أبي رايكم .. جعل الجنة داري وداركم ..؟!

[صوت القلوب]

بســــم الله الرحمن الرحيم

السلام عليكم ورحمة الله وبركاته


قصص حب ..

قصص رومانسية ..

قصص خيالية ..

قصص لا أخلاقية ..

قصص تصور الشيء القبيح بالجمال ..

قصص تصور العلاقات المحرمة .. فـ تظهرها بصورة الشرعية والإباحة ..

وهي إباحية وليست مباحة ..

بس عشان ما نعمم قد تكون فيه قصص (محترمة) بس قلت جدًا

لست من قراء القصص .. قد يكون مجموع ما قرأته حتى الآن لا يكاد يصل لـ 3 قصص ..

كنت أرى زميلاتي وهوسهن بـ قراءة هذه القصص ..

وأقول لهن : وش لاقين في هالقصص كذب ونصب ..!

غير هذا وقتكم ضايع ..!

يقولون : والله حلوه هالقصص ..

لما أسأل عن القصة اللي يقرونها .. يتخانقون انا بقول لا انا بقول .. أتحسف على سؤالي وأقول خلاص ما أبي أعرف

ولما يتفقون وحده تقول .. تشوف القصة (ألعن) من الأفلام الهندية .. وتلقاهم متأثرين ومتفاعلين مع الأحداث ..

هذه تقول الحدث

الثانية تقول : حراااام

تقول هذه حدث حزين في القصة ..

الثانية تقول : إيه شفتيهم .. مساكين ما توقعت يصير كذا ..!

وأنا أطالعهم مفهية مدري وش يقولون ..؟

قريت قصة .. قديمة عنوانها : بشروه إني أبرحل لما كنت بالثانوية ..

هالقصة لعبت فيني لعب .. وكرهتني القصص ..

كنت كني هبلة لما أقرا بعض الأحداث أضحك

لا مروا علي إخواني وانا أقرأها يشكون في (عقليتي)

ولا قريت حدث حزين .. كرتون كلينكس .. وهات يا أصوات ..

وإذا تأثرت زيادة .. تسمع صوت الفحطة على بالك واحد حاك بريك

مأساة ..

ومدري شنو غيرها هذه أكثر وحده أذكرها ..

وجابت لي ضيقة .. وقعدت شهور والله وانا متأثرة منها ..



فـ قررت الآتي :

إني أحرم قراءة القصص على خواتي ..

أولًا : تصور الحب بأنه أطهر شي و ما يحدث في زمننا يخالف هذا الامر ..

ثانيًا : تصور العلاقة المحرمة بأنها مسموحة ومقبولة من الدين والمجتمع وهي تخالفهم ..

ثالثًا : بعض القصص .. وحسب ما سمعت لأني مثل ما قلت لكم لستُ من قراء القصص .. تدخل

في تفاصيل عميقة .. يستحي الواحد حتى إنه يقرأها ..

واللي سمعته يدمي القلب .. لا أريد البوح بما سمعته ..فـ حتى الآن لستُ أصدق ذاك الكلام وأقول

بأنه محض خيال .. أو كذبة .!

رابعًا : قد يأخذهم خيالهم بعيدًا .. لـ يفكروا بإمكانية حصول وتحقيق هذا الأمر في الواقع .. دون ثمن

يقابله (دنيوي وأخروي)


فـ ما رأيكم .. أنا مبالغة وإلا وجهة نظري صحيحة ..؟!

[جـلابص]

شوفي
الرويات ماقولك موب حلوه
الا فيه رويات عن رويات
بس متا الواحد يطيح في هذي الرويات
في بدايه المراهقه
والكل يطيح فيه من ها الجيل
هذا
اكثر الرويات
تحب بنت عمها مدري كيف وسيم
من ها الكلام الزين
بس انااشوف الحين الرويات كلهاا سخافات
يعطيك العافيه
وتقبلي شخاميطي
<<علي فكره تر هذي اول مشاركه لي يعني رحبو فيني

[قرناس العازمي]

شوفي وانا آخوٍك،:

على قولتك القصص تختلف من قصه الى آخرىـآ


خياليه واقعيــــــــــه رومنسيه ......... آالــــــــخ

بالنسبـه لي احب اي قصـــــه ترجع علي بالفائـــــــــدهـ.

ومن الجيـد الابتعاد عن القصص لانها تااثر ومالوومك باللي تفكريـن فيـه .

