oــــــايك الـoـنتدى - الصفحة 12

™ عبد الله ™ · #**111** 29-07-2008, 12:26 AM

نرجــع لبقيـّة الحديث اللي فـوق ..

يعجبني كل بيت حلــو .. ما عمره اعجبتني قصيده كامله الا نادرا
مافيه اسماء معيـّنه ..
مرّات شاعر يقوله قصيده أو ابيـات احسّ أنها اعجازيـه (والعياذ بالله ) ومحد يقدر يقولها
واحيان اخرى اقرى لنفس الشاعر ابيات .. حتى دعيج الخليفه ما يقولها من سخافتها

تعجبني بعض قصايد ابن لعبون .. عبدالله بن عون .. العطاوي .. القاضي ..ابن فطيس.. ابن قضعان .. فهد عافت .. تعجبني الحداثه في الشعر .. ومن الجيل الجديد واااجد .. بس من كثرهم يقولون ان دوانية شعراء النبط برئاسة العزب .. مسوّين اضراب عن الشعر وحلقات التلفزيون .. لحين إقـرار كــادر لهم
ما يعجبوني الشاعرات ابدا .. مع احترامي لشاعريـّتهن ومشاعيرهن
بس انا كذا حاولت اهضم قصايدهن !؟ ابد ما قــدرت !

حقيقه تدري متى تكون القصيده حلوه عندك !؟
اذا سمعت قصيدة تحكي واقعك او تلامس مشاعرك !..
يعني مرّات تبي قصيدة عتب .. فتروح تدوّر .. وتمرّ على قصايد غزليـّه الموت الاحمر او مدح . . بس تشبح فيها بطرف عين يعني مهيب تستهويك ذاك الوقت .. فـ تشوف اي بيت فيه عتب يشدّك !! او حسب حالتك وقتهـا ..

ما اهتمّ بالاسماء .. تعجبني الماده اكثــر ..

*

*

ودنا بالطيب بس الدهر جحاد طيب=
كل ما تخلص مع الناس كنك تغشها
يدك لا مدّت وفا ؟ لا تحرّا وش تجيب=
كان جاتك سالمه؟ حبّ يدك وخشـّها
كل ما شبـّيت نار المحبـّه مع حبيب=
قام يسحل في مشاهيبها ويرشها
وكل ما واجهت لك في الزمن وجهن غريب=
مثل ما قال المثل :دام تمشي؟مشـّها
و ذمـّةٍ ماهيب تندار للحق المصيب؟=
جعل قشاش الحطب لا سرح يقتشـّها

*

*

جتني من ( أشباه الرجال ) المناعة=
اللي عن علوم الرجولـة مقفيـن
كثر الرمل في عصرنـا واتساعـه=
والا كثر مافي الوطن من مساكيـن
بعض الرجال ان ماغسلتي شراعه=
لا ... ماتبرد حرتك فيـه سكيـن
هههههههههه
هذي شاعره كل راسها فلقــات
انا قلت مانيب احب او استهوي او اهضم قصايدهن .. بس ترى ما حطيتها هنا معناته اني معجب فيها

أناس في بيوت من زجاج=
ويرمون الخلائق بالحجارة
وما أدري أنهدمها عليهم=
وهل تحطيم دورهمو خسارة
وهل تأديبهم بالحلم يجدي=
وقد فقدوا موازين الحضارة
إذا ركل الحمار الناس عمدا=
فبعه ببارة أو بعض بارة

*

*

لا تجادل من عقله في ذراعيه=
فماضي الحياة ليس يؤوب
ولقد تبلغ المطالب بالضعف=
وينأى بالقوة المطلوب
المواشي أقوى جسوما من الناس=
فمن غالب ومن مغلوب
خاب من سلاحه في يديه=
وسلاح العقول ليس يخيب

هذي رساله لبعض شباب العضلات والزنود والنوادي الصحيـه .. مهوب عشاني مغتاض منهم !!؟
بس لأنها صارت ظاهـره في المجتمع

*

*

احــد(ن) شهيـر او شهــرته من لســانه=
وحــد(ن) شهيـر او شـهـرته فعل يمنـاه
كلن به الدنياء يصارع زمـــــــــانـــه=
ويروح منه ماوصـل ماتمــناه

ياســلام .. تعجبني صراحة الشاعر الصريح والواقعي حتى لو كانت قاسيـه حتى لو كان يهجو نفسـه
*

