ارجو الدخول باسرع وقت والرد اذا كان هالكلام صحيح ولا لا

[عزوة العجمان]

المصدر من احد مواقع مطير

للهوامل ذكر كثير في الغزوات التي تكون عليهم او يشاركون ابنا عمومتهم ( واصل )
من ايامهم
1ـ كون النخيل بينهم والعجمان مكانه حالياً شعيب النخيل الذي يبعد عن المجمعه 30 كم وقصته مشهور حالياً عند البدو والحضر اهل المجمعه وقتل من مشاهير العجمان الدامر مع 90 لحيه مافلت منهم احد الا واحد زبنه حميداني قصيراً للهوامل وهو الوحيد الذي شارك من غيرهم يقول ماضي بن هليل في رثاء جبر بن سميران الذي فعل الاعاجيب في الكون:
ابكي جبر خيال تالي المظاهير ** زبن الثبار اللي ردياً غذاها
الى ان قال :
فرساننا مايسندون المعاذير ** وهذي فعايل خيلنا في اقبلاها
2ـ طرد العميري لغزو عتيبه بعد ان ذبح خاله وابن عمه وهم عدد قليل
وفيها قصيده من ضمنها :
نطعن لعينا كل ملحاً خليه ** وسم الهوامل لايحاً في خدوودها
ترعى بالسيالات من فوق حزب ** ترعى باهلها وان اهلها سعودها
والقصيده حول 100 بيت
3ـ غزواتهم مع العجمان وهذي كثيره حتى انهم امسكوا فلاح بن حثلين
وربطوه مسكه فلاح الاشرم وحذفه من ظهر فرسه وساقه للعرب واكرموه وفكوه.
4ـ ذبحة الهوامل والدوشان بعد ان ذبح الدويش ( شعوان بن دمخ )
فقتل من الدوشان اثنين واحد ذبحوه الهوامل والثاني ذبحه الهزهز المحلسي ولكنه ادعى ان الهوامل هم اللي ذبحوه خوفاً من الدويش
وبعد الذبحه جلوا الى ابن لغيصم الشمري وساعدوه ضد عنزه في احد غزوات عنزه عليهم لكن بعد المعركه لم يذكرون شمر فعل الهوامل في ذلك اليوم فقال بجاد بن دمخ لجذيل ابن لغيصم ( اللي فعل اللي ماترحمت على موتاهم ولاذكرت حيهم يابن لغيصم )
فزعل ابن لغيصم وجلاهم فجلوا الى عتيبه 10 سنوات وهي نفس السنه اللي جلاا فيها الفغم الى العجمان.

[[ بلآ خطيه ]]

^^ وآلله يآخيك


مآودي آفتي لك ..


آنـإ مآعندي علم بذآ آلخبـــــــر ..


تقبل مروري ..

[ابن عاجب]

وانا كني ياك

[عزوة العجمان]

مشكورين

ع المرور بس ياريت اذا كانت عندكم اي معلومه

ما تبخلون علينا

[**عافكـ الخاطر**]

وانا كني اياكم وانشالله يجي واحد ولا وحده تعطين المعلومه الصحيحه

[ناصــ!!!ــر العجمي]

وانا كني اياكم وانشالله يجي واحد ولا وحده تعطينا المعلومه الصحيحه

[العويلي الخالدي]

الأخ العزيز عزوة العجمان ،، تقبل تحياتي اخوي العزيز ،، اما بالنسبه الى كون النخيل كما ذكرت ،، سمعت من احد شيبان الحمادين الله يرحمه من فخذ ( الوسون ) ان جده زبّن عجمي من آل ضاعن اصابته شلفه في ساقه في هذا الكون ،، واليك تفاصيل هذا الكون

كون النخيل بين الهوامل ومعهم الفارس : دليل المهيبل الحميداني ضد العجمان وسالفته ان العجمان غزو ووصلوا حول حرمه ولقوا اثنين من مطير من الهوامل فقتلوهم غدرا فلما علموا الهوامل غزو على العجمان ويقال ان العجمان عددهم من 40 الى 50 رجلا وكانوا قاعدين بين النخل حول حرمه وصارت فيها ذبحة العجمان كلهم ويقولون انه نجا واحد دخل بوجه الحميداني فطلب الحميداني من الهوامل عدم قتله لأنه صار بوجهه وفعل الفارس دليل المهيبل الافاعيل بالعجمان وقتل لوحده منهم سبعة احدهم يقال له الحجرف من شيوخ العجمان وكانوا العجمان قد قتلوا اخو دليل المهيبل في معركة سابقة فأخذ قضاه سبعة رياجيل يقول الشاعر جبر بن سميران :

ماحلى ردهم في سهلة بيضاء @@ نشبع الذيب والعرجاء نعشيها
ياضبعة.... في لاهب القيضــــاء @@ عندك بالنخيل اللي يجزيــــها

ويقول الشاعر هايف بن نعيم يذكر الوقعة باحدى قصائده :

خمسين لحية بالبواريد نصنـــا @@ يوم اخلفوا سلم العرب والطبوعي
يوم ان بن حثلين جيشه ثقفنـا @@ خلوه رجحان الهوامل مزوعــــــي

وتقبل تحياتي اخي العزيز ،،،،،، واللي نقلته يبقى للتاريخ فقط

[مـحـسـن]

والله ماعندي اي معلومات على ذا الموضوع

[العقيلي305]

ماهي غريبة على الهوامل,, ولا تنقص من قدر العجمان



تقديري

[مغتـــــرب]

وين دليلك يالخالدي الظاهر انك تألف علينااا ذبحووو العجمااان كلهم




والله الدنيااا الشينه كلن يبي يذبح العجمااان وياخذهم