ابـــن مـــــانـــــعـــــة

[العجمي تيم]

حضرت وعيون الرجال حراب وعيوني حراب@ووقفت من بين النشاما وقفت(ن)يدرابها

اقدر وجيه(ن)تقدرني واحسب لها حساب@واصد عن بعض الوجيه ولا حسبت حسابها

جات البداية هكذا يما خطا ولا صواب@لاكنها فكرة عسى ربي يجملنا بها

حمستها فالراس حمس البن يوم الكيف طاب@من طيب نكهتها طمع في شربها صبابها

وفوحتها بين المحاني لين فيها البن ذاب@وقندتها من من فكري اللي مايطيب الا بها

يوم استوت قدمتها لوجيه سمحين الجناب@ماكنها الا دلة تبري خوا شرابها

صحيح شاب الوصف لاكن من يقول القاف شاب@ الا على روس الطوال النايفات ارقى بها

شاعر واحقر الهينة ويشوش راسي للصعاب@ماني بحي الله ليا شاف الصعاب يهابها

اقرف بحر واقطف زهر وانحت على صم الهضاب@ مثايل(ن) تبطي عند العرب يحكى بها

السبع كانه لاعدا ماله على الشدات ناب@ تعشته شيب السباع اللي تحد انيابها

واللي مالقى من يمينه لاطعام ولا شراب@ تصبر على جور الليالي لحيته واشنابها

واللي معه قلب(ن) شجاع وعزم ذيب وعين داب@ وبين الجبال الموحشة دربه وبين هضابها

ومنين ماهب الهوا لقاله خشوم الركاب@ من سطوته ماهو يخليها تعوج رقابها

ولايكل ولا يمل ولايضيق ولا يهاب@ ويعقب اللي مايقول النار من شبابها

ان كان ماجاه السعد يسبق مراويح السحاب@ قولة كفو في حق مثله مايطول غيابها

وانا احتزمت بمحزميواخذت سيفي والزهاب@ وشقر(ن) عليها البندق بين(ن) مضرابها

من دار ابو مشعل سديد الراي حلال الصعاب@ حليت في دار الرجال اللي تعز اصحابها

واخذت من غيري كتاب وشفت مضمون الكتاب@ماهو كتاب الا وصاة(ن)ماطلعت الا بها

من ثقلها يمكن يبين الشيب في راس الشباب@مافيه واحد من عيال العود ماوصى بها

تباع من دون الوطن والملك لانفس والرقاب@ ماهي خسارة روحت الارواح دون ترابها

والجادل اللي لبسها ندر الجواهر والثياب@موضوعها اكبر من جواهرها ودق خضابها

تلد لي كنها تقول ادخل عليك من الذهاب@تراك(يامي)ستر من تبغى الستر بثيابها

قد غارت العقبان تبغيها وعداها عقاب@ حول عليها يوم شات لجله وقفا بها

خذها ببيت وحكمة ومعنى ووزن ورفع اداب@ لو مامعه قوة وعزم ومعرفه ماجابها

وانا حضرت وحضرتي ماهي سوا هي والغياب@حضور من يجني فوايد طرقته واتعابها

ان كان فالدعوة بيارق فاللوازم مانهاب@ حنى لها يما بها ولا بقطع ارقابها

وسلامتكم

الشاعر صـــالـــح ابـــن مـــانـــعـــه الـــمـــري