*

لو تشبهين النـاس مايشبهونـك=
فيك انتظار العاشق الحالم الولـم
كم يشبهك غيم لقى فيـة لونـك=
لا ناض براقة على حـدة الثلـم
كل المعاني تلتقي فـي عيونـك=
معنى الامل والياس والعدل والظلم
حتى الجنون اللي يشابة جنونـك=
معناة لحظة تجمع الحرب والسلم
واللي قريتيهـم وهـم يكتبونـك=
تراي انا واللة مالي بهـم علـم
ما ودهم من هيبتـك يسئلونـك=
بك رهبة الظالم وبك رحمة الحلم
تدرين وش معنى حياته بدونـك=
يصير معناها الجهل وانتي العلـم

*

*

والله لو بكتب كل ما في خاطري إن يصير مسلسل تركـي

للحديث بقيـّـه ...

™ عبد الله ™ · #**112** 29-07-2008, 02:46 PM

مســّــاكم الله بالخيــّـر..

توني طالع من الدوام ..
مرور على الجرايد اليوميـّه .. مابه شيء جديد
كلها ابو بنغـل .. وتظاهراتهم
*

*

بتكلـّم عن الطفـولهـ اشوي .. بس بأختصار ..
لأنه اعتقد مانيب امريكي او اوروبـّـي
يعني الجميع او البعض الكثير .. عاش نفس الطفوله

كانت في العفجـه ( ع قولة بعض البيبل )

كانت الطفوله .. دراسه الصبح .. ولعـب باقي الوقت كلـّه
كانت كل طموحاتنا سهله .. ونحقـّقها سواء بالحلال أو بالحرام !!
أحس اني لو اتكلم عن الطفوله .. ما راح ارضي نفسي !!
عشان كذا راح اخذ مقتطفات قصيره جدا ..
أول ما ركـّبوا التلفونات وقعدوا يحفـّرون .. كنـّا طبعا
نستغلّ الخنادق والحفر ّ للـّعب .. مهربه والدوريـّه .. والخ الخ من الألعاب اللي ناسيها ذلحين .
وعلى طاري التلفونات .. أول ما ركـّبوها .. اذكر كان الازعاج مشتغل على ودنــوووه في الوادي !!
الداهيه اللي يعرف فتح خط قريه العليا كمّ؟ والا الخفجي والا النعيريه !؟
هذولي كانوا المناطق اللي نقدر نزعج اهلها .. لأن باقي العفجات (الهجر) ما كان فيها خطوط هواتف !
أذكر مرّه.. كنـّا مجتمعين القايله عند احد الشباب الله يذكره بالخير ..
وكنـا مستلمين التلفون .. ازعاااج على خلق الله .. بس كذا مانبي شيء ؟ مهوب مغازل ؟؟ لاء
بس عبـط ..
ويستلمنا ذاك الواحد اللي ازعجنا كل اشوي يدق ولا يتكلم ..
المهم وقبل ما يدق هذاك بثواني ..
قلت له : لا دقّ .. قل أنت فلان !؟ اورّيك أن خليـّتك !؟
فـ اول ما دق هذاك .. قال صاحبنا : يافلان اورّيك .. تحسبّ اني ما عرفتك ؟
هذاك وبكلّ براءه مدري دلاخه مدري وش .. قال وبضحكة واحد مستغرب : هـهـهـااا .. ابو فلان .. وشدراك أنـّه انا !!!!!!!؟
ياحبـّي له احسّ انه بيدخل الجنـّه من برائته الزايده .. (استغفر الله ) .
*

