الصمت ستر الهم والدمـع فضـاح
لاواهني من مـن بكـاه إستراحـي
والدمع طير وضيقة الصدر ملـواح
تدعيه ويجيهـا خفـوق الجناحـي
من وين أجي وأروح ودروبي شحاح
أشقيت رجلي فالمجـي والمراحـي
الحظ أعرفه لاوقـف ساعـةٍ طـاح
خابره ماهو مـن طيـور الفلاحـي
ماني بمستانـس ولانـي بمرتـاح
وقلبي من أحداث الزمن ما إستراحي
فياللي معك لصدور الأجواد مفتـاح
مامعـك لمحاكيـك عـزم وكفاحـي
أنا قضيت العمر مسـرى ومسـراح
ومدري متى الايام تطلق صراحـي
أعد وش باقي من العمـر وش راح
عساي رابح من جميـع النواحـي
الليـل والضيقـة وتفريـق الأرواح
ثـلاث ماعينـت منهـن صلاحـي
أحوووه والعـذال نقاضـة جـراح
مدري وش اللي تكسبه من جراحي
وإعداي تفرح بي على قل الاربـاح
أسعد خبر يفـرح عـدوي مطاحـي
باح العزا والسـد ياخاطـري بـاح
جريت صوتي ميـر مالـه ملاحـي
<<< هين يا حبني لش 
13-04-2009, 05:15 PM
[/size][/color]
العرض العادي
