! .. [[ سـجّـل دخـولـك لـ المنتدى بـ بيت شعـري ]] .. ! ( 5 )

[ريـمـيـه]

‏قل للعيون الساهره اخر الليل
‏نامي ترا كثر السهر ما يجيبه ،، 🎼

[الـعـابـر]

اسكت عساهم من سكاتي يسكتون
........ وانا عن اللي في ضميري / ما انتهيت !


وادور الفرحه مع اللي يسهرون
........ وان ذكروني .. ! خذت فنجال وسريت !

[ريـمـيـه]

‏ما نحب إلااا على وضح النقا ،
‏وما نعيف إلا وجيّه الجاحدين !

[الـعـابـر]

يا كثرهم كثراه .. ( صدقان الصحن ) !
و يا قلّهم .. والوقت ينفخ ( جمرتــه ) ,





لذا ؟ .. يعيض الرجل في بعض المحن :
عن أصدقاءه وشلّته .. ( فعل مرتـــه ) !

[ريـمـيـه]

‏عسى من هو نوى قربك ،
يموت الحظ ما طاعه ♡

[الـعـابـر]

قم غنّ لـ / جروح الزمان العطايـب
........... ولا عاد تسألني على كل من غـاب !


و إن عنّت الذكرى وهبّـت هبايـب ..
........... سكّر درايشها ترى ( الشوق غلاّب )

[ريـمـيـه]

كلنآ ،
بَ / دروبُ ( آلتعب )
؛ تآيهينُ
نآسَ تبوح . .
و نآس ( تكتم ) وجعهآ

[الـعـابـر]

جيتك أدور من ضما روحي وسط عينك غدير
............ جيتك وانا كلي فرح والحزن سايق موكبه !


ماجيت أدور حب عابر أو أدور شي مثير !
............ ولا جيت أدور دور في فلم المحبه ألعبــه ،

[ريـمـيـه]

‏بكره يمر احلى من اللي بكيناه ،
‏بكره تزين بعون الله وننسى ....

[الـعـابـر]

فكر بعقلك لا تغمض جفونك .. واخذ النصيحه جعل ربي يخليك

لاشفت ناس باللقا يمدحونك .. اعرف ترى هرج القفا ما يسليك

من يمدحك قدام عينك يخونك .. ومن يمدحك بقفاك بالقلب شاريك

احرص ع اللي ضاق صدره بدونك .. واترك صديق ٍ بالسعه دوم باغيك

بعض الصداقه للمصالح يبونك.. واليا اخذ المطلوب قل وش يبي فيك

عليك في ربع السعد ينفعونك .. لو واحد ٍ منهم عن الناس يغنيك

لاصحت ضايق كل ابوهم يا عونك .. ولا غبت عنهم ارسلو من يناديك

يرتاح لاشاف الفرح في عيونك ..ويضيق لا شاف الحزن في حكاويك

احدٍ على سر الصداقه يصونك... واحد ٍ على سد الصداقه حكى فيك

ربع الرخا لاضقت صعبه يجونك .. وربع الشدايد واحد بس يكفيك