الشيخه شيخه كانت هنا....

[الشيخه شيخه]

عادي تروح وعادي أروح وأنساكـ
دام الفراق بخاطرك خاطري طاب
يمكن يكون الخير في يوم فرقاكـ
والله جعل للبعد حالات وأسباب
مبداي ثابت وإنت غيرت مبداكـ
ولا يتفق بالناس صادق وكذاب
والله عقب اللي حصل ما أترجاكـ
من يامنك غير الذي يامن الداب
كرامتي تسوى حياتك وتسواكـ
الحب مهو حرب غالب وغلاب
خلك على ما ترغبه في نواياكـ
الشمس غابت وأنقفل دونك الباب
الــعــز ولا كــل يــوم وبـلـواكـ
والستر فوق وفوق من لوم وحساب

[الشيخه شيخه]

اضحك وفلّ حجاجك اشفيك محزون
دنياك ماتسوى وخذها نصيحه..
,,,
مادام مالك ميت ولا انت مديون
ارم الهموم وخل نفسك مريحه..
,,,
لو كانوا اصحابك يضاهون مليون
نق الكفو منهم وخل السطيحه..
,,,
ولا تشتكي للناس لوكنت مطعون
والذم من بعض الخلايق مديحه..
,,,
ولا تنحني للهم وتعيش مغبون
ترا المريح اهل العقول الصحيحه..
,,,
لاصرت صادق قالوا الناس مجنون
مايمدحون الا النفوس القبيحه..
,,,
وخلك صمود بوجه الايام دندون
وما حرم الله اثم لا تستبيحه..
,,,
والكبر لو به فايده فاد فرعون
ومن ذاع سرّه بشّره بالفضيحه..
,,,
والله لو يعطون لك مال قارون
ماشفت نفسك بالغنى مستريحه..
,,,

[الشيخه شيخه]

الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا

ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا

من يوم حبك .. غزى القلـب وتملكنـي
قطعـت كـل العـلاقـات وطواريـهـا

اقـرى رسايلـك ودموعـي تسابقـنـي
وارد ! واقرى الرسايل .. واحتفظ فيهـا

انت آخر انسـان هاقـي منـه يصدمنـي.
والظاهـر ان هقوتـي بانـت مواريـهـا

لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا

ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا

من كثر ماكنـت ! جارحنـي وظالمنـي
قمت اعزل جروحـك بقلبـي واسميهـا

تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا

تدري متاك ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا

بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟

مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا

اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبني ؟
لــن الهـدايـا عـلـى مقدار مهديـهـا

صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا

ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا

فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا

مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا

اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا

نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا

تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا

مـن يـوم ماغبـت ! والوحـده تعذبنـي
اقرى ( رسايلك ) في حرقـه والاحيهـا

اشوف ( صورتك ) .. ودموعي تسابقني
وياكثـر ماجيـت أبمسحهـا ؟ وأخليهـا

[الشيخه شيخه]

✿(• فقدتكم حييييييييييل •)✿

[الشيخه شيخه]

ڪًـآن الِـرجُـآ فِـيً شٍـوفـتِـڪ يـوْم فـْرِقـآڪُ ,, الـلًـه يَـجـٍيـبُ مٌـوآدِعـًڪ لَجلٍ اشًـوفٍـڪْ

>>>>

[الشيخه شيخه]

يــا وجـــد حالي كـل ما هبت علـي مــن الشمال
في ليلتن من بردها نـــار الولــه شبيتها

والحيـــن ياليــل الهـــوى مدام انـــا جالي مجال
والحان فكــري لجل عيـن الفاتنـه جريتها

كل ما تمـــر طيوفهـــا يطري على بالي سـؤال
وشلون جــات بدنيتي أو كيـف انا حبيتها

ان جيت ابوصف حسنها واغوص في بحر الخصال
يتــوه فكــري والقصيــد واتــوه ما وفيتها

حبيبتـي كــوكــب حـــلا يحوي تفاصيــل الجمـــال
وصفـن يليـق بحسنها وانــا كــذا سميتها

أزكــى من ازهار العبيــر واعذب من الــمي الزلال
وكل الــورود اللي انــا في دنيتـي شميتها

ورده جميـــله فاتنــه تعــدت آفـــــاق الخيـــــال
زرعتها فـي داخــل عروقي وقلبـي بيتــها

منبـع حــلا منبـع غنــج منبـع غــلا منبــع دلال
عن شــر حســاد البشر في خافقـي خبيتها

