رد على العضو الجربا ؟؟

[~ قـلـب الـذيـــب ~]

السلام عليكم ورحمه الله وبركاته

أنا بس حبيت أرد على العضو الجربا

يوم يقول كيف قبيله ماتكرم ضيفها

وشخص لايمثل قبيله أنما رداه منه وفيه

علمآ : انه بالقصيده لم يذم الشاعر معزبه

وهذا الشعر المتعارف فيه عندنا..

وخلوكم حيادين ولاتفتحون موضوع وتقفلونه

دام فتحت موضوع خل صدرك رحب وتقبل النقاااااش

والشكوى لله بعد فرسان الميادين ظهرت ( خياله الأنتر نت )

وعزالله إن حرب قول وفعل شلفاء ذيابه لاهانو مابهم من يجامل وشهادتي بهم مجروحه

المهم ابذكر للجربا وهو أبخص بهالقصيده ويعرفها مهو بغادي عنها.....

الضيف ما له غير راي المعازيب )..هذا البيت نسمعه كثيراً

وهذه مناسبته/ برواية الأخ (( فياض بن محمد بن فالح السرعان ابو شامه البلوي ))الذي ذكر والده في احد أبيات القصيده


حمود موسى اللوط الوابصي البلوي قدم هو وأحد ابناء عمومته من بلي

وهو ابن مقبل , حلواضيوفاً على أحد الأشخاص..

واثناء قدوم حمود موسى اللوط الوابصي ورفيقه ابن مقبل الوابصي سألهم

المعزب من أنتم قالوا

من بلي فقال كلمة لم تعجب الضيوف ..؟؟؟!! فجاء ابن المعزب يريد أن يفرش الفراش

لهم ولكن عند سماعهم لهذه الكلمة من المعزب لم يجلسوا عنده فواصلوا

مسيرهم الى أن وصلوا الى(( الشوامى من بلي ))والذي كل واحد منهم

عند قدومهم اليهم يقول( الضيوف عندي)

ليقوم بواجبهم. ثم ضيـــّفهم (محمد بن فالح بن سرعان ابو شامه البلوي)

والذي اكرمهم واحسن إستقبالهم بالترحاب وواجب الضيوف.

فقال الشاعر/حمود موسى اللوط هذه القصيده بهذه المناسبة









قال الفقيـر أمشـوا وحنـا مشينـا
والضيف ماله غير راي المعازيـب

متخاسـر ٍ فلـة فراشـه عليـنـا
ماكن اخو نعمى لفى لـه مراكيـب

من حيث جينا أطلق لسانـه علينـا
ومن هاوش ضيوفه تراه اكبر العيب

ماهو ردى فيهم..ردى الحـظ فينـا
والحظ أظنه ياجع العصر ويطيـب

ومن عقبهم عنـد الشوامـى لفينـا
على هل الحيزا شوامـى مواهيـب

تغالطـوا بضيوفهـم حيـن جينـا
كبار الربـاع مكثريـن المواجيـب

محمـد السرعـان عـيـا عليـنـا
ياشوق من هي حطت الكحل والطيب

خـلا فحافيـح الشحـم فـي يدينـا
خلى شحوم الضان عندي صواليـب

أنـا وإبـن مقبـل عليهـا وتيـنـا
مثل الصقـور معاقبـات المخاليـب

ومن يـوم أخذنـا شفنـا وإنتهينـا
تقول عد ٍ صـدرن شمـخ النيـب



وسلامتكم

[الفراتي]

ونعم بـ بلي يالذئب ..

لاهنت على المشاركه

[~ قـلـب الـذيـــب ~]

الفراتي ماعليك زود ياكحيلان

يالله حيوه

ويكفيني طلتك

الله يبقيك لعين ترجيك

[فاهد فهد]

اخوي قلب الذيب والله وسبعة انعام بك وبربعك يالاصيل ..


اشهد بالله انك قلب الذيب صحيح على هالمشاركه الجزله من رجل جزل ...


انا اكتب مشاركتي هذي على عجاله عسى ماياتي من وقت يسعفني ان اعود اليها متانيا فارغا من الاشغال .. لاوفيها حقها ومستحقها من الاطلاع ...





تقبل خالص التحيه ووافر الاحترام على هذا النبل العظيم الذي تتسم به ..

[~ قـلـب الـذيـــب ~]

فاهد فهد

أخوووي ماعليك زوود

ولاعدمتك

أنا ماأقووول تسلم يمينك

أقوووول يسلم راس الحر اللي رباك وانت تقووووول

انك مستعجل وراح ترجع

أخووووي أنت كبد الطيب آرويته

أجل وشلووون لو انك على مهل بتأخذ الطيب كله

يكفيني طلتك الاصيله