المجموعه الثانيه من الصـور ... /

[@ فــهــد @]

لا هنت يا بو سعود على الصور الجميله وانا اخترت صورة الخيل والثانيه بالطريق وهذا ابياتي الأولى

بسم الله

يا شوق عيني للخيول الأصيله=اليعربيه لا غدت تنطح القوم
النادره ذات العيون الكحيله=الفارقة عن دابة الفرس والروم
من زينها تشفي القلوب العليله=ومن قوها يفخر بها كل زيزوم

وسلامتكم

[مبارك بن مجروب]

شكر متجدد لصاحب الابداع المتجدد شكرا يامحمد ع الصور الحلوه

وهذي الابيات للصوره الاولى وان شاء الله تعجبكم :

سكينك الي سلها الصد ,,, جارت=الدم دمي .. شوفه شلون قآآطر
حارت مابين ضلوع مغليك حارت=وانا على رغم التناهيت نآآطر
الله على الايام .. وشلون دارت؟؟=طعنتني بالصد ؟ مبروك ,, شآآطر
وتبي احبك ؟؟ هذي وشلون صآآرت؟؟=محد يحب انسان من دون خآآطر

...............................

وهذي الابيات للصوره الرابعه :

تذكر حبيبي بضمتك كيف كنّا ؟؟=اطفال عشاق وصغارن مساكيين
ماجت ليالينا على ما انتمنّى=وانا على ذكراك سهرتلك عين
رحنا ,, وضعنا ,, والسبابيب { اهلنّأ }=لوضيعوا قربك اهلنّا وغآآليين
مدري من الغلطات والا زمنّا=بس المهم انك على البآل للحين

وسلامتكم ...

[البليهي]

السلام عليكم


بيتين اتمنى ان تنال اعجابكم




8
8

حبيبتي مهره بلا سرج وعنان=تتبع هواها لن محدن عسفها
من عادها طفله وهي شانها شان=رفيعه المنسب عفيف(ن) شرفها

[@ فــهــد @]

استلم طال عمرك الثنتين كلها عساها ترقى لذائقتكم الشعريه الراقيه

بسم الله

يا شوق عيني للخيول الأصيله=اليعربيه لا غدت تنطح القـوم
النادره ذات العيون الكحيله=الفارقة عن دابة الفرس والروم
من زينها تشفي القلوب العليله=ومن قوها يفخر بها كل زيزوم

رحتي على اول قطار وتركتي=شخصٍ يحبك ما بعد قالها لك
رحتي على اول قطار وجرحتي=قلبٍ رهيفٍ بالمحبه عنالك
ابكي بوسط الناس والسبّه انتي=هالك عسى دمعي يزيح المهالك

وسلامتكم.

[سعد بن سريّع]

لو ان حب الطفولة . . ما يردك علي ّ = ابعتذر للغرام ، اللي نســاه الحنيــن . . !
لا صار ما تعني الصوره لك الحيـــن شي ّ = دريت بــان الهوى بادي على / كذبتين
الاولى يوم احســـبك باقي العمر ( لــيّ ) = والثانيه وانت تحضــني بــ / ذيك السنين

[الوضحه]

لاهنت ع الصور الرائعه..

وتفضل

كان لي مثل الوساده لاشكيت=كان لي شمعة حياتي والامل
انجرحت من الفراق ولابريت=مازهدت الصبر بس هو مني مل

أنا مهرة ٍ من لابة ٍ مابها عوجي=مرازيق والتاريخ بأفعالها يوقّع
وضيحية ٍ وأحب سمنات الهروجي=وأكب الهزيل اللي يجي حبكه مرقّع
وياعاذلي هاك القفا..والوعد موجي=باخط لي بصمات بأنحاء هالموقع

وسوالم..

[نمران]

اولاً ارجو قبول عذري عن الغياب في المجموعه الاولى
وهذي اول مشاركاتي وعسى ان تحوز على الرضا

كانك تبي شوف المحب وضياعه .! = وشَوف انكساره .! شِوف وشلون قاعد .!
ان كان ذا حالي لتأخرْك ساعه .! = وشلون اجل حالي عقب .. منتباعد ؟!!

[جرير]

قلَبت بصور الطفوله وأتضح=ان الخيانه فيك من ذاك الزمان
تظمني وانا اللي في ظمك فرح=واثرك تضم عويشقك كله عشان
ايذوب من صدرك ولا منه سرح=اتشوفلك معشوق في ذاك المكان
دققت فعيونك وتاليها اتضح=ان الخيانه طبع من ذاك الزمان

[جرير]

مهرةِ كنها تذب الريح يدَها=من جلدها عن جميع الخلق طامح
كنها فكره وهاجوسي هجدَها=وكان مسرج ظهرها ماني مسامح
وآبل الافكار خفف من جلدَها=لين قامت تتجه حسب الملامح

[خالد بن رمثان]

السلام عليكم ..وآسف على التأخير
وهذي مشاركتي الأولى على الصورة الأولى (السكين) ...

الله لا يهينك ولا منك قصور=على طعونك يوم جتني طعونك
أدميتني بالجرح ما عندك شعور=وأنت الذي قد قلت : مقدر أخونك
عيشتني في عالم الكذب والزور= وخليت ناس(ن) فالمحبه يبونك
لكن .. بعد هذا ترا منت معذور=ولا عاد أحبك لا .. و لا أقدر أصونك