دعوه للجميع اطلب قصيده ونحن نجلبها لك(2).

[عزيز الفوزان]

السـلام عليكم ..

اولا ً

بيض الله وجهيكم على هالخدمه ..

في بويتات سمعتهن للشاعر سلطان الهاجري في امسية له ببريدة نقلت على التلفزيون ..

وعالق بيت بذهني .. ابكتبه وياليتني احصل التكمله عندكم ..


واداعبك جمر ٍ حمر وان تثنيت .. اعيش انا وياك جو ٍ يهول ..
وحمر الشفاه اللي عليه استشفيت .. اضرم له ضرام الغجر للتسول ..

وشكرا ً لكم ..

[عزيز الفوزان]

السـلام عليكم ..

اولا ً

بيض الله وجهيكم على هالخدمه ..

في بويتات سمعتهن للشاعر سلطان الهاجري في امسية له ببريدة نقلت على التلفزيون ..

وعالق بيت بذهني .. ابكتبه وياليتني احصل التكمله عندكم ..


واداعبك جمر ٍ حمر وان تثنيت .. اعيش انا وياك جو ٍ يهول ..
وحمر الشفاه اللي عليه استشفيت .. اضرم له ضرام الغجر للتسول ..

وشكرا ً لكم ..

[فلاح بن ملبز]

وعليكم السلام ورحمة الله وبركاته

أخي الكريم / عزيز الفوزان

ادخل على هالرابط وتلقاء كل قصايد الشاعر / سلطان بن وسام ، في امسية بريدة


قصايد الشاعر سلطان بن وسام فيديو في امسية بريدة


ودعتك الله

[bander al_ajmi]

السلام عليكم ورحمه الله
مساكم/صبحكم
الله بالخير


عندي طلب ولا تهونون ابي قصيده بس مو حافضها عدل وكثير ما تقال بالاعراس

سلامي رد الديه على الدار ودلال مركيه على النار
هيلن ومرميه ومسمار...............الخ

ادري اني لعبت بالقصيده بس هذا اللي حافضه وارجو المساعده
ويعطيكم العافيه

[عزيز الفوزان]

شكرا ً لك ياعزيزي اخي .. فلاح ابن ملبـز

بيض الله وجهك ..

[فلاح بن ملبز]

المشاركة الأصلية كتبت بواسطة عزيز الفوزان

شكرا ً لك ياعزيزي اخي .. فلاح ابن ملبـز

بيض الله وجهك ..

وبيض الله وجه من يقول ..

[مجهول الهويه]

السلااام عليكم مسااكم الله بالخير يالربع........ الله يعطيكم العافيه على الموضوع المتميز ...وانا كنت ابحث عن قصيده اتوقع انها ل الامير تركي ابن سعود اللي يقول فيها ... خليت انا الاجرب عميل امباري...... يوم ان كل من عميله تبرى

[العجمي كوم]

ممكن كل القصائد الي شالوها اصفوف مبناسبة فوز قائمة متفائلون

[متفهم للغير]

بيض الله وجيهكم ووجيه اللي في المنتدى
فيه قصيده للشاعر / عفاس بن عبدالله بن هزاع
وهو رجال عايش الله يعطيه طولة العمر على الطاعة لكنه اعتزل القصيد ولا يرظى احد يذكره بشعره او يقول عنه انه شاعر ، وذلك لأنه كأنه استحرمها فهو جارنا ابو عبدالله الله يعطيه العافيه نقول ابوعبدالله انت تقول في قصيدتك كذا وكذا سواء كان غزل أو مدح أو سالفه في بطن القصيده، فكان يرد علينا يقول يا عوالي خلوو القصيد عنكم فهو حكي في حكي عليكم بالقرآن الكريم عليكم بكلام الله انفع لكم في الدنيا والاخره .
والمشكله ان قصيده صعب الحفظ والطامة والمشكله الاخرى ان عياله الله يخليهم له ما حد حافظ إلا بيت هنا وبيت هناك مطشره
عالعموم انا كثرت عليكم ولا هي من عادتي بس الليله عندي حكي

فلو تكرمت ابي قصايده كلها او بعضها

وبالاخص قصيدته اللي يقول فيها
قال الشولاني اللي يسمى ابن هزاع
وان قلت عفاس تراك مصيب

ومرة اخرى اقول
بيض الله وجه راعي ذا الفكره

[موكب]

اخي الكريم مجهول الهويه

إليك طلبك

طار الكرى عن موق عيني وفرا=وقزيت من نومي طرالي طواري
وابديت من جاش الحشى ما تدرا=واسهرت من حولي بكثر الهذاري
خط (ن) لفاني زاد قلبي بحرا=من شاكي(ن) ضيم النيا والعزاري
سر يا قلم واكتب على ماتورا= ازكا سلام(ن)ل لابن عمي مشاري
شيخ (ن) على درب الشجاعه مضرا(ن)=من لابه يوم الملاقا ضواري
ياما سهرنا حاكم(ن) مايطرا=واليوم دنيا ضاع فيها افتكاري
اشكي لمن تشكي له الجود طرا=ضراب هامات العدا ما يداري
ياحيف ياخطوا الشجاع المضرا=في مصر مملوك لحمر العتاري
من الزاد غادي له سنام وسرا=من الذل شبعان ومن العز عاري
وش عاد لو تلبس حريرن يجرا= ومتوجا تاج الذهب بالزراري
فدنياك يبن العم هذي مغرا=ولا خير في دنيا تورى النكاري
تسقيك حلو(ن) ثم تسقيك مرا=ولذاتها بين البريا عواري
اكفخ بجنحان السعد لا تدرا =فالعمر مايقاه كثر المداري
مافي يد المخلوق نفعا وضرا=ما قدر الباري على العبد جاري
واسلم وسلمي على من تورا=واذكرا لهم حالي وما كان جاري
ان سايلو عني فحالي تسرا=قبقب شراع العز لوكنت داري
يوم ان كلن من خويه تبرا=حطيت الاجرب لي خوي(ن) يباري
نعم الرفيق اللي صطا ثم جرا=يودع مناعير النشاما حباري
رميت عني برقع الذل برا=ولا خير في من لا يدوس المحاري
يبقى الفخر وانا بقبري معرا=وافعال تركي مثل شمس النهاري
احصنت نجد عقب ماهي تطرا= مصيونه عن حر لفح الهذاري
نزلتها غصب(ن) بخير وشرا=وجمعت شمل(ن) بالقرايا وقاري
والشرع فيها قد مشى واستمرا=ويقرى بها درس الضحى كل قاري
زال الهوى والغي عنها وفرا=ويقضي بها القاضي بليا مصاري
وان سلت عن من قالي لي لا تزرا=نجد غدت باب(ن) بليا سواري
ومن امن الجاني كفا ماتحرا=وتازي جريمه بالقريا وقاري
واجهدت في طلب العلا لين قرا=وطاب الكرى مع لاسعات الخزاري
ومن غاص غبات البحر جاب درا=واضوت مصابيح السرى كل ساري
وانا احمد اللي جاب لي ماتحرى=واذهب غبار الذل عني وطاري
والعمر مايزداد مثقال ذرا=عمر الفتى والرزق في كف باري
وصلاه ربي عد ماخط بالرا=على النبي ما طاف بالبيت عاري

وسامحنا على التأخير