وش يتفعك من حنين القلب وخلاجه وجروحه اسبابها انت ولا تعالجها

[شقران السبيعي]

يوم راح اللي على قلبـي يمـون
ابتدى مشوار حزنـي والضيـاع

[شقران السبيعي]

لا تنشديني يا عيوني عن النـوم
ترى السهر دايم مرافق حياتـي
لا تنشديني عن هوى العام واليوم
ترى الهوى بعيوني الساهراتي

[شقران السبيعي]

انا عطيتك من هوى القلب مقدار
يكفي لكل النـاس لـو تقسمينـه

[شقران السبيعي]

ضاقت بي الدنيا وانا منك مجـروح
وامسيت من حبك جريح ٍ شقـاوي

[شقران السبيعي]

من يقول انساك فـي يـوم وتهـون
من يقول انساك يـا عمـري كـذب
في حياتي غيـر حبـك مـا يكـون
مسكنك مـا بيـن جفنـي والهـدب

[شقران السبيعي]

صح المشاعر كلها وانت راقد
ما بيك تصحى والمشاعر بك رقود
كان المحبه ما تشب المواقد
تبقى كذا جزء من النص مفقود
صعبه تجدني وأنت للحب فاقد
والأصعب اني فاقدك وانت موجود

[شقران السبيعي]

خل الردي من رفقته ويش مكسبك
خلّـه بحاله لا تعكر مزاجه
وقت السعه لا غبت مره يعاتبك
وإلا بوقت اللازمه ما يواجه
انصى الرفيق اللي ليا ضاق حاجبك
لا جيت يمّه قام يضحك حجاجه

[شقران السبيعي]

الهرجه اللي تعداني ما افسرها
ولا اشفق على كشفها من دون راعيها
واترك سبيل العرب لله يدبرها
تجيني السالفه ما كني أوحيها
أقول مدري بها لو كنت خابرها
واللي سألني يبيها قلت ناسيها
وش لي وراء الناس يوم اجرح مشاعرها
الفتنة الميته ماني بمحييها

[شقران السبيعي]

ياللـي هـواك بداخـل القلـب مطـبـوع
وقبـل الهـوى بينـي وبيـنـك ميـاانـه
ما دام شوقـك بيـن الاضـلاع مـزوع
خذنـي فديتـك فــي خفـوقـك أمـانـه

[شقران السبيعي]

ارحم مودّ ٍ صاغ لك بضعة ابيات
يجهل كثير الحب مع كثر عرفه