|•♥•| يا أحلامنا خفي شوي // أخاف نعاف واقعنا |•♥•|

[تـذكـار]

عفا الله عن خطايا قلوبنا والجرح والتقصير
وعفا الله عنك يادنيا زرعتي الهم بحروفي



محد يدري عقب عينه من اللي يذكره بالخير
ولاني من الخطا معذور لو خانتني ظروفي



انا ماقدر اكون الا انا وان جاز لي التعبير
بـاأكون اوفى لكل ذكرى رماها الحظ بدروبي

..

[تـذكـار]

الله يرجها / رجت راسي

..

[تـذكـار]

لا تغمس ذاتك في قلوب الآخرين

فَ/ لربَّما كانت ( قلوبهم ) ملأى ، تفيضُ بِ ( غيرك ) ... / وتزداد !

لذا : ... "تطفو بك" . !

..

[تـذكـار]

رباه..

لاتزرع في دربي إلا من هم على شاكلتي..
يؤمنون أنّ الصداقه مادامت لوجه الله..
(ف البركه تحفّها ذات اليمين وذات الشمال)

..

[تـذكـار]

باكـ

كرهت ركني والكتابه فيه لاني جعلت من الكتابه فيه متنفس لأوقات الضيق فقط

فبما اني عدت اليه فأعلموا ان النفسيه مدحدرهـ للغايه

..

[تـذكـار]

البآرحه بيت التع ـآسسٍه دق في صدري | وتد !
وتبدّلت ضحكآت سنّي بـ إنعقآد / الحآجبين ~ !

مآكنت أحسب إن الفرَح في يوم , ينقض بـ العهد !
أثر الليآإلي طبعهآ - خآين - وأنا مآني فطين ~ !

البآرحه :
ليلة غثىآ
ليلة كدر
ليلة نكد !
تجمعوا في ليلةٍ وحده | عسسسىآ ربي يعين ~ !

..

[تـذكـار]

برب صلاه + نوم

..

[تـذكـار]

صباحكم راحة بال ابشركم النفسيه تعدلت ولله الحمد

سمعت سالفه قبل شوي وانا جالسه مع الفاملي الكرام مت عليها ضحك

هذا الله يسلمكم الوالد وواحد من عماني واخواني طالعين امس عند ابلهم ومارجعوا الا الليله

وكان طالع معهم واحد من اخويا عمي شمري يقاله ابو مشل مانسيت العاء اسمه كذا مشل

حتى يوم عمي يقول السالفه قلت شكل جايته جلطه وماحد انتبه عليه على بالي مشعل بس ماينطق العين << شطحت نرجع للسالفه

ذبحوا ذبيحه وقالوا نبي نشوي نص ونص بنقطعه ونسويه قصدير المهم قام ابو مشل والتفت على واحد من اخواني قال رح للمحطه وهات من البقاله قصدير واروج

اروج = عند شمر يعني اسرع

الولد راح البقاله وشرى القصدير وتوهق باالاروج مالقاه قام راح يدور ببقاله ثانيه وتأخر عليهم دق عليه عمي يستعجله قال انا مالقيت اروج اجي واخليه

عمي فصل عليه ضحك قال اروج يعني اسرع الهمام

يوم رجع قام يعلمهم كل مادخل بقاله قام يسأل؟

محمد فيه اروج

الهندي : اروج مافيه

صديق فيه اروج

اروج مافيه

هههههههههههـ

وسلامتكم

بكره دوام يااهل الكنق دوم يمدحون تسجيل الخروج بااروج اسجله

..

[تـذكـار]

على البال.. كل التفاصيل..

على البال وأحلى التفاصيل..

والحل والترحال .. والنار والهيل

والقمره اللي نورت ليل.. ورى ليل

والنظره المكسوره..

والبسمه المقهوره..

والخطوه المغروره..

واحلى المواويل..

دايم على البال

[تـذكـار]

ياالله من جد اشتقت ياالعجمان

ظروف الدراسه والشغل والمسؤوليات اللي اكبر مني ماخذه كل وقتي

بس اشيك على ايميلي من وقت لـ / وقت

احس اني شوي واتقطع من الكرف جامعه وبيوم الـ off اداوم بالمدرسه

اليوم عندي مدرسه ولا ماسكه ادراة قسم بعد امحق مديره بس القسم على قدي تمهيدي واليوم اللي اداوم فيه يجيني تشنج في اعصاب اليد من كثر مااوقع مسائلات وصادر ووارد وتعاميم وسجلات ودفاتر تحضير وانواع التسليك اقول للمعلمات ترا ماعندكم احد << البرستيج يتمرغ في التراب

الاسبوع اللي فات داومت الساعه 9 كاشخه المديره شوي جاتني وحده من الاداريات معها ورقه تنبيه خطي من ادارة المدارس (( عمتي )) بس مافيه ياعمه ارحميني واليوم بيجيني الثاني الظاهر

ماعاد عندي وقت ابد والنهار مافيه نهار والليل ودك تتسدح فيه حتى لو انك شبعان نوم

ابوي مبسوط على وضعي يقول اكره مالي الفراغ مااحب الولد يتفرغ ولا البنت .
الفراغ يخلي الواحد يدشر قلت مو على كل حال اللي بيدشر بيدشر لو انه يشتغل خدامه عند خالتي موضي << جعل مانيب خدامه عندها هههـ

شكلي بـ/ اواصل ماعاد يمديني اخذ غفوه دقيقه بدور لكم شي