الى متى ’’وكل المعاليق ’’يباس

[خــ فـي شـيء ـاطـري]

ما باقي الا شوي ويصيبني الياس
من طاري الفرقى و ذكرى غرامي
شاعر ولي مبداء ولي قلب حساس
واحرص على مبداي خوف الملامي
واحاول ارضي ذائقة كل الاجناس
ماودي بزله تجي في كلامي
واليا كتبت البيت اكتب على ساس
اجمل بيوت اللي تجي بإنتظامي
وياصاحبي خذها من الراس للراس
وصلت يم البير وعودت ضامي
ياليت عندك يالغلا ذرة احساس
وتلطف بحال اللي عشقك بهيامي
اللي عشق قربك مثل عشق الانفاس
واصبحت له اغلى طموح ومرامي
سولف وخل اللي يقولونه الناس
ولاتعطي كل كلمه تجيك اهتمامي
شف حبك اللي بالحشا ماله قياس
لابد تجبر خاطره بإحترامي
الى متى وكل المعاليق يباس
الى متى والجرح فالقلب دامي
الى متى في داخل البال هوجاس
الى متى والدمع فالخد حامي
لاباس ياقلبي طهوراً ولاباس
هذا الهواء ما يوم لانسان دامي
تحياتي