اقتباس:
|
المشاركة الأصلية كتبت بواسطة الــحـشـاشـــه
يا لـــبيه يا جموحــه
لبا عمرتس والله
يسلمووو اطياف المـاضي لحــسن اختيارتس
ياويلتس مني يا الجامحـه يا الله نبــدااا
لاعاد ماتوصل 
اســـتلمـي :
1/ ما سبب اختيارك للقب الذي تحملينه؟
مايحمله من معاني جميلة كالقوة والسمو والعلو وكره للخضوع ورغبة في الانطلاق وتحقيق الطموح
أنا الجــــامحه أنا الطامحه ,,, أنا النايفة وكلي شموخ وكبريـــــااا
2/ بيت شعر تتمنى لو انك قايـلته ؟
من اروع ماقيل .. بيت دائما حاضر بأذهان الناس .. ولا يقال الا ( في الشديد الأوي) وعندما يشعر الشخص بأنه لن يصل لقلب من يحب ابداً مهما طال الزمن .....
اللي يبينا عيت النفس تبغيه ............. واللي نبيه .. عيا البخت لا يجيبه!!
للرائعه بخوت المرّيـه رحمها الله ..
وقد فضلته على ابيات كثيره أخرى مميزة تنضح حب وغزل لأن كلام الحب لا ينتهي ولكن هذا البيت اوجد النهاية المحتومه
3/ما الذي يضحك الجامحه وما الذي يبكها؟؟
بشكل عام أي شخص دمه بالفعل خفيف جدا جدا.. يضحكني من كل قلبي حتى لو ماادخل معه بحوار .. كفايه اسمعه .. لكن اللي يبكي الجــــامحه اشيا كثييييييييييييره .. وانا غير سعيدة بالوضع الحالي .. مادريت ان الشخص كل مايكبر يصير حساس اكثر واكثر! << شفيها اللي عمرها 40 سنه  انا خبرت العكس!!.. أي كلمة تأثر بي وأي انتقاد حتى لو كان بناء وأي لفت انتباه وأي توجيه وأي موقف يبكيني وهذا شي سلبي جدا.. انا كنت أقوى ألف مرة في السابق بس والله من جد مدري وشاللي صار؟؟ ماأقدر امسك نفسي أبد وارجع اقول ان هذا شي غير جيد ابدا ولا يساعد على بناء شخصية قوية واثقة لكن بحاول اتغلب على النقطة السلبية هذي. بس تدرون؟؟؟ ما أقدر اشوف شخص كبير بالسن خصوصا اذا كان بروحه ... لو وين كان وحتى لو كان بصحة وعافية والله ماقدر .. مظاهر الكبر والضعف هذي تحطمني وغصب تنزل دموعي.
4/كيف تتصرف الجامحه عندما:
عندما تفرح
والله يعتمد على الموقف... احيانا ماأقدر انام! وأحيانا اسوي( هيصة) بالمكان اللي انا فيه يعني مافي شي محدد بس مظاهر الفرح معروفة عندي: صوت عالي وصراخ وهيييييييييييه و .. واااااااااااااااااااااو .. والللللللللله.. واتحرك بكل مكان!
وتحزن...
التقوقع والبكاء المـريـــــــــر
وتغضب
اووووووووووه هذا عاد فلم بس بعد يعتمد على الموقف نفسه .. اعصب طبعا وأصل لدرجة الغليان أحيانا! .. وفي بعض الأحيان أدخل في مناقشات حادة .. أو أكتفي بالتجاهل!
وعندما تحلم !؟
اطيح من السرير ..!!
