الشاعره / زينب العجمـــــــيه

[بنت راكــــان]

السلام عليكم ورحمه الله

ومساكم الله بالخير جميعا

هذي مشاركه مني للشاعره / زينب العجمي رحمها الله


ولدت بالرس في النصف الاخير من القرنالثالث عشر الهجري وعاشت فيها الى ان توفيت سنه 1337 هـ قالت قصائد كثيره كما يؤكد الرواه لاكني لم اتمكن من العثور الا على القليل من انتاجها الشعري

تزوجت برجل يدعى ابن رشدان من اهالي الرياض وكان عمله يلزمه ان يبتعد عن زوجته ايام طويله واشهر

وفي احدى المرات طالت غيبته مما حز في نفسها وجعلها تقول قصائد عديده تجسد الشوق الى عودته والاحساس بمراره فراقه ومن قصائدها تلك :

ياراكب اللي مابعد شق نابه = عمليه ترعى عذيات الاقفار

الام حويطيه غريب ضرابه = والابو سباق العرايب الى نار

مافوقه الا مزهبه مع شرابه = معلوق يلعب بين الاربع الى غار

ويكنيها البعض( مخراقه ) نسبه الى والدها الذي يكنى بهذه الكنيه

ومعنى مخراق : هو الذي اعتاد على بذل مالديه من اموال ويعتبر العرب هذه الصفه من اعلى درجات الكرم

إن قيل مخراقه فلابه معيره = عمهوجه تزهى جديد المدابيح

الى اقبلت مع ناعسات الجديله = ماهيب من خثل البطون الجوابيح

قبلتني وادي كثير حصيله = نصيت قبر ابوي عالى اللواليح

صبيت صوتين بهن نوع ذيره =تجمعت عندي وجيه مفاليح

قالوا علامك قلت ياناس خيره = قوم ويذكر به سنع هبة الريح

وقالت

تفخر بامجاد زوجها :

الى رقيت طويق فشرف براسه = ترى إن قصره نايف بين ضلعان

تراه من قوم براسه نعاره = الى طالع ازوال نطحهم مسيان

افرك نحرها لاتجي حول بابه = المطلب اللي عندكم وسم بيضان

وقدم من الرياض شخص يدعى سالم الحناكي من اصدقاء زوجها فذهبت اليه لتساله عن احوال زوجها ففاجأها بانه قد تزوج عليها من مره اخرى
( والله ان ذا الزوج مايستاهلها )

فقالت تصف شعورها :

سيرت ابنشد سالم كيف ودى = الطارش اللي غايب له زمانين

قال ان شوقك من علومك يصدى = من يمكم ماهوب طلق الحجاجين

متزوج له وحدة له يكدى = وانتي يبيك الى رمعته المعاطين

تهت الطريق وجيت انا سوق سدى = غديت مااميز طريقي من البين

ليته يجيني قبل ينباح سدى = واهيض اللي بالصناديق موذين

هذا مالدي عن الشاعره ومن لديه اضافه فليتفضل مشكورا

في امان الله

بنت راكان

[راكان اليامي]

اررررررررحبي يابنت راكان

وتسلم يمينش على الموضوع الطيب

تحياتي

[مـحمـد]

شكرا

وفي الحقيقه اول مره اسمع عن هذه الشاعره ..!!

ولي تعقيب بسيط : ودك ان العجميه كان تقولين بدالها العجمي وبس

او ماتذكر القبيله بالاساس للاناث خاصه وهذا ماجرى العرف عليه سواء

من الكتاب او النقاد من صحف وغيرها وشكرا .

[admin]

بسم الله الرحمن الرحيم

تسلمين يا بنت راكان علي هذا النقل الرائع وهذه القصائد
الله يرحم الشاعره ويسكنها الجنه ،،


وكم اتمنى ان يكون هناك موضوع يحوي علي قصائد شاعرات من القبيله حتى نستطيع التعرف علي تلك القصائد والشاعرات






ولك تحياتي

[cool]

السلاااام عليكم ورحمة الله وبركاااته

تسلمين بنت رااااكااان والله يعطيش العاافيه .


كـووول

[الخويطري]

يعطيك العافيه يــ بنت راكان


ووجود رائع جدا كما هي كعادتك ويضاف عليها اخبرنا بـ شاعره عجميه مانعرفها وهي زينب

وصح الله لسانك والله يرحم زينب العجميه ولأهنتي مليون

ووننتظرك دائما في قصه وقصيده

وتقبلي تحياتي

الخويطري

[بنت راكــــان]

البقااااا اخي راكان

ومن قال سالم

ولاهنت على مرورك

[بنت راكــــان]

هلا بك اخي ALAJMI

وبالنسبه لتعقيبك ان اكتب( موضي العجمي ) كله واحد سواء العجمي والا
العجميه

بس هذا ماجرى العرف عليه مثل الشاعره (بخوت المريه ) وهي المري

(ومويضي البرازيه ) (صيته الخالديه )

وعلى العموم هذي وجهه نظرك وانا احترمها

ولاهنت على مرورك الكريم

[بنت راكــــان]

هلا بك اخي ابو فيصل

ومن قال سالم

واللهم امين

ونتمنى صراحه هالشي وانشاء الله اني بحاول ابحث واجمع عن قصائد شاعرات عجميات

في امان الله ولاهنت على المرور

[ال محفوظ العجمي]

تسلميييييييييين يابنت راكان

اطلاله مميزه

اخوك ...حمد