محد بالدنيا يستاهل !!

[%الماسه%]

السلام عليكم ورحمة الله وبركاته






محد بالدنيا يستاهل !!
ولا شي بالدنيا يستاهل
الدنيا ماتساوي جناح بعوضه
انت ومشاكلك واحزانك وافراحك وبلاويييييك كله ما يساوي جناح بعوضه

محد يستاهل ابكي عشانه ولحد يستاهل احزن عشانه واوقف حياتي لعيونه
الدنيا ياجماعه فاانيه
فانيه
فانيه

يعني بيوم من الأيام بموت وبيحطوني بالقبر
وبنسأل
وش بقول
وش بقول ؟؟
انت يارب بليتني وانا كانت عندي بلاوي عشان كذا ماطعتك
يارب كانت عندي مشاكل وتعطلت حياتي وقعدت مثل الغبي اصيح عليها
ياجماعه الدنيا تمشي
وإذا في توقف
فهو احنا اللي واقفين
القي كل همومك ورا ظهرك وخلي شعارك
محد بالدنيا يستاهل
لا أهل ولو جفوك
ولا زوج بهذلك
ولا صديقه جفت فيك
ولا حقير حرق قلبك
الدنيا عند الله جناح بعوضه بس
يعني حتى مو بعوضه
حقيييره ياجماعه

احتسب كل بلاء عند رب العالمين
واحمد ربك على كل نعمه انت عايشها
حنا في نعمه والله مو حاسين

الناس ..!!

الناس عاملهم بذوق وإسلوب .. و
مثل ما علمتك امك من يومك صغير
سوي خير .. سوي خيييير ولا تنتظر رد من احد
او اعتبار من احد .. اذا بتسويه سويه لنفسك .. لك إنت عشان تعيش مرتاح
ما تنام وتقول زعلت فلان وضايقت فلان
وترا الدنيا دواره كما تدين تدان .. ربي ما ينسى ظلم !!

طنش طنش طنش ..!!

فلان يحش فيك فلان يتكلم فلان مايحبك ..!!
خليه حلاله .. هو احسن بعد خففت عليك ذنوبك .. وأعطاك من حسناته

تعلم التطنيش والبرود وتوقع انك تنصدم .. وكل ما انصدمت بأحد كل ما صرت اقوى
كل ما صارت تجاربك وخبرتك الاجتماعيه أحسن وأحسن ..

رمى عليك كلمه .. عادي ولا كأني سمعت .. ان دل يدل على قلة ذوقه وتهذيبه ..

كشر بوجهك .. ابتسم !!

واذا رفع صوته .. وطي صوتك .. !

واذا اتجنبك .. تجاهل وجوده ..

"وترا ما طاح من النجوم اخف للسمـا "


دموعك !!

دموعك ومشاعرك تراها اهم واغلى شي ..
نحبهم لكن بعقنا قبل قلبنا عشان لا نتعذب
ونحبهم !! ليش نحبهم في الاخير الي يبوكنا وهم مصدر تعاستنا وحزننـا !!

لا تبكين على احد..!!

ابداً ابداً مين ما كان ..!!
صدقني لو كانوا يستاهلون كان ما خلوك تبكي ولا تحزن ولا تتضايق ..
ولا خلوا مجال دمعه وحده تنزل من عينك


العافيــه !!
كافي انك تمشي وتحرك ايدينك ورجلينك
مافكرت يوم تقول الحمدلله !!
يارب اني أمشي مش أتسحب من كرسي لسرير وأشوف نظرات الشفقه تحرقني
احمد ربك على كل نعمه انت فيها .. الحمدلله !!

المال ..!
تاكل تشرب تشتري تتسوق تلعب بالفلوس بيدينك ورجلينك عايش بأمن وأمان
وتقول يارب وش هالدنيا الغثا
فلان ضيق صدري وعلان سوى
وواختي سببت لي مشكله ولا أمي ولا أبوي
أنا ما أبي الدنيا كرهت العالم ابي اموت !