[نوال]

ياااابنت أبي فيه روايه تختلف عن روايه بس اناااااااا معش وكلامش عين العقل ...

[الصديعه]

عز الله صدقتي انا قريتها بشروه اني ابرحل جعله والله مرحال جدي اللي رحل وعاد ودي به هبلت فيني وهذي القصه الوحيده اللي قريتها الله لا يعيدها لعبت في نفسيتي
يعافيش ع الموضوع الحلو

[سعد بن بصيص ال فنيس]

للاسف مع سهولة وصول القصه في زمن البلوتوث والانترنت
والتكنلوجيا الحديث الا ان القصص الوحيد التي وصلت الى الناس والشباب بالاخص القصص الفاشله التي منها ماذكرتيه اعتقد ان اكثر شي ممكن يكون مفيد ومسلي بهالوقت هي القصه طبعا مو القصه الي قلتي عنها لا القصه الي يكون لها حبكه ويكون منها مغزى وتكون فايدتها ملحوظه في نهايتها ولاتندمين على قرائتها ابدا بل ستنصحين بها الناس وغالبا ماتكون على شكل روايه اي كتاب مقروء ومن الممكن ان تجديها على المواقع الادبيه في هذا الوقت ...


اسف على الاطاله ولكن :

زمن اقشر الي حتى الادب والقصص التي كانت رمز لمجتمعاتنا غزاها المخربون .

[صوت القلوب]

جلابص .. اررحب ثم اررحب

كلامك كله صحيح ..

القصص مو سخافات لا وصاخات .. قذارات .. دناءات ..انحطاطات أخلاقية ..


الله يعين .. كل شيء يدلنا على أمور لا تستحق من وقتنا شيء ..


شكرًا على مرورك ورأيك ..

[راعي المشعاب]

الروايات مجموعة أفكار من نسج الخيال لا تمت للحقيقه بأي صله
فلماذا نرهق أنفسنا ونتعب اعيننا بالقرائه الغير هادفه
ومع هذا مضيعه للوقت .

أليس الأولى أن نقرأ القرآن الكريم بدلا من تلك الروايات التي تخدش الحياء
وتجلب العواطف الوهميه ؟؟؟

على الانسان المسلم الواعي أن يعلم انما عمره في هذه الدنيا إنما هو سويعات
فليجعلها فيما يرضي ربه ..

وأنا من رأيي أن القصص التي لاتخلو من الرومانسيه والحب
أرى أنها تعدت مرحلة الإباحه الشرعيه .. لأن الشرع لا يبيح محرماً
لأن كل ما يظهر في هذه الروايات إنما هو حب وتواعد وكلام في الغرام والعشق
وهذا خلاف الشرع .. فأين الإباحه في ذلك ... ؟

ومسأله مهمه .. قالها النبي صلى الله عليه وسلم
(( لن تزولا قدما عبد يوم القيامة حتى يسأل عن أربع: عن عمره فيم أفناه، وعن شبابه فيم أبلاه، وعن ماله من أين اكتسبه وفيم أنفقه، وعن علمه ما عمل فيه )) رواه البيهقي، وحسنه الألباني

الأخت الكريمه / شوسه
كل الشكر لكِ على هذا الموضوع القيم
وبارك الله فيكِ

دمتي بحفظ الله

[مهندس جدير]

شوفي ياأختي الفاضلة

ماقلتيه هو عين الحق ولاغبار عليه وانا معاكي في الرأي

ولكن..,

اغلب الذين ادمنوا على هذه القصص فتيات بعمر الزوهر من 14 الى 18سنة ويمكن اكبر في بعض الحالات

وكلهم يشكون من قل التوعية من الاهل وكذالك وجود فراغ كبير في حياتهم اليومية

بلامبالغة جميع من ادمن على تلك القصص ادمنوا عليها وقت الاجازة الصيفية لانهم كانوا منشغلين بالدراسة

في ايام الدراسة وفجأة اصبح لديهم فراغ كبير في اوقاتهم في الاجازة الصيفية مع قل التوعية ادى الى انتشار تلك الظاهره

مشكورة على هذا الطرح الرائع وتقبلي خالص التحايا

[الجادل العجميه]

والله انا مع القصص بس قبلها انا عارفه نفسي ما اسمح اني اتاثر فيهاااا لان فالنهايه كلن ومجتمعه وكلن له مبدأه،، وجهت نظر:::
مشكوره وعساش ع القوه