|•♥•| يا أحلامنا خفي شوي // أخاف نعاف واقعنا |•♥•|

[تـذكـار]

لو .. مالهيام .. أعلى سمات - المحبه
ماصاروا .. العشاق ( مثل المجانين )

[تـذكـار]

مساكم دفى

امس هالوقت عشنا اوقات عصيبه مع مباراة الكويت والعراق

من جد انا شوي وانجن مع اني مااحب هالكوره بس احيانن تمسك معي غلط واتحمس وامي معي كويتيه بس الله يخليها لي عليها تعليقات ماتابعت المباراه من كثر الضحك

لا ومسكت معها تشبيهات طلع هاللاعب نسيت اسمه

قالت هذا مايشبه الشيخ ناصر بن حمد ههههههههههههـ والله صادقه فيه منه

لا وعاجبها بدر المطوع تقول اسمه زين وفعله زين خخخخـ
شوي قالت مايشبه سالم بن جخير ههههههههههههـ

وعندنا بنت عمي تشجع العراق وانا مبسوطه تدرون ليش لانها ماتشجع فريق ويفوز

ومتحمسه مع هوار وعبدالزهره ونشأت اكرم ولازقه بالشاشه وايوه وشوت وتزحلق ع القات ياعمي
وانا مبرده اعصابي من شفت حماسها مع العراق قلت الفوز كويتي ان شاءالله

يوم جات مباراتنا مع الامارات شجعت الامارات من قلب قهرتني قلت الله يعميك زود

اهم شي يوم الاحد شجعي الكويت

لا ولي فتره تقريبا من اسبوع وانا ماعندي شهيه للاكل بالمره عايشه ع المويه يقولون هذا اسمه فقدان الشهيه العصبي صاير شكلي قمه سمار ونحف وعيون ذبلانه مااقول غير الله يخارجنا بس

طلعت عند ابوي بالخيمه وكانوا عنده اخوان الصغار قالت اختي الصغيره (( فريق حبيبش فاز )) ياكبرها عند الله واحاول ارقع الموضوع قلت الله بيتزا قالت امي ياوجه الله لش اسبوع تصدين عن العيشه والبنت تناظر في يقرقع الحكي في حلقها واناظر في التلفزيون قالت ((الحين حبيبش مستانس)) وااناظر في امي وانا ماسكه ضحكتي قالت بنت عمي عطي سداح فرصه يابنت الحلال قلت في نفسي والله ان عطيتها فرصه ان تجي المطمه

ومبروك لقطر المونديال عام 2022 الله يحيينا حياة خير تقول امي بسويلكم حفله اذا جاء المونديال اوجعني بطني من الضحك

والكاس اتوقع انه كويتي بغض النظر عن سالفة بنت عمي وادري بتخمها الوطنيه ذاك الليل وبتنكبنا بس والله تستاهل الكويت وان جات للحق لعبهم افضل من لعب السعوديه
وغلاها من غلا اهلها اللي على القلب غالين



قالو : علامـك تحبين الكويت!!
قلت السبب
في حب الكويت
.......[ رآحـه ]
لا ذكرتـها / زهقاان & طفشان & مقهور ..
أحس كـّن القلب زاد إنشراحه
الديرهـ اللي " شمسها " منبع النور
أحبـهآ من حب أهلهـا بصرآحـه..

[تـذكـار]

مو غريبه الكاس لو أصبح كويتي
عِشرهـ ماهانت على كاس الخليج

...............


من جد عشرة عمر يااسياد الخليج تستاهلونه

وهاردلك لنا وان شاء الله نعوضها بكاس اسيا خخخـ تصبيرهـ

[تـذكـار]

ياشين المهايط




نعنبوك يدكـ

[تـذكـار]

كل عام وانتم باالف خير بمناسبة السنه الهجريه الجديده

1432هـ



الركن مغلق للصيانه

[تـذكـار]

[تـذكـار]

عزيزي البرد .!؟ بخصوص الهوى القارس ؟!
ناوي تجمد شرايين الغلا .. مثلاً !!؟

[تـذكـار]

بالمجموعه معي وحده من خالاتي توها طايحه بتصوير الشاشه
ومافاتها طبعاً هالموقف فصلوا عليه فصله
اهم شي (( يقول )) خاشه جو شعري بس خانتني الاحرف

[تـذكـار]

ثـلاث تحكمنـي ولا قلـت وش لـون
المعرفـه .. والعاطفـه .. والجبـلّـه

العقل صاحـي لكـن القلـب مجنـون
والـكـل منـهـم نظـرتـه مستـقـلّـه !

يـا صاحـبـي مــا للمحبـيّـن قـانـون
والـحـبّ لـغـز .. ولا عرفـنـا نحـلّـه

قلبـك مثـل قلبـي مكبّـل ومسـجـون
أحـــرار مـيــر قلـوبـنـا مسـتـحـلّـه

عسى الغلا لازال بالحفظ والصون
والله يـبـيـحــه لا تـغــيّــر مــحــلّــه

أهديتني جمره علـى راس غليـون
وأهديتـك مـن العمـر شيحـه وفلّـه

ورغم إختلاف المدّ لا زلت ممنون
والشـوق يآخذنـي عـلـى كــل مـلّـه

[تـذكـار]

لي وليفٍ حاف قلبي وخـذه طماعـه
مامنعته عن مـراده عظـام جنوبـي

تـل خفاقـي وقفّـى وانـا تبّاعـه
يوم وجهه صوب دينه وقلبه صوبـي

اتبعـه والله قديـرٍ علـى مرجاعـه
ابي قلبي ياعـواذل وابـي محبوبـي

صار حالي ماتسر الصديق اوضاعـه
ماتسرّ اللا هـل الحكـي بالمقلوبـي

فرصتك يابو لسـانٍ كمـا القطّاعـه
حدّ نابك لجل يشبعك مـن عرقوبـي

مركبي رّزيت وسط المحيط شراعـه
والهوا ماجا مهبّـه علـى مطلوبـي

كم لي اقاوم جنون الهوى وصراعـه
بس ابا ادرك غايتي فالهوى واتوبـي

غايةٍ باسبابهـا القلـب زاد اقراعـه
والله اعلم وين يرمي بها المكتوبـي

علموا خلّي ترى الساعـه الجمّاعـه
زيد رجّعـت النظـر للنبـي يعقوبـي

لايخلينـي لشهـب الهمـوم قلاعـه
لو يطرّش لي سلامه مـعا مندوبـي

..