤلف ورقم الصفحة علماً ان صاحب الكتاب هو من حاضرة اهل القصيم ومحايد وكان شاهد على هذه الوقعة لم يخذها من راوي سواء من ذولا ولاذولا


والاخوان المتداخلين مثل ماتشوفون ماعندهم غير تركيب وترصيص جمل من غير اثبات واذا حضر الماء بطل التيمم

والقصة هذه ذكرت في منتداهم لصالحهم واليوم بعد مااثبتنا عكس ماكتبوا طلع واحد يصحح سالفتهم القديمة والمصيبة انه مايعتمد على كتاب محايد بس يحاول يرقع السالفة القديمة


ويذكرني هذا الاخ بإبيات الشاعر محمد بن جروان العلياني القحطاني عندما سمع مثل هذه القصص من احد الرجبان من الدواسر على قبيلة قحطان فرد عليه وقال:

دايم تزعزع زايدً بالفاضي=ولاتحسبن المدح لعب قمار
المدح يادجال سيف ومنسف=وعزماً لاعسمت لشوار

لان التاريخ مهوب بالكلام كلاً يسولف ويولف ويقول هذا التاريخ
التاريخ يحتاج اثبات من مصادر محايدة


والسوالف الموثقة من مصادر محايدة ماتنزل من قيمة احد هذي امور راحت مع اهلها وعند نقلها لابد من ذكر المصدر المحايد

ومثل ماتعرفون يقول المثل: ( كلاً يحوق الملة يم قرصة )

[محمد آل نصار]

المشاركة الأصلية كتبت بواسطة المطلع

جميع الاخوان المشاركين الله يعطيكم العافية

ومثل ماتشوفون ذكرنا اسم الكتاب واسم المؤلف ورقم الصفحة علماً ان صاحب الكتاب هو من حاضرة اهل القصيم ومحايد وكان شاهد على هذه الوقعة لم يخذها من راوي سواء من ذولا ولاذولا


والاخوان المتداخلين مثل ماتشوفون ماعندهم غير تركيب وترصيص جمل من غير اثبات واذا حضر الماء بطل التيمم

والقصة هذه ذكرت في منتداهم لصالحهم واليوم بعد مااثبتنا عكس ماكتبوا طلع واحد يصحح سالفتهم القديمة والمصيبة انه مايعتمد على كتاب محايد بس يحاول يرقع السالفة القديمة


ويذكرني هذا الاخ بإبيات الشاعر محمد بن جروان العلياني القحطاني عندما سمع مثل هذه القصص من احد الرجبان من الدواسر على قبيلة قحطان فرد عليه وقال:

دايم تزعزع زايدً بالفاضي=ولاتحسبن المدح لعب قمار
المدح يادجال سيف ومنسف=وعزماً لاعسمت لشوار

لان التاريخ مهوب بالكلام كلاً يسولف ويولف ويقول هذا التاريخ
التاريخ يحتاج اثبات من مصادر محايدة


والسوالف الموثقة من مصادر محايدة ماتنزل من قيمة احد هذي امور راحت مع اهلها وعند نقلها لابد من ذكر المصدر المحايد

ومثل ماتعرفون يقول المثل: ( كلاً يحوق الملة يم قرصة )

السلام عليكم

المطلع ( قولك : ما عندهم تركيب وترصيص ـ كرم الرجال ما بعد اشتغلنا في بنشر الله يهديك) وموضوع العلياني فالنعم بقحطان ولا يهون الجميع .

وموضوع ان الراوي من القصيم هو شيء لايهم فمتى كانوا نسل الترك هم من ينقلون التاريخ!!.
ان كانت الاثباتات من قبلك فلا نقبل بها وما دام ان الناقل من حاضرة القصيم ، فقد احتل من قبل العثمانيين .

وقد سمعت شاعر يقول :ـ
يانجد ما فيك الا التهاليك/// ما فيك ،،،،، ورماني .