5/اكره شيء بنسبه لك ؟؟ والعكس ؟
والله سؤالتس صعب ياحش حش << ويع شهالدلع ! أكره شي؟؟ ماأقدر أحدد بس في اشيا وايد اكرهها .. اكره الظلم والشخص الظالم، أكره الحسد والحقد والنفاق وحبايبنا اللي يظهرون غير مايبطنون! أكره شي ارجع البيت والقى الغدا سمك!  وأكره شي بالدنيا لما يجبرني أحد أسوي شي وانا ماااااااااابي .. خصوصا اذا الاوامر وصلت من الجهات العليا سواء الاهل والا احد ثاني ..واكره شي عندي اني اشوف احد يعامل شخص ثاني بدونية ويحقر منه فقط لكونه عامل مثلا او فقير .. وربي ودي اقضي عليه واكره شي ان أحد يقومني من النوم او ان المنبه يرن ( جعله الكسر) وانا ماشبعت نوم واكره شي اني اضطر ان اجامل احد ماحبه ووووووووو .. الكلام ماراح يخلص وحش حش بتعصب.
اما أحلى شي فهو ببساطه أن تنعم بحماية وحب ودلال والديك..
6/ايهما تفضلين الخيال الواسع ام ان تعيش الواقع بحذافيره ؟
خيالي لي لوحدي ,, وملكي انا ،، أقدر اعيش فيه وقت ما أبي وبالطريقة اللي ابيها. لكني انسانه واقعيه جدا جـــدا وهذا شي معروف عني وأحب أن أحيا الواقع بحذافيره كما قلتي حتى لو كان هذا الشيء يؤلمني لأنه أحسن ألف مره من أن احيا في أوهام وخيال وبعدين انصدم بالواقع المرير
7/هل لديك رياضة محببه .. وتحافظين على ممارستها؟؟!
لا والله .. انا مالي بالرياضة ابـــــد وسبق ان ذكرت هذا الشي .. كنت امارس لعبة التنس الأرضي في السابق ولكن توقفت بعدها،، أما رياضات ثانية لا يوجد .. عموما احس كل الرياضات خشنة والظاهر ان الموقف اللي تعرضت له بالمدرسة عقدني 
كان عندنا مقرر كرة سلة وأنا اكره اللعبة هذي لأن صدق خشنة ,, وكنت اتهرب الين اجبرتني المدرسة. المهم.. قطت علي وحده من البنات الكره . يااللـــــــــــــــــــــــــــــــــــــــــــــ ه .. حشى طبق طائر مو كرة .. انا شفتها جايه اختبصت .. أنا اصلا ماعرف امسكها .... وشلون عاد وهي طايره صوبي وهي طايره صوبي؟؟! ومع الارتباك ومن قوتها ضربت ايدي حيل وكسرت لي صبعي السبابه! وصارت سالفه ولفوا صبعي وجبس وحاله ومثل ما يقول عبدالحسين عبدالرضا: ( بغيت أدز صبعي لندن يعالجونه هههههههههههههه ) وصار ابوي ياخذني من المدرسة كل يوم ( توهق فيني) عشان علاج طبيعي ( حشى عمود فقري مو اصبع صغيرون!) بس لا والله كان هذا الكسر خطر على كف اليد كامل وكان بعدها بكم يوم الامتحانات .. وبما اني مااقدر امسك القلم ههههههههههههههه اضطريت اقدم الامتحانات بمكتب الاخصائيه الاجتماعية .. وللحين حاقدة على المدرسة الغبية
7/ مشكله او موقف مر عليتس في المنتدى .. وتتخذينها عبره لتس ؟
بفضل الله فأنا لا مشكلة لي مع أي شخص هنا في المنتدى
ولكن ردودي الصريحة وانتقاداتي ربما جعلت البعض يتخذ مني
موقف سلبي ، وإن كنت أفضل المواجهة عن الأحكام الغيابية!
8/منو العضوات اللي قريبين من قلبتس بدون مجامله ؟
اممممممممممممم اول شي
شيونتي حتاتي .. وانتي يالحشاشه .. والنـايـفه ..
امممممم بعد وش اقول ؟
خلااص كفيتي ووفيتي << اااااخ نغزه
اذا طرت علي اسئله رجعت عليتس
تــــقبلي تـــحياتـــي |
أتمنى أن لا أكون قد أطلت عليكِ وأن اكون قد
أجبت بما يرضيكِ ...
وأنتظر عودتك بكل سعادة << لاتصدقين
جميح
20-01-2007, 12:34 AM
العرض العادي
