دعوه للجميع اطلب قصيده ونحن نجلبها لك(2).

[عنـ وافتخرــزي]

يسم الله الرحمن الرحيم

السلام عليكم ورحمة الله وبركاته

انا طرحت الموضوع ذا قبل مده بس ماحد عطاني علم ....

ادور القصيده ذي يمكن لي شهرين ولازم القاها الله لايهينكم اتوقع انها لشاعر عجمي لأني لقيت البيت ذا مع واحد عجمي ماعرفه معرفه تامه ومقدر اسأله لأنه بيكون فيه احراج !!!!!

الله يجملني على رد النيــاق الــســود

ونجيـب له الجـلاد مـن ديـرة أل مـره


واتمنى انكم تحصلونه واكون لكم من الشاكرين وجزاكم الله الف خير

اخــوكم : عــنزي وافتخر !!!!!!!

[bander al_ajmi]

لاهنت يا ابن ملبز على القصيده
بس الشطر هذا ادرج في كثير من القصايد وصار مثل المثل بس القصيده الاصليه ماني حافضها بس منها اللي يقول

الحي يحييك والميت يزيدك غبن@@@ ومن لاتقاضا وهو حي يقمح ليا مات

ولاهنت ومثل الشطر اللي جابه بن فطيس مانيب من ياتي ولا يدرابه الشطر هذا ضايع بعد محد يعرف منهوله

[جااابر]

موضوع رائع جدا ...

أتمنى تجيبون لي قصيدة ابن فلوة اللي يقول فيها:


أبرّد اللقمة .. عشان آكلـها ///// واللي كلاها .. شخص ما برّدها
يالله عساها ما تعدّى ازراره ///// ...........................

وأكون شاكر لك جداً ..


إخيكم : جابر

[موكب]

اخي الكريم بندر

اتمنى ان تكون هذه قصيدك المطلوبه

وسامحنا على القصور

الطيب لاهل المكـارم و الأجاويـد فـال
و الخبث خبث النفوس اللي عبن ما عبن
من ضحك سنه تصنّع في وجيه الرجـال
و ان لد لي هو ضعيف النفس حية تبـن
تفضحه الأيـام و تبيّـح خفـاه الليـال
لو تزبنه حيلتـه و تصنّعـه مـا زبـن
تبقى الحقيقة حقيقة لـو يطـول الجـدال
تفرق مواري الشجاعة عن مواري الجبن
رووس ٍ ذراها الفعول اللي تهز الجبـال
و رووس ٍ ذراها البشوت اللي تحتها ربن
ناس ٍ ليا من كسبت إعجابها راس مـال
و ناس ٍ فلا بعّـدن ذهنـي و لا قرّبـن
انا اشهد انه صدق راعي المثل يوم قـال
الحي يحييـك و الميـت يزيـدك غبـن

[موكب]

اخي الكريم جااابر

إليك طلبك

وسامحنا على القصور

يا قافي الناجـح عليـك اسندهـا=والا وله مطلا عهـا مـن يدهـا
اللي تشـرف سمعتـك قلطهـا=واللـي تشـوه سمعتـك قيدهـا
الصعبه اللي ماقدرهـا الفطحـل=تسجد تحت ركبتـك يـا سيدهـا
اللي تبيـد حيـل كـل مجـرب=تجـرهـا بالـهـون وتبيـدهـا
واسمع تراني ماعتزي بالناقـص=اللي مواقيـف الوفـاء يجحدهـا
إلى تعزويـت اعتـزي بسنافـي=يجمع علـوم الطولـه ويفردهـا
الله رمابي في هـواء رعبوبـه=اللي لا قامت ردفهـا يضهدهـا
ما شوف في الكون الفسيح إلاهي=بين المحانـي زينـت مرقدهـا
الغيد من ساحـل عمـان لجـده=على الجمال اليوسفـي تحسدهـا
لو حاولوا معها ما فيهـا حيلـه=بيـن العـذارى ماحـدٍ هجدهـا
أبـرد اللقمـه عشـان آكلـهـا=واللي أكلهـا شخـص مابردهـا
يـا الله عساهـا ماتعـدى زراره=اتسـد حلـقـه والله يجمـدهـا
الحظ من حفـره إلـى دحديـره=إلـى متـى والحـظ متوسدهـا

[جااابر]

الغالي موكب

بيض الله وجهك وما قصرت .....

[موكب]

ووجهك ابيض اخي الغالي جااابر

ونحن موجودين لخدمتكم

دمت بخير وسعاده

[amarebha]

الأخوة الأعزاااااء


لدي الرغبة بطلب قصيدة او قصيدتين


ولكن هذه المره سأخذ برأيكم قبل أن اطلب


اذا كنتم قادرين على جلب ما سأطلب فهذا المراد


واذا كنتم ستتجاهلون الطلب كما حصل فيما سبق فلن اطلب

،،،،،،


للتذكير

وفق ما ارى من ردود من قبلكم سأعمل ما يناسب

،،،،،


دام تواجدكم للافضل باذن الله



..
..

[bander al_ajmi]

لاهنت يا اخوي موكب ومشكور على جهدك الكريم وبيض الله وجهك على كل حال وتدوم على المجهود الطيب طال عمرك

بس القصيده اللي كنت ابغيها الشطرين في بيت واحد
الحي يحييك والميت يزيدك غبن@@@ ومن لاتقاضا وهو حي يقمح ليا مات

ومن صاحب القصيده
ومشكورين

[bander al_ajmi]

السلام عليكم ورحمه الله وبركاته
مساكم الله بالخير جميعا

ابشرك يا خوي موكب ويا بن ملبز عينت القصيده بس ابي منو صاحبها ادري ثقلت عليكم بس جبت القصيده

أشقيت عمري في رضاك وترجيك
............. واتعبت نفسي لجل ترتاح لحضات
ياما تحملت العنا لجـل اراضيـك
.......... وياما على شانك قطعنا المسافات
اسري مع الهاجوس لاحل طاريك
........... وارسمك في داخل خيالي بالابيات
بيع غيرك يامنى الروح واشريـك
............ ويبين في وجهي رسوم وعلامات
اكيد احبك ياغلا الروح واغليـك
............ ويفز الك قلبي من الوجد بسكـات
لاجيت انادي غيرك اسلى واناديك
................. اثر المحبه تخلف عقـول حـزات
لاتحسبني يا أريش العين ناسيـك
................. لاوالله الخالـق بديـع السمـوات
مهما يطول الوقت ماني مجافيـك
.............. ياقمة افكاري وتفسيـر الآهـات
اشوفكم بالحلم واصحى مالاقيـك
.............. طيفك يجيني كل ماغـط بسبـات
لاكن مدري ويـن قفـت لياليـك
............. ابعدت عني ياعساهـا سلامـات
روحت يالغالي وانا ميـتٍ فيـك
............. وانا اتحرى جيتك كـل الآوقـات
صدك ذبحني يالغـرام وتماديـك
............. اجيك انا خطوه وتبعد بخطـوات
امد يدّي وأنـت تقصـر بياديـك
............ لي نيتن وحده والك عشر نيـات
روحي بعدها ياعسى الرب يحميك
............ ولاني بندمانٍ على كـل مافـات
لابد ارد الحق وامشـي واخليـك
.............. ولاني براجع لو تهليـن عبـرات
وبقول الك علم ٍ عسى العلم يكفيك
........... وحطه على بالك ترا العلم بثبـات
ميت يزيدك غبن والحي يحييـك
.......... ومن لاتقاضى حي يقمح ليا مات

بس ما اعرف من صاحبها ارجو المساعده