ياولـد عـمي نخيتك والقصيد أسنده يمك

[اخت اخيها]

ياولـد عـمي نخيتك والقصيد أسنده يمك
.. .. .. .. .. عدّها نخوة حميـــّا عدّها نخوة ميــانه

وأعرف إني لانخيتـــك فاض بالفزعات جمك
.. .. .. .. .. وأعرف إنك ماتقول الراي إلا في مكــانه

إحتميــني ياولد عــــمي إذا فعلاً أهمك
.. .. .. .. .. أوقف بوجه المواجـع والظـلايم والمهانه


بنت عـمك ياولد عـمي تـراهــا بنت عمك
.. .. .. .. .. تارد الموت الحمر ماهي عن الوقفه جبانه

دمي اللي في عروقي هو ترا من نفس دمك
.. .. .. .. .. دم نـشـمـيٍ إلامـن فـــار مـادور مـعانه

والـجـفـا لالـم خطـواته طلبتـك لا يلـمك
.. .. .. .. .. الجفا كافر وأنا وإنته على نفس الديانه

إنخـذلـت بـكـل مـن حـولي وخـذلاني يعمك
.. .. .. .. .. وإنطعـنت بكـل سكـينٍ نـوت طـعـني خيانه

طـعـنة الـــدنيا بجوفي عن ندايه لاتصمك
.. .. .. .. .. طعنـةٍ تثـعـل جــروحي ثم تمثناها لعانه

يـاولـد عمـي نخيتك بنت عمك بنـت عمك
.. .. .. .. .. عالم الخـذلان والنـكران مـاعـنده أمانه