*

أذكر مره كانت لنا مباراة كورة قدم مع فريق النعيريـّه ..
رحنا متحاشرين على سيـّاره وحده والمدافعين والوسط والحارس في البدي .. !
والهجوم داخل الغماره
فـ إثناء المباراه .. كانت فيه سيـّارات مغيـّمه وسوبرات ..
جانا واحد طايش . يقول : يالربع ترى اكثر ذالسوبرات بنات النعيريـه يتفرجون على المباراه !!
حنـّا سمعنا ذالحكي والا ما سمعناه !؟
كل واحد قعد يحارب ويقاتل .. وهذاك يطـيـر والثاني يززززززحلق بقووه .. وذاك لا جاته الكوره يتأنـّن ولا يناول ويسوي حركات ..
يعني بالعربي ..فريق النعيريه كانوا ضامنين الفوز علينا وبسهوووووله !.
بس تفاجأوا ذاك اليوم وش ذالفريق اللي قدامهم ؟
استبسال غير طبيعي .. وقتال على الكوره .. انتحاريـّين .. الرجـّال ما يمغط ظهره بالكوره !!؟
ترى لعبنا وحماسنا هذا مهوب حبّ في البنات أو كذا !؟
لاء ,, لاء ,,
كانت بـ برااااااءه وانا ازكـّيهم (ولاازكيهم على الله ) انهم كذلك ..
اتذكر ذالموقف كل ما شفت لقطة الشيخ فؤاد بن بطـّاح .. يوم مرته تفرّع توّه .. وهو متحمـّس

موقـف آخــر ..

اذكر عاما الأول .. (ربيع2007) كنـّا في السدريـّات .. ومعنا شباب من اهل الكويت (حضـر) جايين من رياض نجد خريم وتنهات وغيرها . . ومّروا علينا وخيـّموا في السدريـّات ..
ذاك اليوم رحنا للـ قلتا .. اعتقد احد الشباب مدري والله منهو ذلحين .. كان حاط صورها في المنتدى .
فـ رحنا نبّي نورّيهم أيـّاها ..
يوم قرّب المغرب .. وقد معنا صلاه ..
كلنا ندخـّن الا واحد معنا .. عجبـه .. مع انه مهوب اكبرنا لكنـّه كبير اشوي ..
يوم حولنا من المواتر الا هو يكلـّم تلفون .. وتلفونه ابن الحلال ما يبرد !!
المهم .. أقمنا الصلاه .. تقـّدم هو للأمـامه ..
ويدقّ تلفونه .. ويحطـّه عالصامت ..
يوم جاء يكبـّر ..
رفع ايدينه للتكبير وقال ( آلـــــوووو ) بمدّ الواااو .. يعني كأنه يكبـّر !؟
حنـّا غدا الله علينا من الضحك
بغيت اقوله ( الجهاز مغلق )

موقف ما انساه طول حيــاتي .. << ادري شقحه كبيره من الطفوله للشباب

أول سنه لي في الجامعه .. كان الجدول ينزل لنا دايركت يعني مهوب انت اللي تسجل .. فـ كانت أول أيـّامي في الجامعه .. ما ادلّ الا كليـّتي الرئيسيه كانت في العديليـّه ..
وفيه ماده طالع غلط في الشويخ ..
المهم .. الماده ذيك كانت سبت اثنين اربعاء وكانت الساعه 8 على ما اظن . .
الا أكيد مهوب على ماظن ..
المهم أنا ماعمري جيت الشويخ الا في صالة القبول والتسجيل اول ما جيت اسجّـل .. وش حليلي قرينيس .. ماعرف الا المكان اللي اجيه ..
المهم .. قبل ما تبدأ الدراسه وكانت السبت .. وحنا الخميس .. واروح للشويخ واضيـّع وادخل الصناعيه وعقبها ما خذيت الا انا عند حرس الجي ون .. المهم دخت ساعتين على ما عيـّنت الدرب اللي يوديني للجامعه ..
ويوم الجمعه مثله .. بس ذالمره خلاص عرفت لي طريق والله معاد افهقه منــّي ..
ويجي يوم السبت واروح للمحاضره الأولى .. وادوج في الجامعه وفي كبرها بلى .. وكان مكتوب لي ( ش2) يعني مبنى الشيوخ رقم ثنين ..
وادورّ ادور .. وادخل قاعات الاداب ومدري وين وادخل سكن الدكاتره ..
الوكاد اني دجيـّت لين جت الساعه تسع واشوي .. وابي الحّـق على محاضراتي في العديليه .. وانصاها مسرررع .. بس اشوى ادلّ طريق العديليه
المهم اني على ذالحال .. لأسبوعين ..
كنت استحي اسأل احد .. اذلّ انه يقول .. من صجك ما تعرف وين قاعتك والا يقعد ينقد علي وكذا .. فـ قلت الرسوب والسقوط ابرك ولا ضيعة الوجه يا ولد ..
ويجي ذاك اليوم عقب (3 اسابيع ) لأني اخر الاسبوع الثاني والثالث معاد رحت لأني غسلت ايدي .. وفوق هذا كلـّيتي مافيها احد اعرفه وقتها ..
ويجي ذاك اليوم اللي قرّرت أنـّي خلاااص لازم اعيـّن ذالقاعه اللعيـنه .. وابشـّركم .. وقفت عند ذيك البنايه في طرف المدينه الجامعيه .. واقوف موتري ولا فيه مواتر .. مابلا انا !!؟؟
وانتظر اشوي وتروح ربع ساعه من المحاضره وانا منتظر .. اخر شيء جاني واحد من الامن قال فيه شيء ؟
قلت ايه انتظر محاضرتي !!
قال محاضرتك وين ؟ قلت في مبنى الشويخ 2 !؟ يعني المبنى هذا
قال لا يا عمّ دا مبنى اتنين آآآآه بس مش مبنى شويخ 2
قلت اجل ذا وش؟
قال ده سكن طالبات !!
يا رقال ئول غير دالهرق !!
والله ولا خلـّيت المصري الا لين ركـّبته معي يدلـّيني أيـّاها وينزل معي .. وعقبه رجـّعته وثبـّت مكانها ... لكن عقب ما جاني انذار غياب وطبعا وضـّحت للدكتوره كانت اجوديه وكبيره اشوي واعلمها بسالفتي كلها .. والحمدلله شكلها قدّرتني حيــل لدرجة اني خذيت A في الماده
*

