°·¸.•°× مــشــاعـــري ×°·¸.•° - الصفحة 84

موكب · #1 20-03-2009, 04:23 AM

ـ
ـ

تكلمي ،، عن سالف الوقت واليوم
،،،،،،،،،،، وأخذي ،، وكل إللي بقربك عطيني ،

ودي أجي لك .. وأدمح الضيق وأقوم
،،،،،،،،،،، لكني خايف عقبها !! تجرحيني ،

ـ
ـ

موكب · #2 20-03-2009, 04:41 AM

،
،
،

لا تزعجك غيرة إختك لا تزيّنتي
وقولي لها ليه أعكّر نومة الحالم ؟؟

كانت ولا زالت تدوّر سبب ،، وأنتي
كنتي ولا زلتي ،، أحلى بنت فـ العالم

،
،
،

فلاح بن ملبز · #3 20-03-2009, 06:25 AM

صحيح ،، بعض السوالف مالها داعي
ياليت ،، من قال له كلمه يثمنها

تدري وش أسباب ضيقي وأغلب أوجاعي ؟؟
وجيه ماتستحي ،، وأنا أستحي منها !!

لله درك

بخوت بنت مايكل · #4 20-03-2009, 07:11 PM

اقتباس:

المشاركة الأصلية كتبت بواسطة فلاح بن ملبز

صحيح ،، بعض السوالف مالها داعي
ياليت ،، من قال له كلمه يثمنها

تدري وش أسباب ضيقي وأغلب أوجاعي ؟؟
وجيه ماتستحي ،، وأنا أستحي منها !!

لله درك

ايـــه والله وصح لساانك واللــــه << من كتاباتك صوح؟؟

و متــــــــأبع ــه لك

موكب · #5 21-03-2009, 07:09 AM

،
،

ما أقول من زبنك ،، يلقى حواليك فـٌي=أقول منو زبنك ،، أنا أشهد إنه زبن
تدري وش أكثر مثِل لا مٌر ،، تطري علي ؟؟=( الحي يحييك ،، والميت يزيدك غبن )

،
،

ريم الصيد · #6 21-03-2009, 08:30 PM

السلام عليكم ورحمة الله وبركاته

//

على البركة عودة مشاعري
ولو أنها متأخره

مازلت متابعة ياموكب

موكب · #7 23-03-2009, 04:15 AM

اخي الغالي فلاح بن ملبز

مرورك وتعقيبك يزيد هذا المكان شرف

دمت بخير

موكب · #8 23-03-2009, 04:16 AM

اختي العزيزه بخوت بنت مايكل

مرورك وتعقيبك يشرفني كل الشرف

دمتي بخير

موكب · #9 23-03-2009, 04:18 AM

عليكم السلام ورحمة الله وبركاته ،،

اختي الغاليه ريم الصيد

الله يبارك فيك ويرحم والديك

واشكرك جزيل الشكر على مرورك العذب

وتعقيبك الذي شرفني كل الشرف

دمتي بخير

موكب · #10 23-03-2009, 05:24 AM

،
،
،

وش يبعد الهم ياللي ناشد ٍ عنه !!
،،،،،،،،،،عز الله إني عجزت أنطقه بلساني

ياما تقهويت من هيله ومن بنٌه
،،،،،،،،،، لو قلتله ( بس ) ،، قال : إقدع ،، وقهواني

الرجل ،، قد المواقف يوم ياتنٌه
،،،،،،،،،، مير الرفيق إن تنكر ،، موقف ٍ ثاني !!

إللي تردى ،، يصير بناظري كنُه
،،،،،،،،،، ميت ٍ ،،، وهو حي ،، جعل الله لا يبلاني

،
،
،