حبيبتي ضي القمــر لو تطلب الصعـــب المحال
مـن وســط شريان المـوده والغــلا لبيتها

اللي سبت روحــي سبي بالزين ما فيها جــدال
قولو لها ياهل الهوى تعطف وترحم ميتها

قــولو لها مجنونهــا مــا فيه للصبــر احتمــال
أخـاف امـوت من الوله وما بعــد ضميتها

قــولو كتبها مــن عقــل ولا كتبها مــن هبــال
بس المهم واللـي اهـم بمـوت مــا خليتها

صارت ثوانـي بعــدها في عيــن عاشقها ليال
يا شين لحظـات الفراق الله يخــرب بيتها

[الشيخه شيخه]

╝أخيراً جيت يا شاطر رجعت مخـاوي الونـات╚
╝خضعت و دمعك الثاير على الوجنـه ينادينـي╚

╝عرفت الحين مقداري دريت إني على النيـات╚
╝و لكن ما مضى ماضي و أنا الحاضـر عناوينـي╚

╝نسيت يومك تبكيني نسيت كلمة عديـم الـذات╚
╝نسيت يومي أغصّ باسمك و على الغصّه تهنيني╚

╝خساره طحت من عيني غدت ميزتك لي سيات╚
╝شطبتك من كشوف الحب و دمعي لك يواسيني╚

╝صحيح القلب من هجرك كساه الهم و اللوعـات╚
╝و لكن عزتي ترفضك مهمـا تصافحـك عينـي╚

╝نسيتك قالها قلب(ن) يعاني لحضـة السكـرات╚
╝و على نعش الهوى كلمة نسيتك مـن شرايينـي╚

╝خلاص مرحومي شيعته بصمتي و اندفن بسكات╚
╝و تقبلت التعـازي و أنـت و لا فكـرت تعزينـي╚

╝و جايني اليوم متأسف عقب ما تاهت الخطـوات╚
╝عقب ما ذابت عروقي و ليـل اليـاس طاوينـي╚

╝عقب كسرت خواطرنا تبي نرجع محال هيهات╚
╝أنا راضي أخاوي الموت و لا مثلـك يخاوينـي╚

[الشيخه شيخه]

قـبـل لانتفـاهـم أبــي مـنـك تـرمــي عـقـالـك..
تــرى لا أنــت وجــه للرجـولـه ولا انــت قـدهـا ..

وعيـنـك هــذي تنزلـهـا لاوقـفـت انــا قبـالـك..
ولاتقاطـع فــي كـلامـي والــزم الفـاظـك حـدهـا..

لاتساهـل فـي كلامـي واحفظـه وخلـه فــي بـالـك..
أنـا بنـت ورثــت الـعـزه مــن أبـوهـا لجـدهـا ..

مايهزهـا مجـرد وجـودك كبرياهـا مايكسـره امثـالـك..
والكـرامـه قـبـل تعـرفـك راضعـتـه بـم(ه)دهــا ..

غلطان ان كنـت تحسبنـي شـيء تبعـك ومـن حلالـك..
أنـا أكبـر مـن طموحـك وشـف يـدك لابغيـت تمدهـا ..

اللـي مثلـك شخـص ( خايـن ) يستحـي منـك ظلالـك..
اللي مثلـك مامشـى درب الرجولـه وماوصـل لمجدهـا ..

عزتـي عيـت تنـازل لجـل اعاتـبـك عـلـى فعـالـك..
خلنا مـن "قصـة خيانـه" وقلـي كرامتـك وش عندهـا؟..

وين الرجوله اللـي تقول؟!كيـف ترضـى يكـون حالـك؟..
ويـن عقلـك طـار لـه؟ يـوم تلحـق مرهـا وشهدهـا ..

لـو سِألـت عـن المهانـه قلت:تجسـد مــن خـلالـك..
يـوم ترمـي بالرجولـه وتركـض وتمـسـك يـدهـا!! ..

ان كنت تسأل عن شعوري أبشـر بجـاوب عـن سؤالـك..
تدري! فرحت! لأني عرفـت محبتـك قبـل يطـول بعدهـا ..

أدري انـي فـي يـومٍ قلت:أنـي عشقـت حتـى خيالـك..
وأنك قـد كنـت بحياتـي شمسها"وظلها"وشوكها"ووردهـا ..

لكـن دموعـي أنـا علـى كــل لحظـاتـي بوصـالـك..
يوم تخدعني بحبك وتنقـل كلامـك اللـي تقولـه عندهـا لكن..

