.... (( قــول : إلـــى بـخـآطـــرك )) .... (4) New - الصفحة 1557

خالد بن نفل · #**15561** 24-03-2011, 01:03 PM

كــل الخلايـق في مســاهم ينامـــون
........... وانـــا عــيــوني ما تنامـــه دقيقـــه

ارحــم محبــن في محبتــك مفتـــون
........... مــن زود حبـــك شــال مالا يطيقــه

محبتــي لك والمــوده لها أضمـــون
........... بينــي وبينـــك ياحبيبــي وثيقــــه

مانــي من اللــي بالمـــوده يخونــون
.......... انــا عشيــق(ن) وافــي(ن) لــو تعيقه

خالد بن نفل · #**15562** 24-03-2011, 01:06 PM

‏‏‏‏‏‏عزي لمن صاحبه عقب الغلا باعه
زاد الجفا واشترى ناس جديدنـي

الله يلوم الغضي وش غير اطباعه
وانا احسبنه على الدنيا يصافينـي

فيما مضالي يقول السمع والطاعه
واليوم صـد وتكبـر مايحاكينـي

خالد بن نفل · #**15563** 24-03-2011, 01:08 PM

ﯾﺂللي علـے دﻧيـﺂڱ ﺿﺂيق ۆ ﻣﺣزۆن
ﻓڱر ﻣعيـے ﺧـل ﺂلحزن ۆ ﺂلـڱئـآبھ
ﻣﺂ دمت ﻓيـے ﺣڱم ﺂلمقآدير ﻣرھۆن
ﺧل ﺂلزعـل ﻣـﺂ ﺟﺂبـھ ﺂلـرب ﺟـﺂبھ
ﺂضحڱ علـے دﻧيآڱ ﺑﺂلعسر ۆﺂلـہۆن
ۆﺂﻟلي ﯾصيبـڱ ﺻﺂب غيرڱ ﺻـۆﺂبھ

» ά6L8ħM · #**15564** 24-03-2011, 01:38 PM

مسآكم عطرَ

هو ليه كلٍ ماله الا [ نصيبه ] ..؟
يحب ذا ، وتحدَه ايامه ل ذاك ..!
ليت الاماني في مداها / قريبه
وانوش [ حلمٍ ] ضيَع العمر وياك
هو صدق ل احلام الاوادم ضريبه !
وانا دفعت مقابل الحلم [ فرقاك ]

شعوله · #**15565** 24-03-2011, 02:32 PM

ماذا ستفعل حينما يكون الشخص الوحيد القادر على مسح دموعك ، هو من جعلك تبكي ؟

خــ فـي شـيء ـاطـري · #**15566** 24-03-2011, 03:02 PM

غادرت لكن الأحساسيس حراس
تحرسك في قلبي ولا حد(ن) يرودك

وإن جارت صروف المقادير لاباس
أدري بأنك وافي(ن) في وعودك

مريه وأفتخر · #**15567** 24-03-2011, 04:43 PM

ياصاحبي ليه انقطع خط هاتفك..
قطعت قلبي بانقطاع اتصالك!!
ياحلو همسات الغلا من شفايفك..
وشلون عاد إن صرت كلي قبالك؟
أصيرلك أقـــرب وأغـلى..ولايفك..
الحب لك وحدك وقلبي حلالك..

