##~~~&& أكتب اجمل ما قرأت في الغزل ... للقلوب الخضراء &&~~~##

[@ فــهــد @]

.
.
.

خالد ..... هد اعصابك

نجلا ..... مرحبا بش

.
.
.

[ناصـر محمد المجروب]

ياصاحبي جيتك وأنـا ظامي هوى=واسقتيني صدك وعوّدت ظـامي

بيت ع الطاير

[Najla]

صح لسانك /فل اوبشن..

.
.

ياشموخي . يـا أنكشافـي . يا\دفينـي=ياعلـوّي . يابقائـي . يـا أنحـداري
يا بداياتي . يا مائـي . يـا أكسجينـي=يا أندثاري . يا أعتدالي . يا أزدهـاري
يـا بـلادة حسّـي . وقمّـة حنينـي=يا أختياري ..لا .. يا عشواء ..أختياري
أعشقك مـن عادنـي فـ/ أوّل سنينـي=لين صرت آخذ مـع نفسـي قـراري

.
.

[ذايع الصـيت]

مساءكم شعر وحب وغزل .......

ويعطيك العافيه على الموضوع أخوي ،،،،،،،،

قم يا صباح الطهر والطيـش والتيـه .... خـْـل النهار يكون لـه طعـم ثانـي
وجـهـك تـبـاشـيـر السـعـاده تحيـيــه .... وعيـونك النـجـلا محـيـط وموانـي
في بسمتك تشرق من الفرحة وجيه .... وفي دمعتك اسمع شجون الأغانـي
شـطبت بحضورك قصـيد المشاريـة .... ونادمت بغـيـابك رصـيـف الأمانـي
طمست لك في كلمتي نبرة الـ.. ليه .... أخـاف من جـرح السـؤال بـزمانـي

[@ فــهــد @]

.
.
.

البارحه يا روح روحي خنجر عتابك حديد=توميبها واليا سهفت بين الضلوع اركيتها
حكم الغلا خلاك تطعني وانا اللي مستفيد=فديتك انت وكل طعنه من يدك فديتها
محبتك تجري فدمي من وريد اليا وريد=بين الضلوع العوج بخشتها وقلبي بيتها
لينت لك قلبٍ لغيرك ما يلينه الحديد=ولديت لك عينٍ لغيرك ما بعد لديتها

.
.
.

[$$ خالد $$]

ما اظن يحاول الزمن في يوم ينسيني الوليف
لو تقوم القيامه استغفر الله ماني بناسيه

[@ فــهــد @]

.
.
.

انا لا شفت وجه البدر كامل=خفوقي من تحت ضلعي نهسني
ذكرت اللي جماله ما يجامل=على زينة حسنه زاد حسني

.
.
.

[ناصـر محمد المجروب]

لا تسأليني عن اسباب الزعل مدري=يجوز نفسي على كثر الجفا ارتاحت
او يمكن اني عرفت السر من صغري=ما بـ الحمامه حزن لو انها ناحت
حتى اتخذت الهجر في مقتبل عمري=طبيعةٍ زاحت الاحباب ماانزاحت
ماوالله ابكي ولكن من سنا جمري=شف ريحة العود لولا الجمر مافاحت
كم عبرة ٍ لا غفيت اكنها بصدري=مير البلا لا قعدت الصبح ماراحت
تكبر معي تدرك المحجر ولا تجري=من يوصف الدمعه الي مابعد طاحت ..؟

[@ فــهــد @]

.
.
.

ماوالله ابكي ولكن مـن سنـا جمـري=شف ريحة العود لولا الجمر مافاحـت
كم عبرة ٍ لا غفيـت اكنهـا بصـدري=مير البلا لا قعـدت الصبـح ماراحـت
تكبر معي تدرك المحجـر ولا تجـري=من يوصف الدمعه الي مابعد طاحت ..؟

اللـــــــــــــــــــــــــــــــــــــــــه

يا عــجمـــي عــلــى هــالابــيــات

قــــمه عــلــى قــمــه وذوقـــك قمـــه

دمـــت عليـــه

.
.
.

[ناصـر محمد المجروب]

مرحبا يالظامي

كانها عجبتك .. هذا دليل على ذائقتك

سقط حكم الغرام وضاعـو الحـرّاس=من ديـار الوفـا والحـب والتقديـر
بقلـبٍ مـا بقـى لعروقـه اليبّـاس=سوى .. حزن وهموم وضيقه وتفكير
دروب الحبّ ظلمـا والوفـا نبـراس=وحظوظ الناس تجعل مايصير .؟ يصير
وانا حظي شجر واحداث عمري فـاس=ويدين الوقت ما ملّـت مـن التكسيـر
من أول كنت [ انا لك يا بريق الماس ]=قبل لا اميّـز انّـك تعشـق التغييـر
عقب ماهب من برد الغـدر نسنـاس=من اغصان الغلا والشوق طار الطيـر
لو انّي في عيونك غيـر كـلّ النـاس=شعرت انّي بعينـك وبضميـرك غيـر
دموعـك ردهـا لعيونـك النـعّـاس=ترى ماعاد لدموعـك علـي ، تأثيـر
عطيتك كل حاجه وانت باسـك بـاس=تحب اتخون لكـن مـا تحـب اتغيـر
تعبت اجبر مشاعـر قلبـي الحسّـاس=وتعبت ادلّلـك خوفـاً مـن التقصيـر
جلست اشوف لأسباب الخيانه سـاس=بأبرّر لـك ولا وافـق معـي تبريـر
تقول تحسّ ..! والله ما معاك احساس=حقيقه بس سامحنـي علـى التأخيـر
بعد ما صاب قلبي من غرامـك يـاس=لزوم اسوق رجلي واذكـرك بالخيـر

لـ / نـاصـر منـاحي