°·¸.•°× مــشــاعـــري ×°·¸.•°

[موكب]

،

،

،




قالوا بدو ،، قلـت الصفـى والنقـاوه
يازين شوفتهم على الضو جـلاس

قالوا بدو ،، قلـت الكـرم والنخـاوه
وأفعالهم فى ذمتى ترفـع الـراس

قالـوا بـدو والبـر فيـه الشقـاوه
قلت الوناسه عندهم فوق الأطعاس

قالوا بدو ونشـوف فيهـم قسـاوه
قلت الخشونه يامعذرب لهم سـاس

إبن البداوه صلف ما بـه رخـاوه
إليا زهمته جاك ماهـوب يحتـاس

بينه وبين اللاش حـرب وعـداوه
وحلفه مع أهل الطيب واللاش ينداس

شف لك من البدوان واحد وخـاوه
حتى تفرق بيـن مطلـق وعبـاس

وإن كان ما صدقـت عالـج وداوه
قلبك مريض وفيه حقـد ٍ وسـواس

فى مجلس البـدوان تلقـا حفـاوه
وترحيبهم لضيوفهم مالـه إقيـاس

ويقدمون الطيب من عـود جـاوه
في سلمهم طيب ومعـزه ونومـاس

هذي فقط نبذه عن أهـل البـداوه
حبيت أوصلها ،، لأجل تاصل النـاس



،

،

،

[موكب]

.
.
.


من علّم البسمه ،، مثل ( حلمي ) تموت !!
وتترك وراها ( قلب شاعر ،، وطفله )!


يا طفلتي ،، والشعر ( سكره ،، وتابوت )
لازم قبـل لا آنـــــــام ،، منـْك أنتصف له


مو ذنبي ،، أطرافي تغنّي بلا صوت
إن ما أعترف لك بـ ( الحنين ) ،، أعترف له !!


دايم .. تطيح ( كروت ،، وكروت ،، وكروت )
وكرتك مثـــل ماهـــو ،، اليدين تحلف له


ما طحت من قلبٍ ،، زرع دونك ( التوت )
والورد ،، رغم إللي بـ ( دربك ) ،، وقف له


أتذكرك ،، وأطحن لك الـ ( آهـ ) ،، بسكوت
وأقلـّطك ،، مابين صحوه وغفله


أتذكـرك ،، وأعزف لك ( الدمع ) ،، بـ ( النوت )
وأنتي ماغيرك ،، ( نوت دمع ) ،، إنعزف له


أتذكرك ،، وآطيح ،، وآقوم ،، بـ ( سكوت )
أخاف يشعر بي ،، ( الملل ) ،، وأنجرف له


ذنبــي ،، ( أحبك مــوت ) يا طفلتي ،،، مــوت
وأنتـي ،، تـرى ذنبـك ،، بـ ( الإحساس ) ،، طفلـــــه ..!!


.
.
.

[موكب]

/

/

/


ماجيت أبسأل عن طعونك في حشاي / الموجعه /

ولا جيـت أبـسـأل عــن نهـايـة صــدك ،، وذاك الجـفـا



جيـت أشكـٌرك عـن كـل دمـعٍ محـرقٍ / ما تسمعـه /

وعن كل جـرحٍ لا سمـع حـرق المدامـع ،،، قـال (( أفـا ))


/

/

/

[موكب]

؛
؛
؛



دخيلك ،، لا تلفٌت ،، رٌح بفالك وإترك المرجـُوج

تغٌانـم ما بقالـك ،، وإلا أنـا ماعـاد يمديٌنـي



فمان الله ،، سِق ركبك على درب السنين العٌوج

لكن طالبـك ،،، لا أقفيٌـت عنـي (( لا تخلينـٌي ))



؛
؛
؛[/align]

[موكب]

,

,

,

لا تقول فــ [ رميتك ] ماكنت رامي !!=أشهد إنك ،، راميٍ أحسن صنيعه !!

من عشقتك ،، وأنت في جرحي عصامي =ومن عرفتك ،، وأنت لك [ ذمّه وسيعه ] !!

,

,

,

[موكب]

/

/



( علاقة النت ) للعشاق ،، وهميـّه
غموض وأوهام مانقدر ،، نفسرها


حاول تعيش الحياه .. بكل عفويـّه
بلاش ،، من دبرة ٍ منته مدبرها


تحبها حب ،،، وأشواقـك جنونيّـه
والإخت ،،، حاذفتك أصلآ من مسنجرها !!!





/

/

[موكب]

•°ღ°••°ღ°• •°ღ°••°ღ°•





ياحبيبي .. هـ التعب , إن هزَّنا ؟؟
بلّغ { أسراب الغلا } ...... لا يجزعون


الفراق .. الضيق , الحظ .. العَنا ,
- الجروح إللي تجي بليّا ( طعون ! )


.. الظروف , الموت , الحزن , الهَنا ..
الدموع .. الصوت / خلْهُم : يسمعون


دام ندري الـ " بكى " ما فادَنا !
[ ليه ما نرحَم قلوبٍ يدمعون ؟؟! ]


إن بقينا ( اثنين ) . وكل شي – ضدَّنا !
: الصبر . . . كثر الأمل : ما ينفعون .

النصيب / الناس / قسوة وقتَنا :
مو بـ إيدينا هـ الثلاثه , يخضعون

العواذل ........ { عيدهم } بـ فْراقَنا
" فرصة " أعدائي فـ غيابي / يطلعون





•°ღ°••°ღ°• •°ღ°••°ღ°•

[موكب]

~
~
~



تدري وش إللي يخنق الحب في بداياته ...؟؟

لا جاك مجنون ../ لكن [ من طرف واحد ] ...!!



~
~
~

[موكب]

،،، لكل من سيأتي إلى هنا ،،،



الأن ،، سيعٌم هذا المكان الهدوء


غياب لا يعلم به إلا الله سبحانه


،
،
،

[حـــوران]

المشاركة الأصلية كتبت بواسطة موكب

،،، لكل من سيأتي إلى هنا ،،،



الأن ،، سيعٌم هذا المكان الهدوء


غياب لا يعلم به إلا الله سبحانه


،
،
،

هذا اللي ماأتفقنا عليه ياموكب

حنا مانبي الهدوء .. نبيك انت ومشاعرك

ننـتظرك , ومانقطع الرجا بالياس فيك