مـــا عـــاد بـــه بـــدو / للشاعر الكبير سليمان الهويدي

[الـعـابـر]

عشقت القمر حيث القمر ينبعث به نور =وأخـص الليالي البيض تزهاه ويزهنه
وأحـب الهوى لاهب من خايعٍ ممطور =وريـح الـنفل حيث النفل طيب الخنه
وأحـب الجمالة والجمالة عمل مبرور =وأحـب الـغناه واعز نفسي عن المنه
وأحب الصراحة والصراحة بها مسرور =حيث ان الصراحة تقطع الشك والظنه
وأحـب الكريم اللي يفرج عن المعسور =الـلي من عطى حتى اهله مادروا عنه
وأحـب الرجال العارفة وأكره المغرور =مـن اغـتر في بعض المظاهر يغرنه
سـقا الله لـيالٍ ماضية قبل هدم السور =نـحفر العدود ونشرب الماء من الشنه
نشوف البنات اللي اوردن كنهن الحور =مـهـارٍ مـشاويلن بـالأعياد مـعتنه
عـلى الماء تشوف بيوتهم كنهن القور =كـثير الـقبايل تـقطن الـعد بـالكنه
عـلى البال ذكراها ياليت الليالي ادور =يـالـيت الـلـيالي مـاخذنه يـجيبنه
تـذكرت شـيبانٍ لـنا يـوم حنا بزور = يـحثوننا بـالطيب والـفرض والسنه
لـو عاشوا حياةٍ قاسية في بحر وبرور = عـسى الله يـعوضهم بما فات بالجنه
لو دورٍ مضى من بينهم وين ذاك الدور = زمـانٍ مـضى لـه ذكرياتٍ ....يحلنه
يـوم الـذهب مايلبسونه بدون خصور = وجـمال النسا ماهو من السوق يشرنه
فـقدنا حـياة البدو مع شوفة المظهور = ولا عـاد بـه بدو ولا الطرش له حنه

شاعر السور/ سليمان الهويدي
يرحمه الله