مريه وأفتخر · #**15568** 24-03-2011, 04:46 PM

لولا غرامك عن الباقين معميني
ماأوفيتلك في زمن فيه الوفا نادر

ماجت به أمه بعد من لك ينسيني
إلا إذا مات في قلبي لك الشاعر

وتبدل الدم في مجرى شراييني
وأصبحت أساوي بين النجس والطاهر

مسلم الفواز · #**15569** 24-03-2011, 05:12 PM

أيامنــا والليالــي كــم نعاتبهـا
شبنـا وشابت وعفنـا بعض الأحوالـي

تاعد مواعيــد والجاهـل مكذبهـا
واللي عرف حدهـا من همهـا سالـي

إن أقبلـت يوم ما تصفـى مشاربهـا
تقفـي وتقبـل وما دامـت على حالي

في كــل يوم تورينـا عجايبهـا
واليوم الأول تراه احسـن من التالـي

أيـام فـي غلبهـا وايـام نغلبهـا
وايام فيهـا ســوا والدهـر ميالـي

جربت الأيام مثلـي من يجربهـا
تجريب عاقل وذاق المــر والحالـي

نضحك مع الناس والدنيا نلاعبـها
نمشي مع الفي طوع حيـث ما مالـي

كم من علومٍ وكــم آدب نكسبهــا
والشعر مازون مثقــالٍ بمثقالــي

اعرف حروف الهجاء بالرمز واكتبها
عاقل ومجنون حاوى كـل الأشكالي

لكن حظــي ردي والروح متعبهـا
ما فادني حسن تاديبي مـع أمثالـي

إن جيت ابي حاجـةٍ عزت مطالبها
العفو ما واحدٍ فــي الناس يا والي

قومٍ الـى جيتهـم رفـت شواربهـا
بالضحك واقلوبها فيها الردا كالـي

وقومٍ الى جيتها صكـت حواجبهـا
وابدات لي البغض في مقفاي واقبالي

ما كنــي إلا حــال مغضبهــا
والكل في عشرتـه ماكر ودجالـي

يا حيف تخفي أموراً كنت حاسبهـا
واللي على بالهـم كلـه على بالـي

الجار جافـي وكـم قومٍ محاربهـا
والأهل وأصحابنا والدون والعالــي

والروح ويش عذرها في ترك واجبها
راح الحسب والنسب في جمع الأموالي

نفسي تبى العز والحاجات تغصبهـا
ترمي بها بيـن أجاويـد وانذالــي

المال يحــي رجالاً لا حيـاة ابها
كالسيل يحي الهشيـم الدمدم البالــي

عفت المنازل وروحـي يوم اجنبها
منها غنيمـه وعنها البعـد أولا لـي

لا خير في ديرةٍ يشقـى العزيز ابها
يمشي مع الناس في هـمٍ وإذلالـي

دارٍ بها الخــوف دومٍ ما يغايبهـا
والجوع فيها ومعها بعض الاحوالي

جوعى سراحينها شبعـى ثعالبهـا
الكلـب والهـر يقـدم كل ريبالـي

عز الفتى راس ماله من مكاسبهـا
يا مرتضي الهون لا عزٍّ ولا مالي

دللت بالروح لين ارخصت جانبهـا
وانا عتيبي عريب الجـد والخالـي

قومٍ تدوس الافاعـي مع عقاربهـا
ولها عزايم تهــد الشامـخ العالـي

خل المنازل وقل للبيــن يندبهــا
يبكي عليها بدمـع العيـن هطالـي

لا تعمـر الدار والقالات تخربهــا
بيع الردي بالخساره واشتر الغالـي

ما ضاقت الأرض وانسدت مذاهبها
فيها السعــه والمراجــل والتفتالِ

دارٍ بدار وجيــرانٍ نقاربهــا
وارضٍ بأرض وأطلالٍ بأطلالـي

والناس اجانيب لين إنك تصاحبهـا
تكون منهــم كما قالوا بالأمثالـي

الارض لله نمشــي فـي مناكبهـا
والله قدر لنـا أرزاق وآجالـــي

حث المطايـا وشرِّقهـا وغرِّبهــا
واقطع بها كل فـجٍّ دارسٍ خالــي

واطعن انحور الفيافـي في ترايبهـا
وابعد عن الهم تمسي خالي البالـي

من كل عمليـةٍ تقطــع براكبهـا
فدافد البيــد درهـامٍ وزرفالــي

تبعدك عـن دار قـومٍ ودار تقربها
واختر لنفسـك للمنزال منزالــي

لو مـتّ فـي ديرةٍ قفراً جوانبهــا
فيها لوطـى السباع الغبس مدهالي

اخير مـن ديرةٍ يجفـاك صاحبهـا
كم ذا الجفا والتجافـي والتعلالـي

دوس المخاطر ولا تخشى عواقبهـا
الموت واحد وبعد العـز يجلالـي

ان المنايــا إذا مـدت مخالبهــا
تدركك لو كنت في جو السما العالي

ما قرت الاسد في عالـي مراقبهـا
تسعى على الرزق ما حنت للاشبالي

والشمس في برجها والغيـم يحجبها
تقفي وتقبـل لها في العرش مجدالِ

رب السماوات يا محصي كواكبهـا
يا مجري السفن في لجات الأهوالي

ضاقت بنا الأرض واشتبت شبايبهـا
والغيث محبوس يا معبـود يا والي

يا الله من مزنــةٍ هبـت هبايبهـا
رعادها بات له في البحر زلزالي

ريح العوالي من المنشـا تجاذبهـا
جذب الدلى من جباء مطوية الجالي

ديمومةٍ سبلـت وأرخت ذوايبهــا
وانهل منها غزير الوبـل همالـي

تسقي دياراً شديد الوقـت حاربهـا
ما عاد فيها لبعض الناس منزالـي

يا جاهل اسمـع تماثيـلاً مرتبهـا
فيها معاني جميـع القيل والقالـي

مثـل المحابيـب زادت في قوالبها
في صرفها زايده عن قرش واريالي

يا ربي توبه وروحي لا تعذبهــا
يوم القيامه إذا ما ضاقت اعمالـي

وازكى صلاةٍ على المختار نوهبها
شفيعنا يوم حشرٍ فيه الأهوالــي

خــ فـي شـيء ـاطـري · #**15570** 24-03-2011, 07:01 PM

مرّات .. ودّي أهجّ من إنتظاري و أطير
ولا لي أقدام تحملني ولا لي جناح !