يام المواقف

[فهد آل مخلص]

بسم الله الرحمن الرحيم

كلام العقل يرجـح لاوزنـه العقـل بإلميـزان = وله ناس إليا مـن قلتهـا تعـرف بأساميهـا
يقول الشاعر المعروف من يـام اهـل نجـران = سلاطيـن هـل البيعـات غـلابـة معاديـهـا
سمعت البيت ذا بيـت يقولـه شاعـر بطـران = وجاريتـه مثـل ماقيـل والدنـيـا لواليـهـا
ابن حزمه شريـم يقـول قـول وافـي مليـان = وانا آجاريه حسب العـرف والجزلـه نبديهـا
يقول الشاعر المعروف من يـام اهـل نجـران = سلاطيـن هـل البيعـات غـلابـة معاديـهـا
اهل بيعه واهل وقفه واهل فزعه واهل عرفـان = واهل حلم عن المخطي ليـا صـارت بأياديهـا
محن نخطي ولانرضا الخطا وإن زاعنا الديـان = نوقف له على وضـح النقـاء ماحـن نغبيهـا
ولامن حن خلصنا ماحججنا تلتـوي بأرسـان = وترى عيلة قصير البيت لـو كبـرت نمضيهـا
وخوي الجنب بوجيه حماها الله مهـي عيبـان = مهـي بوجيـه قـوم حدهـا يطعـن ثناديهـا
وعلى منهج رسول الله نسير ونلعن الشيطـان = وكلمتنـا رسـول الله فـي اولهـا وتاليـهـا
وشيمتنا مهي ترضا لنا في الـزور والبهتـان = اهل صدق المواقـف والعـوادي ذي مباديهـا
قبيلة يام هم يـام المواقـف والزمـن برهـان = وحنـا يـام يـام الحلـم والوقفـه لأهاليهـا
ولامن حن تعلينا على عوص النضاء شجعـان = قطعنـا فـرجـة مـاكـل قـطـاع بياتيـهـا
وحنا نصرة الدين الدين الحنيف بماضية الأزمان = ولازلنا يكـون إللـي إبليـس العـود مغويهـا
وقفنـا وقفـة ماوقفوهـا التـرك والألـمـان = وسوينـا سوايـا ماحـد يـقـدر يسويـهـا
كسرنا جيش لايكسره لا الجنـي ولا الإنسـان = إيلين إن حاكم الديره نطق من اللـي يقاويهـا
نبركها على صم الصفى ثـم ترغـي الحيـران = وتعاطف ذودنـا لامـن طمرنـا فـي تواليهـا
عزاوينـا لمـا ثـار الغسـام تجـري الـذلان = وعسى اللي ماتثور تثور لي ثـارت براعيهـا
ويلين إلنا الحديد إللي لغيـر جدودنـا مـالان = ويضرب جمعنا جمـع العـدو إيليـن يفنيهـا
حكمنا اربع مية عام من الباحه إيليـن عمـان = ومن وادي الدواسر لي اليمن والـرب حاميهـا
ولايمشي بها غيـر المسيـر والعـدو إيهـان = ومن يطمـع يبـي خلفاتنـا جعلـه فداويهـا
ولازلنا على الحد السعـودي والوفـاء عنـوان = كما السور المثبـت دونهـا والـروس تفديهـا
وحنا يوم جانا صايـح مـن ربعنـا العجمـان = فضينا دولـة ابـن سعـود والتاريـخ يمليهـا
مشينا في شهر مـن دارنـا لاديـرة العـدوان = وصبحنـاش يالدرعيـه ونــادى مناديـهـا
الين استسلم ابن سعود واهدى واذكر الرحمـن = وعاهدنا علـى وضـح النقـا ماحـن نلويهـا
وكلاّ يفتخـر فـي لابتـه والكـل قـوم شـان = وحنا إللي الدول تشكـي إليـا قمنـا نصاليهـا
من اخطا نخزمه ونحط من فوق الخزام إعنـان = ونجـره جـر ليـن إنثبـت الحجـه بأذانيهـا
ويعود عن هقاويه ضعيـف خـاوي خسـران = وحن رقصة طبول الحرب مـن بعـده نغنيهـا
رقصناها بعد ياتـي وعدناهـا بعـد الأكـوان = لحيث إن جمعنا يخلف جموعه عـن هقاويهـا
وبعد الإسلام جاء لي حن على منهجك ياالإيمان = نحـج البيـت ونزكـي ونعطيهـا معانيـهـا
تقول إسلومنا سنـه ومعظمهـا مـن القـرآن = لأن الله خلقنـا الأمـه إللـي يقتـدى فيـهـا
نعم دام ابن ابي طالب علي قد قال في همـدان = الا يـارب تحفظهـا وسـدد فـي خطاويـهـا
وهـذا والتحيـه والسـلام إعـداد ماالهـتـان = سمر ليله يعل ارض نـوى الرحمـن يحييهـا