ياغايبه

[ابو أريج]

ياغايبه عسى حياتك توافيق=ماعاد لي قلبن يحبك ويشتاق
دامك نسيتي صاحبك حزّة الضيق=أعاهدك في درب الأحزان ماانساق
ماهي غريبه تجحدين المواثيق=واتبدلين الوصل بصدود وافراق
طبع الغدر موجود بين المخاليق=اللي تتاجر بالمشاعر والاشواق
وانتي كسبتيها اثاره وتشويق=.وانا نزعتك من ضميري والاشواق
غلطه ومرّت دون حسبه وتدقيق=والله لأعدّلها بترتيب الأوراق
لكن انا لي قبل ما انساك تعليق=خليه في بالك اذا خاطرك ضاق
الحب مايبنى بكذبن وتلفيق=ومايجتمع قلبن نظيف وسرّاق
والبعد ماهزّ الرجال المطاليق=بدري عليك اتوقفيني على ساق

[بحوور]

ابو أريج


صـــــح كـــــلك مليــــــــوون

ولاهنـــــــــت ،،




أختــــــكـ

[ابو أريج]

صح الله بدنك الغاليه بحووووور.

[عـزام]

ابو اريج

قصيدة اكثر من رائعه

صح السانك


ودام ابداعك

[ابو أريج]

صح بدنك اخوي عزام...وشاكر لك مرورك.

[الملكه]

أبو أريج تسمحلي بالرد لوفي بيتين:


من عادة الخاين يبوق المواثيق..... ومن باع حبك ماعرف قط يشتاق

أفرح على فراقه غدت ساعة الضيق......الله يعوضك في حبيب(ن ) مابعد باق


وأعذرني جات بالصدفه ولكم تحياتي،،،،،

[ابوتركى]

--------------------------------------------------------------------------------



ياغايبـه عسـى حياتـك توافيـق
ماعاد لي قلبـن يحبـك ويشتـاق
دامك نسيتي صاحبك حزّة الضيـق
أعاهدك في درب الأحزان ماانساق
ماهي غريبـه تجحديـن المواثيـق
واتبدلين الوصل بصـدود وافـراق
طبع الغدر موجود بيـن المخاليـق
اللي تتاجر بالمشاعـر والاشـواق
وانتي كسبتيهـا اثـاره وتشويـق
.وانا نزعتك من ضميري والاشواق
غلطه ومرّت دون حسبـه وتدقيـق
والله لأعدّلهـا بترتـيـب الأوراق
لكن انا لي قبل ما انسـاك تعليـق
خليه في بالك اذا خاطـرك ضـاق
الحـب مايبنـى بكذبـن وتلفيـق
ومايجتمع قلبـن نظيـف وسـرّاق
والبعـد ماهـزّ الرجـال المطاليـق
بدري عليك اتوقفيني علـى سـاق



ابو اريج القصيده كلها على بعضها جزله وجميله

وقصيدة شاعر بمعنى الكلمه

صح السااانك عزيزى

[ابو أريج]

الملكه صح السانج على مجاراة القصيده...وشاكر لك مرورك يالغاليه.

[ابو أريج]

صح بدنك ابو تركي...وياهلا بك يالغالي.

[صقر العجمان]

ابو اريج


صح لسانك