القلب بارق شوق & الغيم هتان

[مـ ع ـذور أح ـبك]

نهلت من صافي محبته تحنان = اغرقت ودي في محاني شعوره!!
واللي جعله اعز واحب انسان = ان العقل يفقد مع الشوق طوره

[مـ ع ـذور أح ـبك]

لاتعذب المشتاق يكفيه مافيه = لاتزيد بعتابك عليه وتلومه
ماتدري انك كل من كان يعنيه = مناه شوفك..هذي اغلى حلومه

[مـ ع ـذور أح ـبك]

هالتـنـي اثــار التـعـب فـــي مـحـيـاه = من بعد ماأقفى وخـلا مكانـي!!
معقول خفاقه من الشوق اعياه = اكـيـد لا !! مــادام صـــد وجـفـانـي

[مـ ع ـذور أح ـبك]

من يوم هملت الخفوق وتركته = وانا تركت الروح من دون والي
خليت لي لحن الضياع وحفظته = تركت لك كلي وسلّيت حالي

[مـ ع ـذور أح ـبك]

يكتب بعكس احساسه اللي وصلني = يقول لي حياك ويصد وشلون!!
مايدري ان اللي بلاني ونكبني = خلا الحياه بدون لا طعم لا لون

[مـ ع ـذور أح ـبك]

حاولت اخلي لك بقاياي واروح = ماهو عشان البعد لجل احترامك
مابيك تتضايق على كثر الجروح = ومابي ادور فرصة لاغتنامك
عودت قلبي ياحبيبي على البوح = وازريت اخبي طبع حرفي امامك

[مـ ع ـذور أح ـبك]

بهز كتف الشوق لاعاد يطريه = دامه جهل معنى الموده وباعه
ماعاد ينفعه العتب والمشاريه = ماهوب حب اللي يحسه .. قلاعه!!

[مـ ع ـذور أح ـبك]

لبيه يالمرسال واللي معنيه = ولبيه ياخطه وجودة حروفه
ولبيه ياقلب المعنّى وطاريه = ولبيه ياشوقٍ عجز لا يحوفه

[مـ ع ـذور أح ـبك]

ليتك تمسكت بوصالي عشاني = ماكان شفت الحبل ياصاح مقطوع
مدري وش اللي في غيابك بلاني = بس ادري ان القلب بالحيل موجوع

[مـ ع ـذور أح ـبك]

للحين صوتك بين سمعي وبينـي = ماغبت دام القلب ياصاح يوحيه
صوتٍ ترد اصداه الاشواق فيني = من بعد ماهو ذابح القلب محييه