كل عام وانتم بالف خير مع انها جات متأخرهـ بقوه
سعيده بالـ 900 مشاهده من اخر مشاركه لليوم اثاريها عاجبتكم برابيري << برا
ان شاء الله الكل بخير وصحه وعافيه الواحد مايبي الا العافيه الله يبعد عنكم المرض
لي فتره وانا احس بصداع متفاوت ومره بالجهه اليمين ومره باليسار والم بعيوني قلت اجهاد اكيد
ابعدت عن النت وماتغير شي ومن بعد العيد صار الالم براسي يزود واذا وقفت احس بشوية دوار
قلت يابنت اصبري خاصة اختي الصغيره توها مسويه عمليه وقلت اهلي مو ناقصيني
قلت لصديقتي قالت بجي معك انا وامي للمستشفى قلت يالله قدام قلت لامي قالت شخباري
من متى تطلعين مع غيري ولاغير عماتك
ومتى صارت في تاريخ العائله المالكه وحده تطلع مع غير اهلها المهم واحاول احاول اخر شي قالت لا رجلي على رجلك حدتني على اقصاي وقلتلها وانا اشتكي لها جبت العيد وبكيت
لحد يلومني المرض شين
طبعا سحبتني على طول للمستشفى وهاتك يااشعه وهاتك ياتحاليل قالوا سليمه ان شاءالله مافيها شي
جدتي عرفت بالموضوع جاتني للبيت البارح وخذتني هي وامي وابوي لمطوع
بعد ماقرا جزاه الله خير اقترح على امي وابوي يقصون شعري ورموشي
وطول الطريق ساكته اول ماوصلنا البيت نطيت من السياره قسم بالله واركض لغرفتي عشان مايمسكوني في الصاله فوق كانوا يلعبون بالبلاي ستيشن اخواني ومعهم اختي البزره الله يرجها شافتني اركض عارضتني << مارثون عائلي
دخلت الغرفه وقفلت الا الادمي مرتز على السرير ماانتبهت عليها ياذا الليل وش السواة الحين
فتحت الباب وطلعتها وقفلت وطول الليل مقفله لا للاستسلام رخمه انا يقصون شعري وانا حيه واشوف لا ورموشي بعد والله مايقصونها المهم كلاني الجوع وامي كل شوي تمر وتقط كلمه وانا افقع من الضحك عليها
اخر شي جا ابوي وامي معه وتحلف امي انها ماتقصه وافتح الباب الا ابوي مكتفني ومعه المقص
خلاص لا مجال للمقاومه ويقص خصل خصل حرام من جد حتى مو متساوي طلعت ايموو
قال غمضي بيقص رموشي قالت امي هات اخاف تنقز عيونها وامي تاخذ المقص ويرجف بيدها
فديتها وتقصهم
الزبده بكيت الين قلت امين والشكل يالهوي بالي خليجي كوري مهجن اثاري الرموش هي اللي تحلي العيون امحق عيون من عيوني الحين شكلي مره غبي ولا عندي حفله بـ 6 ديسمبر بعد اسبوع
الشعر طلع كاريه بعد التعديلات في المشغل وماعليه حلوو بس العيون خخخ اهم شي اتظحت الرؤيه قسم بالله قمت اشوف السقف
ماشاءالله قولوا ماشاء الله ولاروحوا قصوا رموشكم المهم لحد ينظلني
الله يعافي المسلمين ويشفيهم كل شي يهون عند صحة الواحد وعافيته
10-11-2010, 03:07 AM
العرض المتطور
