##~~~&& أكتب اجمل ما قرأت في الغزل ... للقلوب الخضراء &&~~~##

[الظبيه العنزي]

لاتنصدم مابيـك مابيـك مابيـك
لابوك لابو من يبي اليـوم قربـك

رفعت ضغطي والسبايـب تغليـك
غلطان لاتعلن على القلب حربـك

أن كان تبقاني على العسر ماجيك
ماهوب أنا اللي بالمشابك تشربـك

أشوف ناسي نفسك اليوم وشفيـك
نسيت من هو عدل أبعوج دربك؟

يامـا تحملنـا خطـاك وبلاويـك
يشهد على ماقولي ربـي وربـك

وأن كان تبي تجحد أرجع لماضيك
مثل النهر أسقيك مافـاد شربـك

وياما عطيتك بس مابينـت فيـك
تالي زمانك موجع القلب ضربـك

ياما تحملت البشر لجـل عينيـك
جاني كلام(ن) والسبب كان كربك

وإلحين لا والله أنا شفـت خافيـك
وعرفت دربي ماينسـب لدربـك

وإلحين كيفك لو تغليت (مابيـك)
النفس طابت ماتبي اليـوم قربـك

[الظبيه العنزي]

اتعبت نفسي وجوالـي وانـا افـره
عليك ياللي ماعـاد اتطيـق جوالـي

ادق واسئل عن احوالـك كـذا مـره
من طيبتي كل مامريـت فـي بالـي

ماكنت احسبك عديم احساس بالمـره
مستخسر انك ترد تسئل عن احوالـي

والله وطلع لك اسـم ياتابـع الجـره
ماكنك اللي ربيت اسنين في ظلالـي

اصغر من انك تذل القلـب وتضـره
كافي معك ضاعت اسنينه على الخالي

انكان نفسـك عشـان ابيـك مغتـره
والله لا اعلمك وشهي قيمـة امثالـي

ماتدري ان الحـرار قلوبهـا حـره
ان عزمت تقلب الاول علـى التالـي

قل للسنيـن العـذر لاعـاد تتشـره
في عز ماضقت ماحصلتـك قبالـي

خليتني والوجيـه البيـض مسمـره
تضحك علي الليالي بوجـه عذالـي

لكن وعد لشتـري لـك ورد واثـره
على فراقك واسـوي حفـل بلحالـي

واعزم هداياك اللـي داخـل الجـره
اللي قبل يوم كانـت ذكـرة الغالـي

واحرق هذاك الزمن وافتك من شـره
واعيش عمري بلا همـي وغربالـي

صدقني ماضقت من فرقـاك بالمـره
بس ماذبحني سـوا حاجـه بجوالـي

تدري وش اللي ذبح قلبي من الحـره
اني مخزنـك فـي جوالـي الغالـي

[مسري الجيش]

اهداءءء الي

##~~~&& أكتب اجمل ما قرأت في الغزل ... للقلوب الخضراء &&~~~##



لحظه .. بوادعك .. قبل إنـك توادعنـي
ماني من اللي تروح ويمشـي خلافك ..

لـي عـزة ٍ .. ياوليـد .. النـاس .. تمنعنـي
لوقلت .. مابيك تمزح .. خاطري عافك ..

قد قلتها .. لك قبـل .. ماكنـت تسمعنـي
واليوم فعلك هو اللي حطم أهدافـك ..

يابن .. الأوادم .. نصيحه واخذهـا طعنـي
ماكل شخص ٍ .. يذل .. النفس لا شافـك ..

صحيح زينك بعض أحيان شجعنـي
لكن زود الكـرم زودت بـسرافـك ..

ماهوب أنـا اللـي تنزلنـي وترفعنـي
لودرت في نيتك كسرت مجافك

تبي الصراحـه .. تصـدد لا تطالعنـي
أخاف من دمعتك ولا أنـت ماخافـك ..

ماغير واحـد .. ولا مخلـوق ولعنـي
الحـب يجـرف ولا تختـار جرافـك ..

لو قلت لحدٍ تحب.. وقال لـك يعنـي
خله وبعد مـادام الوقـت ماطافـك ..

أصـارع .. النفـس .. والدنيـا تصارعنـي
والفرق واضـح بمغرافـي ومغرافـك ..

ياخي ترى القلـب عيـا لا يطاوعنـي
يابن الأوادم توكـل خاطـري عافـك ..

[خالدبن فهد]

كنا حبايب نقهر ضروف الايام **واليوم تسعى ضروفنا في قهرنا

[تركي الميموني]

غريبه والسؤال اشلون (قلبي) واقف(ن) ضـدي



بغــيتـــه يخــتم القـصـــة ولكنه بدى فيــــــــهـــا

[مسري الجيش]

في ذمتك في ذمت امك على ابوك ................... اني ليامن غبت تشفق عليه

الرد

في ذمتي في ذمت امي على ابوي ....................... اني عليك اشفق من امي عليه

[بنت الزعبي ..]

السلام عليكم ورحمة الله وبركاته

صبحكم الله بالخير

لعنبوكـ أن كنت قاصـد هالغيـاب وهالتغلّـي
لجلـ تشعّلـ في خفوقي نار شوق ونار غيره .. !

والله ان الشـوق فيني طـاغيٍ حتى بمحلّي
وكل عرقٍ من عروقي ينتظر عطركـ يثيره .. !

هذا طيفك لو يجينـي قمت أرحـب به واهلّي
واسكنه في وسط عيني وآتنفس من عبيره..

وهذي عينك لو تشوف عقـب بعدك وش حصلـ لّي
كان ماتمسي بليلك الا وعيونك ضريره ..

تـدري اني يـوم جيتـك مالفيتك متسلّي
جيت حبٍ صعب غيرك يرتوي من قاع بيـره .. !

جيت لك عشق بدويه لآنتخت صاحت ياخلّي
ماتهاب الا الغياب وشوف عينكـ يستثيره ..

جيـت متشفـق غـرامك واهبـه بعضـي وكلي
صادق احساسي بحـبك راضي بشره وخيره ..

يعني يكفـي ياغنـاتي .. يابعـد حيـي وملي
مالقلبي في غيـابكـ غير اسمكـ اي سيـره .. !

ما كفـاك اني بموت من التجـافي والتغلـي .. !!؟
ارجع لقـلبٍ في بعـدك لمّتـه مليـون حيـره ..

[تركي الميموني]

وعليكم السلام

والله يصبحك بالنور يا وجه الخير

(شمع الرجاء) .. ماهو كما (ظلمة اليـاس)

تفـرق .. ويفـرق بينهـا كـل عاشق وهاوي

[الظبيه العنزي]

إيييه [ ضايق ] من غيابك ومات فيني الإحتمال ..
بس تأكَّد هذا حظي .. وهذا في دنياي فالي ..!

ما شكيت إلا لـ حالي يوم عذَّبني الوصال ..
لمَّا دمَّرني غيابك .. جرحي الأسود طرالي ..!

[تركي الميموني]

تحرك فيني الشوق المسمى والقمر ماغاب

سريت وما وعيت الا و انا رجلي على بابك

/
/
/

خساره يازمن دام الوفا مارجع الاحباب

وانا اللي كنت احسب ان الوفا ثوبك ويزهابك


/

سمعت اللي من حساسي بقوله واترك الاسباب

كفايه لاتزيد الجرح يوم الجرح بسبابك