*

ما اظن إن عاد للحديث حلقات آخـرى بس .. نقيـّل ونشوف المزاج العصـر

™ عبد الله ™ · #**113** 29-07-2008, 10:50 PM

مسـّـاكم الله بالخيــر ، ، ،

بتكلـّم اشوي عن المنتدى

المنـتــدى ...

كل منتدى اعتبره جريدة أو مجلـّه ..

منتدانا هذا .. أعتبـره جريدة يوميـّه ..
اول ما اطلع من الدوام على طول . . اتصفـّح الجرايد (البيبر) بشكل سريع ..
فيها اخبار تفتح النفـّس والا لاء !..
وبسرعه .. افتح اللاب توب وفتحي جريدتي اليوميـّه
انا احبّ اقرى اكثر من ما أشارك ..
أحبّ اردّ اكثر من طرح المواضيع ..

أستمتع بقراءة المواضيع العامـّه ..
كنت ملمّ حيل في المواضيع السياسيـّة ..
بس تالي آمنت بالمقولة اللي تقول : قرائتك و ألمامك ما راح يغيـّر في القرار السياسي شيء !
القسم الترفيهي !! هذي قصـّه بحاله

إذا عندك فضول تعرف شخصيـة العضو ؟
رح شف ردوده أو مشاركاته في الترفيهي ..

تعجبني كتابات واقلام كثيره في المنتدى ..
ما راح اذكرهم لأنهم مو في حاجة اطرائي أو مدحي لهم ..
فيه ناس لهم ردود .. انا اشوف أنها مواضيع بحد ذاتها ...

على الطاري ..
اذكر مرّه قريت مقال مدري بأي جريده بس اعتقد أنها الوطن ولاهيب مبطيه حييل يعني ذالاشهر اللي طافت ..

بس مدري من صاحب المقال .. لكن كان يتكلم عن كلمة (آن) وان (آن) هذا كان آلـهه في إيران أو في العراق .. منذ ملايين السنين ..
وان فيه ناس كانوا يؤمنون فيه .. وكانوا يسمـّون أولادهم للتقربّ من الالهه (آن) ..
فـ تجد ..

سلـط(آن) .. شقر(آن) .. قبلـ(آن) .. جهيم(آن) .. فار(آن) .. لمع(آن).. جبر(آن) .. راك(آن) .. خبل(آن) .. ترب(آن) .. زير(آن).. الون(آن) .. عبد(آن).. هام(آن)..

والمناطق منها عبدان وباكستان وطاجاكستان وايران وافغانستان و كردستان وغيرها من الأسامي .. وكان الأخ يتكلـّم بصدق وإيـمان !! مع انه قرئها في احد الكتب !!
طيب ياخي انا مهوب كل كتاب اقراه معناته صحّ .. ياخي ربـّي ليه عطاك عقـل ؟ حاول تفكـّر فيه .. ياخي استخدمه .. حلـّله اشوي !!

