ياكريم العفو واعطف بجودك ياكريم ... ل..امي اللي جنة الخلد تحت اقدامها

[مشاعر حالمه]

المشاركة الأصلية كتبت بواسطة البنت الجزله

بسم الله الرحمن الرحيم
اخواتي واخواني الاعزاء في المنتدى الغالي على قلبي ...
كل الشكر لكم على ما اظهرتوه لي من صادق الود والوقفه الصادقه واشكر مشرفي واعضاء المنتدى على مواقفهم الساميه معي واشكر الاخ الشاعر / محمد المجول الذي قدر موقفي وكان بمثابة الاخ المشفق على اخته وكسب الأجر من الله في الدعاء لوالدتي
وابشركم ان الوالده خرجت من غرفة العنايه
والحمد والشكر لله
وهذه القصيده كتبتها في بداية مرضها

ياكريم العفو واعطف بجودك ياكريم = لـ..امي اللي جنة الخلد تحت اقدامها
رف بها يا رب واشفق عليها يارحيم = واحمها واعطف عليها وداو اسقامها
ليزفا طيف المحبه وعارضه النسيم = تقبل اسراب البشاير بطيب انسامها
والغلا لــ.أمي مثبت وفي قلبي مقيم = راسي بمثنات روحي وفي صمامها
ماتنام الليل لجلي وهاجسها وخيم = لي تعبت تزيد ضيقاتها والامها
آه يمه والحشى فيه نيران الهشيم=تشتعل والهم كنه يزيد اضرامها
آه يمه كل ونه توقع في الصميم=وكل دمعه تغرق ابنيتّك باوهامها
هي ضوى دنياي والنور في الليل العتيم = لقبلت تشرق بالانوارفي مقدامها
هي نظر عيني ودنياي في الكون العظيم = ما تطيب ايامي الا وانا قدامها
تجحد العلة ولو جسمها وجع وسقيم = تخفي العلة ولا تبدي اللي ضامها
دعوة(ن)منها تشرع لي ابواب النعيم = ينفرج همي ونفسي تطيب احلامها
من رضاها صار دربي صراطه مستقيم = والطهاره تعتريني بطهر احرامها
وان غزاها الشيب وعظامها صارت رميم = ما يعيـبني لو اصير من خدامها
والمرض لو كان له دوله وجيش وزعيم = نغزي ابلاده ونقضي على حكامها
بنت من هو يرهب القوم في الوقت القديم = بنت من ربعه بفعله تشد احزامها
بنت من هو يسرج الخيل في الليل الظليم = لاصطفق عج الفوارس يشد الجامها
يا آلهي واشفها وانت بالعله عليم=وارحم امي من مرضها وداو اسقامها

اختكم / البنت الجزله

البنت الجزله

ارحبي ثم ارحبي ثم ارحبي

وصح السااااااااااانج مليون ولاتهونين

والحمد لله على سلامة أميمتج وجعلها سالمةٍ دايمه يارب

ولاتنسين تطمنينا عليها اذا قدها في البيت وبينكم ^_^

تحيتي لج / مشاعر حالمه_عزوة ابوها

[رنة الخلخال]

الحمــــــــــــــــــــد للـــــــــــــــه على ســــــــــــــلامتهــــــــــــــــــــــااا

والله يخليــــــــــــــــها لكـــــــــــــــــــم

وصــــــــــح لســـــــــانك يااختـي على القصيدهـ
وتســـــــــــــلم يدينك,,,

سلامي لكـ

[سالم الرزقي]

الحمد لله على سلامه كل ام في الدنيا . والله يخليها لك ويحفظها

وصح لسانك ياالجزله وهي تستاهل

[علي السكران]

صح لسانك يالبنت الجزله قصيدة رائعة

الحمد لله على سلامة امك

ومحمد المجول رجال وفي ومن اوفياء ولا هو بغريب عليه

تقبل تقديري لمل كتبتي

[عجمي في الخارج]

صح لسانك الشاعره الجزله

والحمدلله على شفاء الوالده

قصيدك كله على بعضه جزل

متابعك دائماً

[عبدالناصر آل عبدان]

الأخت القديره / البنت الجزله

بداية الحمد الله على السلامه والوالده ظاهره من الشر إن شاااااااء الله

وجعلهااا خاااتمة الأحزاااان

وماااتشوف شر



ووصح الله لساااانك على القصيده الجباااااااااره



ودعتش الله

[البنت الجزله]

الاخوان والاخوات الاعزاء

شكراً لكم على تعاطفكم والرد على والله لا يهينكم وربي يسعدكم ولا تشوفون مكروه في من تعزون

ودي اذكر كل واحد منكم وارد عليه لوحده

ولاكن في هذه القصيده لتفاعلكم الانساني مع اختكم حبيت اشكركم كلكم في رد واحد واعجز عن الشكر لما لمسته من صداقة اخويه معي

ولا تزعلوووووووووون على

اختكم البنت الجزله

[راشد بن فلوه]

البنت الجزله


هذا القصيد اللي يسمونه قصيد ..... هذا القصيد اللي يليق بسامعه

صح لسانك قصيدك كله جزل القديم والجديد والحمد لله على سلامة الوالده وخطاها الشر

إنشاء الله ومحمد المجول راسه طيب وعلمه غانم وبيض الله وجهه تحياتي.

[القلب الطيب]

صح لسانش عز الله قصيدة(ن)كفو

والله يشفيها ويرفع عنها كل ألم

اخوك

القلب الطيب

[محمد العزام]

صح لساانش يا البنت اجزله و لا هنتي و الحمدالله على

سلامة والدتش و عساها بخير دوم انشالله

مشاعر صادقه من بنت بارَه بأمها الله لا يخليها منش و

و تلقينها عند ربش بذن الله

....تقبلي مروري