( .. ما لـ حزني دليل .. )

[ناصـر محمد المجروب]

السلام عليكم ورحمة الله وبركاته ..

نص متواضع اتمنى ان يصل الى ذائقتكم ..


.
.
.
.

الهوى هب ,, وجروحي تزيد العناد
والمقادير في دربي تحط وتشيل

كـل قـصـة غـرام برحلـتي للبعـاد
تنتهي بي على درب الفراق الطويل

لين بعت المحبه .. واشتريت الرقاد
يمكن ارتاح من دم الفراق الثقيل

أبتسم للمشاعر في ثياب الحداد
ما أبي أكسر عزوم الشعور الجميل

ليه أبكي على نار ٍ تورّث رماد
دام دمعي بعيني ما لـ حزني دليل

والهوى في عيون الناس فيّ وبراد
والجفا له عزوم ٍ توصل المستحيل

صاحبي ما ألومك لاجفيت البلاد
أدري إنك كريم وبالمشاعر بخيل

إن تباطيت نورك صار نورك سواد
وان عشقت المدينه صرت عابر سبيل

ياكثر ما عطيتك من شعور ووداد
وانت تعطي جروح وما لجرحك مثيل

ما أبي من جروحك غير وقفة حياد
تنصف الحب وتدّور لقلبي بديل

من كثر ما شكيت من الجفا والبعاد
ودي أقضي حياتي دون حب وخليل



تقديري