الشيخ جديع بن قبلان الملحم العنزي وقصته مع رزيق القبيسي من القبيسه
والقبيسه عشيره متحضره ومن تجار الباديه وكان رزيق شاب وسيم وشاعر
وهو تاجر اقمشه فاباع اقمشه على جماعة جديع وكان بيعه دين وبعد ان حل الوفا
لدينه حضر وشاهده جديع وهو يتنقل بين البيوت ففكر جديع ان له مقصد ثاني
وجديع لايعلم انه قبيسي وانه تاجر اقمشه فارسل عليه من يحضره وعند ماحضر
الى مجلس الشيخ جديع ساله عن اسمه واخبره ان اسمه رزيق
فاوجه له جديع هذه الابيات
------------------------
يارزيق مالك صالح بالتواقيف***رجلك عن السجات قلل اخطاها
اقلط بديوانا به البن والكيف *** تطيب نفسك عن بلاوي غثاها
ندرا عليك من الرجال المزاهيف***جهال ماتصبر قريب مداها
يارزيق كانك ضيف لك حشمة الضيف***وان كان لك حاجه علينا قضاها
فاجابه رزيق موضحا مقصده
---------------------------------
ياجديع ليه صالح بالتواقيف****ديوني على العربان قرب وفاها
ياجديع مانمشي على العيب والحيف***وعن الردا رجلي بعيدا نحاها
ياما عنينا ثم عدنا مناكيف***ربعك غدت بحقوقنا من عياها
ولا انت شيخ للرفاقه تقل ريف***تعط الكحيله ماتدور نماها
وبعد ان سمع جديع قصته وفهم مقصده قال
------------------------------------------
يارزيق لك عندي معونه وتبريع***نعطيك جزل الحق من دون نقصان
انا كفيل الي عن الحق مايطيع***يديلك المطلوب لو كان زعلان
ومن لاعطاك الحق يحتاج تسنيع***ماترتحل من ربعنا غير رضيان
ناسم عصاك ولاتجيك الطماميع***والوسم عندك لرجاجيل نيشان
وان جاك عايل قل انا ضيف لجديع***ولي يطولك طايل ولد قبلان
هاك الجمل يارزيق من دون ترجيع***وجتك الكحيله قدلها قود برسان
وبعد ان عطاه الجمل والفرس قبل رزيق الجمل ورفض الكحيله وقالرزيق
------------------------------------------------------------------------
ياجديع مقبول الجمل منك ياجديع***اما الكحيله حارمه يابن قبلان
تنطح عليها لابسين المداريع****الى اختلط عج السبايا ودخان
لالحق فوق مكاظمات المصاريع***وصار المعابس بالقنا وبيض الزان
وتوايقن بيض العذارى مفاريع***يرجن طلب مفزاعكم يابن نبهان
ياجديع لك فوق الكحيله مفازيع***تفرح ضمير الي من الغلب طنيان
انا لزومي طلبت الربح بالبيع***وانتم طلبكم جيب زينات الالبان
وفعلا وسم عصاه الشيخ جديع دلاله على انه في حمايته وارغم ديايينه على
وجديع بن قبلان هو الصديق الصديق الحميم لشيخ البلقا نمر بن عدوان
27-09-2006, 04:01 AM
العرض الشجري