مضـى كـل هالزمـن ومانـي فيـه أصغـر عيالـك..
أنا أداعب هالنجوم واسأل الشمس عني يامى لثمت بخدهـا ..

واللحيـن بشوفـك وانـت تقفـي ساحـب عـز متهالـك..
ولم أعذارك معـك يشرفنـي انـي بكـل بساطـه أصدهـا ..

مستحيل أقبل عـذر أنـا أعلنـت عـن حياتـي إعتزالـك..
والهـدايـا الـلـي وصلتـنـي عفـواً..أنـا بـردهــا

لحظـه قبـل تقفـي لاتنسـى تنحنـي وتاخـذ عقـالـك
واحترف طقوس المذله.اركض ألحقها شفها تمشي لوحدهـــا

[الشيخه شيخه]

ناديت وأنفاسي بها صدق وأحساس ... وكتبت شعري صادق الشوق كّله
دام المحبه مآ لهآ عندي قياس .... قلبي مكآنك وأنت جالس محلّه
آهـ من حبّك مثل صبّة الكآس ... تنصب في قلبي بفنجآل دلّه
على فرآش القلب تآخذ لك نعاس ... وتشفي بها روحي من أيآت علّه
لا والله الا داخل القلب نبراس ... نورت قلبي يابعد كل من له
يامتعب الخطوات في سرع الانفاس ... أرفق بحالي قبل دمعك تهلّه
الشوق دمّرني وأنآ دوم منحاس ... أبيك تقرب وأنت ظرفك تدلّه
لا ياحياتي يابعد كل هالناس ... مسامحك من قلب مآخآن خلّه
حبّي لها محروس في خمس حرّآس ... شوق ووله وأسلوب مأحدن يملّه
راضي بها وثنين باقي وجلاّس ... حبّ ومعزّه سآكنه وسط فلّه
بعيش معك وحالتي مابها ياس ... يكفي عيونك لو تناظر بطلّه
يامسكني ياتاج حبّي على الراس ... قله ياقلبي وش مكانتك قلّه
يدري بها قلبي ولاني على أفلآس ... رآبح بهآ حبّي ولافيه زلّه
حنيت وأبآ أحطهآ بين الاقوآس ... مشتاق لك وأنت الهوى مستحلّه
باين عليك أن الخجل فيك من ساس ... مال الخجل عطني من القلب يالله
هذآ فوأدي لك والارياق يبّاس ... ريقي يبس وأنت بحنانك تبله
أنت الهوى وأنت الغلا وأنت الالبآس ... ثوب الغلا والصدق رمشك يظلّه
مال الهوى عندي أكآذيب وأدناس ... صدق المشآعر في حياتي وأدله
أنآ معي بالشعر عشرين هوجآس ... أكتب بكيفي شعر والسيف أسلّه
هذآ شعوري فوق شاشه وقرطآس ... ميساوي اللي في حياتي مآأمله
رديت وأنفاسي بها صدق وأحسآس ... وكتبت شعري صآدق الشوق كلّه

[الشيخه شيخه]

خيانه شفتها بعينى وطاح من القهر رجـال
عليك الله وامان الله على هالجـرح وش [ جالــك ]
نسيت اني على شانك حقـرت الكـون والـعذال
ونزعت القلب وقدمته تحت رجليــك [ ذا فـالــك ]
تعبــت الملـم الحسـره .. واسافـر والعنـآ تـرحــال
وراجـع والمسـافــه جــــــرح ينـزف دم ويغـتـالــك
ياقلبــي اسف تكـفــى .. ترفـع عن ذي الاشكــال
ياقلبـي وش بـلاك تمـوت لشـي ماتهيـالــك
كفايـه انتهت لعبـه تشابـه لـعبـة الانــذال
ضحيتهــا انــا وقلبـي بطولــة غـدر انـذالـك
تجـرح فينـي وتضحـك على ان جرحـك استهبـال
حرام بالله لجـرح فيك واخليك تلعن هبـالــك
تجـاهلـت انى حطيتك على راسـي وكنت عقـال
وحـاولت ابنـى من الاوهـام اعظـم حلـم [ متهـالــك ]
مصيرك راجعـه مهما قصربك هالغيـاب او طــال
تـردى حانيـه راسـك وجسمك من التعب هــالــك
ولكــن للاســف بعــدك انـآ بطـلـت [ لعـب اطـفــال ]
حـرام بيوم اصيـر ~ الاب ~ واطفالـي هم اطفـالــك