مثبت:لـي كلمه ولك بيت ... ولـي بيت ولك كلمه:)

[اعجمي]

نبي .. نطفي قمرنا
لو يعذبنا السهر .. والخوف
نبي ننثر قهرنا .. يا حبايبنا
على مد النظر .. والشوف
نبي ننزع من أعماق الحشا سكين
نبي ننزف حنان العاشق المسكين
ونجرح في سواد العين .. صورنا
ونبي نطفي قمرنا


على ذوقك ماعندي شي محدد

[al5nsaa]

قال شاهي؟ قلت له سكر زيـاده=قال حالي!! قلت له لاكان حالـي
قال متغير مزاجك!! قلـت عـاده=لا طرالـي شـي والا ماطرالـي
قال انا خابرك تشرب فيه سـاده=قلت ياصبري على طول الليالـي

عن المطر

[اعجمي]

عاذلي .. ما تشوف العين مشتاقة
لولا الحيا جاوبتك بدمعها الصافي
عطني جلد .. كان تنخاني على فراقه
ودي الي من تركته ما أشبح خلافي
لاح الجبين .. وجذبني نوض براقه
حيثه ربيعي .. وورد الخد مصيافي
والغصن لولا المطر ما أخضرت أوراقه
يا كيف عشب الوسم يترك وينعافي


عن السيل

[al5nsaa]

تغير مناخ الوقت وأخلف مشاكيله
وزع الوفا لأهل الوفا شاله السافي


زمان ٍ يجي برقه عقب مايجي سيله
يبل الثرى بغته وجو السما صافي


أقوله وأنا متضايق ٍ من تفاصيله
وصبر الفتى ضايع ورى شي ينعافي


أجل كيف والغتره تساوت مع الشيله
ياوقت الردى كافي ياوقت الردى كافي



بصرك ياللي بعدي

[اعجمي]

عن الخيل اوكي

أنا هـواي ورغبتـي شوفـة الخيــــــل &&& لا شفتها اذكر ماضي يرفـع الـــــراس
عندي منازلها ورا الجـدي وسهيــــل &&& جواهر فوق الجواهـر كمـا المــــــاس
كم فارسٍ مـن فوقهـا عـدل الميـــــل &&& بالسيف هو والدرع والرمح والطــاس
خيل تدفق في المعـارك كمـا السيـل &&& يسبق مزاعج ركضها زعـــج الأنفـاس

واكتب عن اللي تبي

[al5nsaa]

بين بنطال طيحني وقَصة كـدش وش نرتجيـه=من شباب العرب من بعد ماطيحوا سوق الحريم
والأساور ومشيات العنج والـذي باقـي يليـه=في غياب الرقيب الوعي موؤد في مرتع وخيـم
إن سكتنا على ذا الوضع فالقادم اللـي مانبيـه=انتشاره سريع اسرع من النار تسري في الهشيم
استفيقوا فترك الحبل ممدود في كـف السفيـه=يجعله ياتمادى لين يحتـار بـه عقـل الحليـم
كلنا في سفينه واحده والبحـر زحمـة وجيـه=تحتري تبتلعنا امواجها في رضى الشر العميـم
استفيقوا من السكره رحى الوقت تطحنـا بتيـه=لايفوت الأوان الوضع ما يحتمل كـاس ونديـم
لاتطيعوا الذي قلل من الظاهره لـو كـان فيـه=خير ما ادلى برايـه أو تفـوه بمعنـاه السقيـم

العجمان

[اعجمي]

ربعي ضنا مرزوق بالعسر واللين &&& لطامةٍ للي عليـــــــــــهم يزومي

عجمان لارد البرا للمعاديـــــــن &&& حريبهم من همهم ماينـــــــــومي

وليٌا تعلو فوق مثل الشياهيـــن &&& مركاضهم يشبع وحوشنٍ تحومي

نوبٍ سلاطين ونوبٍ شياطيــن &&& وكم شيخ قومٍ توهم مايقــــــومي

عن البدو

[al5nsaa]

أنا بـدوي واحـب طـاري البـداوه=يامعذربيـن البـدو مافيكـم إحسـاس
قالـو بـدو قلـت الصفـا والنقـاوه=يازين شوفتهم علـى الضّـو جـلاس
قالـو بـدو قلـت الكـرم والنخـاوه=وأفعالهم فـى ذمتـى ترفـع الـراس
قالـو بـدو والبـر فيـه الشـقـاوه=قلت الوناسه عندهم فـوق الاطعـاس
قالـو بـدو ونشـوف فيهـم قسـاوه=قلت الخشونه يامعـذرب لهـم سـاس

عن اللي تبي مخي مسكر مافي شي

[اعجمي]

فدوة عيونك لو غدت روح مغليك
وش عاد لو راحت لعينك عشاير
ابيع مايغلى على الكون واشريك
واسوق لي جتنى علومك بشاير
وازعل جميع الناس بالحيل وارضيك
واصبر ولو دارت على الدواير
واخذ من ايامي لك ايام واعطيك
وان راح عمري لك فلا هو خساير


ابي شي لضيدان

[al5nsaa]

الـدلـو والمـيـزان والـقــوس والـحــوت=ماغـيـر بــرج الـعـاج تـغـري وصـوفــه
وبــرج بقلـبـي بـــرج لـولــو ويـاقــوت=لا يـــا بـعــد بـــرج الـحـمـام ورفــوفــه
مـا يسكنـه غيـرك مـن السيـف للـكـوت=لــو ينتـحـي راس الـولـد عــن كـتـوفـه
عــلــم وكــيــد بـالـمـواثـيـق مـثــبــوت=مــا هــو عـــذر الـلــي يـفــرك كـفـوفـه
والله لا سـافـر لــك لــو ارجــع بتـابـوت=وانـا مـن اللـي مــا ربــوا فــي مـروفـه
علـى الشـقـا لاع الـهـوى كــل شفـلـوت=وانـتــي تلـوعـيـن الـحـشـا بـالـطـروفـه
والـوقــت للـجـاحـظ والايـــام هـــاروت=والقـلـب حـاتـم وانـتـي اغـلـى ضيـوفـه
يــا مرحـبـا ترحيـبـة عـقـاب يــا نــوت=والـحــي يـلـحـق لـــو تـحــده ظــروفــه
صوتـك يكفينـي عـن الـشـرب والـقـوت=وشـوفــك غـنـاتـي والـحـيـاه مخـلـوفـه
يااقوى من اللوعات واسخف من التوت=وابـلـغ مــن البـيـت الاخـيــر وحـروفــه
رجـــل تنـاديـنـه ولا يـسـمـع الــصــوت=خـســارة سـمـعـه وصــوتــه وشــوفــه
ورجــل يضـمـك بـيـن ايـاديـه ويـمــوت=والله مــــا يـلـحــق حـيـاتــه حـســوفــه

ابي شي لخلف بن هذال