##~~~&& أكتب اجمل ما قرأت في الغزل ... للقلوب الخضراء &&~~~##

[الظبيه العنزي]

عزاه ياخلن سعى في عذابـــــــي,
وانا عن عيون المخاليق اداريه
مدري نوى خلي يصفي حســـابي,
ولا يبي يجرب غلاه وتغليــــــه
احترت مابين الخطاء والصوابي,
وشلون محبوبي عذابي يسليــــه

[الظبيه العنزي]

خل نفتــرق بسكات وما نطري اللـوووووووم
مـــــدام كـــــــل واحــــد .. يفكِّر بـ حــاله
لا تقول : ظالمنــــــــــي ولا أقول : مظلوووم
إحنا ظـــــلمنا بــــعض .. وهذي العــــــداله

[الظبيه العنزي]

والناس لاجت تمر البال..مرتني مرور الكرام
إلاإنت.من تطري أتناسك..ثم تطري علي من جديد

كنّك دعيت بضحى جمعه وريقك ناشف من الصيام
إنك تـصــير أخر أحبـابـي..وأصير الوافي اللي بعيد

[الظبيه العنزي]

إحساسي اليوم مدري ليه متغيّر
حزين , فاقد حنان , وصدّو أحبابي !
ــــــــــــــــــــــــ البارح \ أضحك من السالين وأسيّر
____________واليوم أنا منطوي ومسكّرن بابي !

[الظبيه العنزي]

سلم عليهم , قلهم " إني إرتحت "
مـآا عآاد لي فيهم من آليوم حـآاجـه ~
علمهم إني لو يطيحون مـآا طحت !!
جذع ٍ تصدا لـ آلزمـآان و عجـآاجـه ~

[ديقول22]

اي والله أهوجـس ولانـي مـرتـاح
والحزن في حـوش الحنايـا بفـاروع
أمسيت من وصل / المواليـف مـزّاح
وأصبحت من فرقا المواليف مفجـوع
البارحه في .. { غبة الوصـل سبّـاح
واليوم من عرش المواصيل مخلـوع !
يا صاحبي صرح الهوى والوفا طـاح
والقلب كنه من عراويـه | مقشـوع |
كنت أحسب إن لحبنـا عشـرة أرواح
ألين شفت الحبل .. { بيديه مقطوع .. !
العام ... خلي يسمع القلب لاصـاح !
واليوم مهما صاح ماهو بمسمـوع ..
يوم العهد به حـده " أسبـوع" لا راح
اسبوع ,,, ويعوّد علي شوق وأدمـوع
واليوم خمس سنين والهـم .. مـا زاح
هم الفراق اللي بلا عذر مشـروع .. !
استغفر الله تس9عه شهور / ياصـاح
في غيبتك قمت أحسب اليوم بإسبـوع
ضاع الحساب وشفت برق الجفـا لاح
وأيّست لولا أن الرجا فيّ مـزروع ..
وحالي نحل والحال ماهو بمنساح .. ؟
من كثر ما ضما للمواصيل ,, وآجوع
بِليت .. في من دونه .. سيوف ورماح
وغدا علي وصله مثل( حبـة الكـوع)
له مني إن سره على الناس .. ما بـاح
ولي منه أن صد ( غصبٍِ بلا طوع )

[الظبيه العنزي]

لاتلومني إليا شفتني .. دايم أجيك ..
ولاشفتني دايم .. على الشط .. ذايب !!

حزني كبير .. أكبر من حدود .. شاطيك ..
وأقسى من جروح الزمان .. العطايب !!

وإن كان تنشدني فأنا .. مقدر أخفيك ..
دايم اظن .. ويطلع .. الظن .. خايب !!

في هالزمن .. أقرب حبايبك .. يشقيك ..
إلين تدفع في غلاه .. الضرايب !!

من بعد هذا .. يبتعد .. عنك .. ويجفيك ..
ماكنه .. بجنبك .. قضى الوقت .. طايب !!

وإلا .. الخوي اللي توقعت .. يفديك ..
يفديك عمره .. لاغدت بك .. نشايب !!

صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب !!

لاتقول لي .. بدري .. وتوك .. ويمديك ..
وتعال .. وأسمع باقي الهرج .. صايب !!

خلك بحالك .. وأطلب الرب .. يهديك ..
ولاتنشد اللي غاب .. وين أنت .. غايب

وإن شفتني غايب .. عن حدود .. شاطيك ..
أعرف تراني .. تحت .. ذيك .. النصايب !!