اسأل مصدرك ؟!!!!!!!
ومصادرك خلها لك ومثالك ، وقولي لصاحب المراجع ومن ايده.
((( وهنا اعتذر لمنتدى العجمان ان أسأت لشخص او قبيلة فالعذر والسموحه لكل شخص يمثل "" قبيلة""))).


الله واكبر ، الله واكبر .
قال ابن جيعان :
يانديبي على اللي شامخاً نابه
يسرح الصبح والخرفه يماسيها
ان دعينا ترى كلنا لابه
نشري الصمع وان غليت مشاريها
(رحم الله موتى المسلمين).

[المحق]

المشاركة الأصلية كتبت بواسطة محمد آل نصار

وموضوع ان الراوي من القصيم هو شيء لايهم فمتى كانوا نسل الترك هم من ينقلون التاريخ!!.
ان كانت الاثباتات من قبلك فلا نقبل بها وما دام ان الناقل من حاضرة القصيم ، فقد احتل من قبل العثمانيين .

اعوذ بالله ماكفاك تزوير وكذب في ذي السالفة يالدوسري حتى تطاول على اعراض المسلمين ترضابها على نفسك اعوذ بالله

وصاحب الموضوع مستدل ومعتمد على مصدر محايد وانت تبي تطعن في اعراض المسلمين حتى تبرر تزويرك


وانتم ماخليتوا قبيلة الى وزورتوا عليها يام قحطان عتيبة شمر مطير سبيع بدون ادلة كلها تلفيق
واذا اثبتوا الرجاجيل طعنت في شرف صاحب المصدر


وصلتوا لها الدرجة للتزييف حتى اعراض المسلمين ماسلمت منكم يالدواسر اعوذ بالله

[اخو من طاع الله]

اول شي انا مارقعت السالفه هذي السالفه


معروفه عند الغييثات



واللي اكتبو السالفه مهب من الغييثات من فخايذ ثانيه


وانا من الغييثات اخذتها امس بليل منهم واعطوني الروايه الحقيقيه



اما القحطاني




سلم عليه



وقوله وسم جماعتك عند ال خصيب من الغييثات




وانت لا تنسا المهري

[الناشب]

المشاركة الأصلية كتبت بواسطة اخو من طاع الله

اول شي انا مارقعت السالفه هذي السالفه


معروفه عند الغييثات



واللي اكتبو السالفه مهب من الغييثات من فخايذ ثانيه


وانا من الغييثات اخذتها امس بليل منهم واعطوني الروايه الحقيقيه



اما القحطاني




سلم عليه



وقوله وسم جماعتك عند ال خصيب من الغييثات




وانت لا تنسا المهري

اخو من طاع الله اترك عنك الجربان

ما عندهم الا التلفيق ونشدني عنهم هم يتعذرون بالكتب والله لو تجيب الف كتاب

ما يعجبهم شي بس جايين منتفخين ولا عندهم شي

اتركهم بس

وشكلي بجيب قصيدة بن مطرف اللي لاحق ايام الغزو مهب توه

ويعلمه من اللي سوا وفعل

والباقين ما سوو شي

[اخو من طاع الله]

ياخوي انا مدري


كل ماصارت سالفه



جابولي ابيات لقحطان



مدري يبون يشبونها على قحطان



انا ماني فاضي لقحطان يكفي انا شلعان رد عليهم وكعمهم سيف احدب

[بن هوازن]

هههه

لاحول ولا قوة الابالله

[المشاكس]

الأخوة المتحاوريين الرجاء التحلي بأدب الحوار وعدم التعرض لقبائلنا الكريمة السالفة موجودة وكذلك المصادر من قبل المتحاوريين لذلك يبقي القارئ هو الفيصل في الأخذ بما يراه واضحاً لذلك دعوا المهاترات لأن القارئ يعرف الغث من السمين و ليس هناك أجبار لتصديق جانب دون الأخر !!!!!!!!!!!!!!!!!

تقبلوا تحياتي