اجل .. الله سبحان وتعالى لا يعلم ( والعياذ بالله .. سبحانه يعلم ماكان ومايكون) .. وهو من اسمائه الرحمـ(آن) !؟؟
أو في الآيه الكريمه: (ما انزل الله بها من سلطان) .. !!
وأسم احد صحابة الرسول (ص) وثالث الخلفاء الراشدين اسمه عثمان !؟
عشان كذا مرّات اتنرفز من أي انسان يقرى معلومه وهو غير متأكد منها .. يعني بس مجرّد انه قرئها .. يجي ينشرها واذا احد خالفه الرأي .. يصرّ ومدري وش ويخبّ نفسه .. ولا جيت تناقشه بعقل ومنطق !؟ ياعمي طيــر وش عرفك انا قاريها في الكتااب الفلاني والا المكان الفلاني !!
اللهم لك الحمد .. على نعمة العقل ..
حتى وان كنـّا مفطورين على ديانة الاسلام .. وغيرنا على ديانات اخرى .. فنحن وهم مسؤلين !! وش ميـّزة بذالعقل !؟ آمنت وصرت على ديانتك هذي بإيمان جازم بعقلك وجوارحك !؟ والا بس فطره !؟
لو كل شيء بالفطره كان وهب الله سبحانه العقل لأول جيل في الخلق .. وخلاص !!

اخر موقفه بقوله .. صار امس ..
واحد من أعمدة المنتدى .. عاد فكـّوها .. يا عضو او مشرف ..
الوكاد معي ماسنجر .. يقول عبدالله : وش منى الظهر بالانقلش؟
قلت معناه نـون ..
و (افتر نون) يعني بعد الظهر وانت تجيب قبلها قـود !!
فقـال .. طيب يعني لا جيت اقول لواحد مثلا : لبـّـى نونك !؟؟
وش يعني نونك !؟ وش قصدك ؟
قال يعني لبى ظهرك !؟
قلت انت تقصد الظهر الحزّه والا الظهر الجسم !؟
قال لا ياخي ابي الظهر العادي .. ظهورنا حنـّا

تمنـّيت اني ما علمته اني بنزل المحادثه بس حسافه .. طلبني

وأنا هنــا أكتـفــي هنــا
احسّ أن القبله في الأفكـار قاوعت
والعذر والسموحه عالأطاله .. ولأن فيه مهوب وجه واحد !؟ الا وجيـه أخرى كثيره ما كشفتها
<< يتنسـّم في المايكـ ويقول للي بعده ســمّ

ملاحظه: الاسترليني .. حاولت ارسلك رساله خاصه بس مو مفعـّلها انت
العذر والسموحه نفداك

انتحار · #**114** 29-07-2008, 11:06 PM

حرام عليك
ماتكتب..

برقع الصقر · #**115** 29-07-2008, 11:14 PM

عبدالله
انت اللي حللت المايك صدق
كلام كبير وخطير بغيت اقتبس بس بعجز

وبانتظار صاحب المايك القادم

Najla · #**116** 30-07-2008, 12:23 AM

بـدّعـت يا عبداللـّه ..

اقرا كلامـك وانا مستمتعـه جداً ..

بصراااحـه ســواالفـك ما تنمـّل و تمنيناا لو الماايـك يطوّل معـك ..

بإنتظاار صااحب الماايك الجااي ..

تحياتي ..!

الإسترليني · #**117** 30-07-2008, 01:34 AM

مسموح وفعلناها

وردة العجمـان · #**118** 30-07-2008, 01:57 AM

جمووح >> صح اختيارش

اخترتي شخصية كنا نحاول من مدة طويلة اكتشاف الجانب الآخر منها ؟!

عبدالله

قلم متوهج / عفوي/ فريد من نوعة..

استمتعنا بالقراءة ..

نتمنى ان نرى هذا القلم مراراً وتكراراً ولا تبخل به

تحيتيـ وتقديريـ

بــ راكان ــنت · #**119** 30-07-2008, 02:01 AM

™ عبد الله ™

:

كتبت فابدعت..

لو تكتب لنا يوميات برمضان حصريه لمنتدى العجمان

تسوي خير

looooool

الظبيانيه7 · #**120** 30-07-2008, 08:30 AM

ماشاءالله عليك اخويه اسميك ابدعت بالكتابه