وأعرف تراني .. دايم إن ضقت .. بآجيك ..
لأني .. أنا .. والموج .. صرنا .. حبايب !!

[ديقول22]

قلبي صحن دش وعيونك عربسات
والبث جري مباشر من شفاتك

سلكي ولاسلكي وعبر المسافات
يسري اثيرك في فضاي وصفاتك

القلب مخرج والمشاعر مذيعات
والشوق مبعوث مراسل لذاتك

ارسال متواصل على خمس فترات
ينقل وقايع ما يصير بحياتك

صورتك في فكري على سبع شاشات
وافضل برامج سهرتي ذكرياتك

وارسال حسادك قطعتة عن السات
بدلت كيبلهم بكيبل غلاتك

والغيت يا ثريا الغلا الأشتراكات
ما عاد اشاهد غير ما بث ساتك

لو شوشت ع البث كل المحطات
يلقط رسيفر خاطري ذبذباتك

جرب على ريموت الأحساس ضغطات
تلقاه ما يختار الا قناتك

[الظبيه العنزي]

المشاركة الأصلية كتبت بواسطة ديقول22

قلبي صحن دش وعيونك عربسات
والبث جري مباشر من شفاتك

سلكي ولاسلكي وعبر المسافات
يسري اثيرك في فضاي وصفاتك

القلب مخرج والمشاعر مذيعات
والشوق مبعوث مراسل لذاتك

ارسال متواصل على خمس فترات
ينقل وقايع ما يصير بحياتك

صورتك في فكري على سبع شاشات
وافضل برامج سهرتي ذكرياتك

وارسال حسادك قطعتة عن السات
بدلت كيبلهم بكيبل غلاتك

والغيت يا ثريا الغلا الأشتراكات
ما عاد اشاهد غير ما بث ساتك

لو شوشت ع البث كل المحطات
يلقط رسيفر خاطري ذبذباتك

جرب على ريموت الأحساس ضغطات
تلقاه ما يختار الا قناتك

8
8
8
8
8
8

[الظبيه العنزي]

إن كتمت الجرح .. من طيبي .. ولعيـون الأخـوّة
وإن كتبته.. ما كتبتـه غيـر .. لعيـون الكتابـة

الكتابة جرح ,, يا جرحي .. وضعـفٍ فيـه قـوّة
والكآبة.. عيب فينـي,, تعـرف حـدود الكآبـة

والمشاعر لـو أبخفيهـا ,غصـب عنّـي, تفـوّه
والقصيد يدق بابـي ... لـو ... مـادقيـت بابـه

غارقٍ ( حضرة جنابي ) في هوى ( حضرة سمـوّه )
وفي هوى ( حضرة سموّي ) غارقٍ ( حضرة جنابه )

والإجابـة ,,, يالسـؤال اللـي تسميهـا .. مــروّة
أيمروّة ,, وأنت حاديني علـى,,( مـرّ الإجابـة )

هو أنا اللي ,, مـن عذابـه يرفـق بحالـه عـدوّه
وإلا أنا اللي,, دون فرحه وقّفـوا كـل القرابـة..!؟

هو أنا ذاك ( الصغير ),, اللي بدنيـا الحـب تـوّه؟
وإلا أنا من( ضاع عمرهـ ) بالهوى وأفنـى شبابـه ؟

هو أنا اللي عن ( سيوف البرد ) قام وشب ضـوّه
مـا درى .. إلا ونـاره ,,, أحرقـت زاهــي ثيـابـه

والا أنا ذاك اليتيـم الجاهـل ابمعنـى الابـوّة..؟
إنجرح صوته.. وهـو يسـأل ,, ولا حـيٍ درابـه

من عذابه ,, يسأل أمه كيف غاب ؟ و ويـن هـوّه ؟
يسأل أمه من عذابه ,, هـو متـى ينهـي غيابـه ؟!

كل فرح , وكل جرح/ ن/ في طرف عيني .. تشـوّهـ ..
ضحكتي فيها ( غموض ),,, ودمعتي فيها ( غرابه )

سـو فينـي يـا زمانـي كـل مـا تبغيـه ,,, سـوّه
وإلا أنا ( ماعاد تفـرق ) .. دامهـا الأشيـاء تشابـه


والسؤال اللي من اسبابـه لقى( المجـروح جـوّهـ )
انتثـر همّـه حـروف ,,, وعـاد ( لجنـون الكتابـة )


وارجع آقول الكتابة.. جرح( ضعف ) وجرح ( قوّة )
واالكآبـة عيـب فينـي ,,, ( تعبـر ) حـدود الكآبـة