زاويـــة ( عــبـــدربـــه ) الـمــتــحـــده ..!

[عبدربه]

بسم الله الرحمن الرحيم


السلام عليكم ورحمة الله وبركاته

هنا ستكون



زاويـــة ( عــبـــدربـــه ) الـمــتــحـــده ..!



أرجو ان تحوز على رضاكم


الثلاثاء

20_6_1433

[عبدربه]

بعض العرب ريحه من عطور قزّاز
ودّك بـشـوفه لــو بلـمحه ســـراقــه


وبعض العرب ودّك تطقه بـمـعـكـاز
كــود يتفرمت مــخّــه من الحمـاقـه
.
.
.
.
عبدربه

[عبدربه]

حـن قلبي حـن مخلج في ولــدها
ضيّع الراعي الحوير وخلجت به


لـوع قلبي لوع من تصفق بيدها
بالولد وصدوف بقعا درهمت بـه


نــوح قلبي نــوح قمريّه وحدهـا
فوق غصن الرّاك والصوت سجعت به


مــن هنوفٍ لا قـبلـها ولا بعدها
وقلبنا بيض العذارى زرفلت به

.
.
.

عبدربه

[عبدربه]

هاضت قريحة عبدربه وغنّا
ويبدع على راس الطويله مثايل


باسباب غصن الموز يومه تثنّى
نسنس به الغربي وقام يتمايل


اقفت ضعونه وابعد التّرف عنّا
ويا عل داره صادقات المخايل
.
.
.
.

عبدربه

[عبدربه]

ياهيه ياللي غبت عنّي من ايام
من فرقتك والصدر مدهال للهم


لوها قلايل بس عندي بالاعوام
كنّي اسير الحرب ومذاوق السم


ما تدري ان حبّك على قلبنا هام
القلب مرسى ويتمخطر مع الدم


ما تدري ان الهجر للعاشق اعدام
وحبالنا قصرت من الماي بالجم
0
0
0
عبدربه

[عبدربه]

احدن خذاه القيم ومغازل السوق
واحدن بوضع الشّام واطفال غزّه



يغشيني الهاجوس مرّات وافوق
وبابور حلمي كل موجٍ يهزّه
0
0
0
0
عبدربه

[عبدربه]

اشتقت لك يا منوّر الكون نوره
يا منوّر(ن) قلبي ويا نور عيني


وغيرك بقلبي ما يختّم عبوره
ما كنّه الا معايد القريتيني


منساك كود الحفر قاصر شروره
والا فروخ الصين ترزف هجيني
-
-
-
-عبدربه

[عبدربه]

المعذره مقدر على نقش الصور وانا الغشيم
ولا لي بفن الزخرفه يا كود خط(ن) بالقلم


ولا بعرف الا النسخ والرقعه وحرف(ن) بالصميم
ما هو بواتساب وتوابعها وسلّم واستلم


أول مجالسنا لها هيبه وللهرجه نديم
لا سولف الشايب سمعنا واستفدنا من العلم
-----
----
---
--
-عبدربه

[عبدربه]

كل دعب(ن) من المطر بالسيل حوّل
وكل فيضه من عطا الرحمن فاضت








=====
أمطرنا بفضل الله ورحمته
جعلها الله سقيا رحمه وعم بنفعها المسلمين

[عبدربه]

ما يزعج الا ان صد من كان نغليه
نبغى الوصال ولا قدرنا وصاله


ما يدري ان القلب متولع(ن) فيه
لا والله الا كل مابي حلاله


متجوّد بحبل الوصل والرجا فيه
رجواة عود(ن) بالسعد في عياله
-
-
-
-
-عبدربه