|
يقولون البدو00 ويقولون ارجال
السلام عليكم ورحمة الله وبركاته
هذه القصيده ارسلتها لأخي وصديقي سلطان بن وسام وسبق ان نشرة في مجلة الفوارس وتنشرها مجلة بروز هذ العدد واحبيت ان اشارككم فيها امل ان تحوز على اعجابكم ورضاكم
يقولون البدو
يدور الشك في ذهني ثلاث ايام ياعقال=وبرر موقفي لاشك ولد اللااش في قدره
يحمل الحمل رجلن مايعرف الذل لامن شال=زهت يمناه فنجاله وكفواً لاضرب صدره
يقولون البدو لاضاق صدرك وانعمس لك بال=على راس الطويله غنى واترك من حسب عمره
الا ياالله لاتقطع سلالات طيبين الفال=وريثين الكرم والجود ياعلام بالقدره
ولا يالله يافارج هموم ويامغيث اطفال=تفرج هم مهموماً كريمأ شاف مايكره
والا يالله ياقادر علىالمخراج والمدخال=تسمح درب من ينوي يسير اليوم مع بكره
ولايامن تقول من السوالف خل قيل وقال=ترا ماكل من ينذر يصدق من عقب نذره
ترى مالك علي درب تشره لا ولابك حال=علي غبر السنين اللي لضاها كنه الجمره
مكانك هو مكانك ماتغير لا ولا ينزال=بنفسي مثل ماقد كان قدر ك باقيً كبره
انا مانيب غصناً كل ماهب الهوى له مال= انا رجلن تلوعه الدهور وثابتً جذره
يشوف البرق يومنه تلالا فوق ذاك الجال=ولايشعفني الابارقاً قد ذقت من كسره
مثل سلطان بن وسام حط الطيب عم وخال=جدوده هم جدوده حي من قد مدح في ذكره
وش الي باقياً غير الزهاب الي نضاه حثال=تجمل في رفيقك شف رفيقك تايهاً فكره
يعبد الرب لون عنده ميت مليون ولا ريال=وش الي حارقاً رز الجحود الي نس التمره
يقولون الرجال
هل بالساعه البركه وبالمهره وبالخيال= بدايت عمرها خمسه وباقي عمرها عشره
تفضل ياسميي وخذلك من دلتي فنجال=ولامنا تقهوينا خذينا موجز النشره
على الله كل خطوه في سبيل الحل والترحال=احمده واشكره وابدي الحجه على العمره
بعدها ياهجوس الشعر مابعد العصر مقيال=نبي نعقل عراقيب القعود وناسم البكره
خطا من قال لك لاضاق صدرك غنى لك موال=هذا ماغير حرف وحرف غنه واكتبه واقره
عليك برفقة الطيب وترك رفقة الانذال=ترا الانذال في لحظه تبيع الملح والعشره
ياسلطان انت من قوماً لهم قدر ولهم منزال=لاتشكي من زمانك وانت عودأ من طرف سمره
ابو مليون دش السوق والمليون راس المال=وعود يصفق الكفين ويعاني من الحسره
وانا اقول الردى والطيب مايحتاج فيه جدال= هذا حراً على وكره وهذى تبعاً على وكره
ربيع العام الاول من حنيذ اليارجم بذال=رعاه الي رعاه وشدو العالم على ذكره
ومات الحلم وعيون اليتامى دمعها همال= تصفق بالكفوف وتنثر الدمعه على قبره
اخذ نمرة تليفوني وكلمني على الجوال=على فكره على فكره على فكره على فكره
ترا بعض الكلام الي نسولف فيه ماينقال=شياطين السما والارض من صفره الا صفره
بعارين الحمول جمال لو ان الحمول ثقال=مايرجع في المناحي كون ثوراً جدته بكره
وسلامتكم
__________________
مهما حصل من بعد وقصور وغياب=تراي عمري مانسيت الموده
انته سكنت بداخل رموش الاهداب=عيني افراش ورمش عيني مخده
وترا الغلا ماينتهي بين الاحباب=بذات لاصار الغلا فوق حده
التعديل الأخير تم بواسطة سلطان بن جفن ; 20-07-2004 الساعة 04:30 PM
|
16-02-2004, 01:52 AM
العرض العادي