احمد ربك عشان ما يسلب نعمته عنك
وصلي لك ركعتين عشان ربي يرحمك
ويرفع عنك ضره
والله ولا شي ولا احد بالدنيا يستـــاهل همي !!

إذا عندك هم صلي ركعتين واطلب ربك يفرجها
لاتذل نفسك لخلقه
ترى كلهم ضعاف
ما راح يسوون لك شي
واحتسب الأجر
احمد ربك حتى على البلاء
ان ربي بيكفر لك به ذنوبك
اللي يشوف أهل البلاء يوم القيامه يتمنى ان جسده قرض بالمقاريظ
حنا المرض الخفيف ما نتحمله
احمد ربك على كل بلاء
لأنه خير والله لك
وانت اللي في النهايه بتلاقينه حسنات

ولأن الدنيا ماااشيه
وبتنتهي بيوم من الأيام
إنت عندك مشكله مع زوجك؟
بلاء في واحد من عيالك؟
مشكله مع صديقه؟
جفاء شخص تحبيه؟
ابتلاء في أمك وخواتك؟
عندك أب أو زوج أو أخ
ظالم؟
عندك ابن أو أخ هايت ضايع حارق لك قلبك ؟
مشكله مع زميلة دراسه عمل؟
حالتك المادية سيئه ؟
فيك مرض مزمن خطير؟

أقول في كلا الأحوال احمد ربك إنك مو في فلسطين ولا العراق ولاوسوريا والدول الاخر .......مافيها امان
عرضك مستباح
دمك مستباح
احمد ربك إذا أصابك واحد من هالإبتلاءات إن ربي رفع عنك بقيتهم


وإذا أصبت بمرض في القلب فاحمد الله أنك لم تصاب بمرض القلوب الأعظم ( الكفر )

وإذا أصبت بمرض في عينك فاحمد الله أنك لم تصاب بالعمى

حنا في نعمه
ليه نجحدها؟
ليه ننكرها؟

ونخلي ربنا يسخط علينا

ربي رحيم
كريم
يعطي ويداه مبسوطتان
وحنا
نشكي لفلان وعلان
محد بينفعك
وإن نفعوك فإن ربي هو اللي يسّر لهم !

في الثلث الأخير من الليل كل يوم ربي ينزل للسما الدنيا ويقول
هل من داع فأستجيب له
كل يوم ياجماعه
كل يوم
وحنا كل يوم
وش نسوي !
فكر بجد
قاعدين على النت
ولا تسولف مع أصحابك عالمسن !
ولا تلفزيون ولا فيلم ..
ولا نااااايم
وربك العظيم جل جلاله نازل يسمع مطالب عبده
ربي مايرد إيدينك إن رفعتها
ربك كريم
عندك مشكله
هو ملاذك
اشكي لــــه
كل شي
مشاكلك الكبيره والصغيره
الصحابه كانو يسألون الله حتى في شراك النعل !!

وربي إن ما أجاب دعوتك ألحين
بيثيبك على دعاؤك
وبتاخذ أجر من إيش؟ مجرد سؤال
وبيبرد على قلبك

ربي ما بلاك إلا لأنه يحبك
ربك قدير يقدر يبلي فلان من الناس وفلان
لكن
اختارك انت

ليه؟

يبي ينكد حياتك؟
لاوالله لأنه يحبك
ربك يحبك

في أحلى شعور من هذا =') !!

بلاءك مايزيد من ملكه شي سبحانه
ولا ينفعه بشئ
ينفعك انت

ربك يحبك
يبي يجمع لك رصيد
تلقاه بعدين

ربك هو الذي بلاك ماتستحي تشكي لغيره ؟
وتعصيه وهو أكرمك بابتلائه؟

أسأل الله أن يرفع عن كل قارئ كربه ويفرج له كل ضيقه ويفتح على قلبه ويهديه وييسر أمره ويكشف ضره إنه سميع سبحانه مجيب الدعاء

إن رباً كفاك ماكان بالأمس
سيكفيك في غدٍ ما يكون
تقبلوا تحياتي
الماسه