شاعر شاف الجدي في رمسته راعي طويله = والهبايب تنفض غصون الشجر منا ومنا

[(هاوي قصيد)]

مسا الخير ,,,
قصيده لشاعر \ ناصر بن فالح الهاجري (بدوي)

خلها تبرق ورا الصمان وتسيل المسيله = دام خيال المهور العوب في الشدات منا

الزمل في مهجتي ممساه وهنيا مقيله = والله إنه من ظعنا راح يرعى في ظعنا

والله إني ما أتنازل عنك يا الصفرا الأصيله = دام لي راس يزوم ولي طواريق تغنا

يوم قالت يا حلالي قلت لبى أغلى حليله = قالت البارح جرى دمعي على الخدين لنا

قلت في ربك وريضان الزهر هذي وشي له = ماسقاها إلا غلاك اللي ربيناه وسكنا

صاحبي وافري جيب اصويحبك عقبك اويله = لا خلت من ضحكتك ذيك الصروح اللي تبنا

لا رحل حلم نزخرف له بيوت وننتمي له = وامحلت خر الطواريق ودنا الليل وتدنا

قبضيني يا الهبايب غرة الغيم وهميله = لين يرتع في خفايا الروح رعبوب زبنا

وارعدي بي يالرعود وفضفضي بي يا المخيله = واشرقي بي لا اظلمن ذيك الوجيه وكلحنا

واعتزي بي مثل خيال على عزوة خليله = ساعة يستنشق البارود كيف ويستجنا

المشاعر راهيه والدرب مخطور او يبي له = مسرجات لا ظمينا الغمام يوردنا

والوعد لا رفرف البارق على راس الطويله = والهواجس تصطفق وغزيل السابق تحنا

درهمي بي ياذلول الشعر صوب المستحيله = إن كسبنا الصعب وإلا كسبنا قولة فعلنا

شاعر شاف الجدي في رمسته راعي طويله = والهبايب تنفض غصون الشجر منا ومنا

والزمن جافيه عقب الطيب من قبل أمس عيله = والوجيه اللي خذن منا الغلا ويش عطنا

والوفا يلهث ورا بيبان نساي الجميلة = سج ما كنه شرب من كفي الطيب وتهنا

أي عناله ويعنالي ويعنيني ويعنيله = عالق علق معاليق العلايق واعلقنا

عقب اللي يوم ضاع وضيع الوالي دليله = جا يحدنه عيون اللي على الضيق يحدنا

روح يدفدف مع السارين بضلوع نحيله = عقبها عود يلوج لسينه حناوحنا

يتطاولنا فقير الحال مغتر بقليله = ما درى انه لو تعنا للثريا ما وصلنا

علموه يرش مقياله ويشرب من صميله = ماله عظام يشيلنه عشان يصادمنا

انصحيه وفهميه وسولفيله واشرحيله = انتي اخته علميه ان الوطن هذا وطنا

ياحبيب للصمايل قلب وضلوع جليله = استرح يالاجودي شوري عليك ولا تعنا

ما نوردها على الجمهاه بعزوم هزيله = يوم جينا عزوة يصفق لها الموت وتثنا

أبشري يا عزوتي لا حزم الصايح شليله = والله ان أسوقها شلفا في تجغم من زعلنا

وأبشري باللي يشيل الحمل عنك ويرتكيله = شاعر بأسمك تغطرس باسمه الحرف وتغنا

والعذارى اللي يشبن لا سمنا الوضاح ليله = جعلهن لا قصرن بيض الفعايل يفقدنا

لا وطينا القاع شوف القاع منهي تنحني له = ما هدر وأطبق على روس الجمال إلا جملنا

والوعد لا رفرف البارق على راس الطويله = والمشاعر تشتعل وغزيل السابق تحنا

وسلامتكم

[بندر]

والله إني ما أتنازل عنك يا الصفرا الأصيلـه
دام لي راس يـزوم ولـي طواريـق تغنـا

يوم قالت يا حلالي قلت لبـى أغلـى حليلـه
قالت البارح جرى دمعي علـى الخديـن لنـا


يلبيه

الهاجري

كل ماتجيب يعجبني

لبا قلبك وبس

[عيد بن شدقان]

صح السان الشاعر/ناصر بن فالح الهاجري






ولاهنت يالهاجري


اختيار رائع يدل على ذوق راقي




الله يعطيك الف عافيه

[نـاصـر]

صح السان الشاعر/ناصر بن فالح الهاجري

الهاجري

أن كتبت القصيدة جزل

وإيضاً بالنقل ما تختار الا الجزال

لاهنت على النقل الموفق

وتقبل مروري

[(هاوي قصيد)]

بندر ,,,
لبيك انا ولا خلا ولا عدم , وان القصيد اللي يطربكم هو غايتن لنا يالسنافي
لاهنت على المرور طال عمرك

[(هاوي قصيد)]

عيد بن شدقان ,,,
تسلم طال عمرك والذوق ذوووقك
لاهنت على المرور طال عمرك

[(هاوي قصيد)]

ناصر ,,,
تسلم تسلم طال عمرك وما الجزل الا راسك يالسنافي
لاهنت على المرور الكريم

[الجامحه!]

صـــح ـح لســـانك .. ولسـان شــــاعرهـــــا ...( ناصر بن فالح الهاجري )


ولاهنت عالنــقل والاختــياار الاكــثر من راائــع ..!

اختك.. الجــامحه!

[(هاوي قصيد)]

الجامحه ,,,
صح الله بدنك
الاروع مرورك الكريم

[@الشيــــــــــــنه@]

صح لسان الشاعر : ناصر الهاجــري


قصيده رائعه ويعطيك العافيه على النقل